صديقي وزميلي المثني آبو لكيلك تم نقله للعمل بالهند اتصلت عليهو عشان ابارك ليهو قال لي ما مقبولة منك الا تسو لي مربوع مربوعين قمت كتبت ليهو..
داب فارق سماح امات دغوم وفصود
وشديت الرحال للوصفو في بوليوود
غزّر في القبض والميري مالو حدود
واختالنا العويش ما تجلي من العود
بعدما كت ركوبك ديراوي آما قعود
وضارب الفونقة فوق عنافي ماهو جحود
شديت البفز بالعجلة والواقود
وجابدت السحاب بعد اللجام وزنود
فارق وشات ناس امنة والبريبة
ديل زالو المقص بالقرضة والمحريبة
يا خلي السفر حتماً عليهو ضريبة
وان بقي للهنود باقي السماحة عجيبة
التعديل الأخير تم بواسطة سجمان ; 29-05-2022 الساعة 02:49 PM.
|