[منال]

المشاركة الأصلية كتبت بواسطة شبارقة

[align=justify]هههههه مالكن؟ الحاصل شنو يا نسوان؟ مالي أرى تنازلات وإنخفاض في سقف المطلوبات ... نحن بقينا عملة نادرة ولا ّ شنو ؟

وبالمناسبة دي زماااان حبوبتي قالت لينا : بجي زمن الرجال بيبقوا شوية والنسوان بيبقن كتيرات زي الهم في القلب ... مثلا ً الحلة يكون فيها صبي واحد والباقيات جت عليهن بنيات أها لمن يشوفنوا يقومن يجرن وراهو وكل واحدة شايلة ليها في يدها عود وهو يقوم جاري خوفاً على نفسو ... الشاطرة فيهن البتلحقو وتلمسو .. تلمسو بس بالعود .. وتشم العود أكان تلقى فيهو ريحة الصبي ..ريحتو بس بترضي غرورهن وعشان كده سموهو شم العود .... تشـُمنـَنـَا قدحة : [/align]

صباحك زين يا شبارقة حكى حبوبتك ذكرنى بتاعين الفرقة الكوميدية وهم بصورو فى مدرسة ثانوى و متوسط كان و البنوت خارجات من المدرسة و فى الحوش الاستاد داك الفى المدرسة و لك ان تتخيلو مليان بنوت ... و وزى خمسة من الشباب بتلفتو و باندهاش و غميض و فتيح عيون ... واحد بضحك ضحكة مدوية بقول هسه يلقوا ليكم عرسان وين بعد الشباب استشهدوا ... ما بحضر زمن العود ده .... الا القدحة من الصافية ما بشمها و هى مقولة تضرب للشىء صعب تحقيقه و يحتاج لمال و قومة نفس ... واعتقد بانو الزواج ما تجارة ... ولو بسيطة شنطة اها شنطة شيلة مادايرها ... شفت التنازلات كيف