[عبدالمنعم الطيب حسن]

كتب عمر مضوي
في بوست في الصفحة دي عن حمد الريح وعمنا الباجة، وليالي الجيلي الثانوية
(تعرف يامنعم مرات تعلق معاك اغنية ماتعرفها من وين جاتك اصلا لكن مرات في توارد خواطر . انا من قبيل بردد في ( والسواقي النايحة طول الليل حنين الدنيا ممزوج في بكاها ) اسي عليك كان تشرح لي حنجويدي القصة دي تبدأ من وين . الساقية ذاتو داير تشرحها . خليك من الحنين ومن بكاها . لانو الجنجويدي منزوع الانسانية وهو المقابل الموضوعي للكوز . لذلك ستتختفي ظاهرة الجنجويد عاجلا ام اجلا وسيبقى حمد الريح الزول المسالم اب تفة ياقول امي الذي يطربنا في كل حين .)
وعلقت عليهو ادناه
(عمر
الجنحويدي لا يعرف الساقية ولا نغمتا ولا حركتا، وولا مويتا
وليه بدور طول الليل..
ولا يعرف حمد الريح ولا النيل ولا الحنين..ولا ممزوج ولا بكاها..
الجنجويدي هو كوز والكوز هو جنجاويدي.. وكلاهما تشيل وتدي البحر..
الجنجاويدي كما الكوز وحش عابر في تاريخ السودان..وفي جغرافيته،
ويبقى النيل وحمد الريح والساقية والغنوة السودانية التي طالما شكلت وجداننا بتنوعها وتفردها..
الاغاني وحدت وجدان الشعب السوداني..)
...
قلت اشرككم في بهاء الود عمر مصطفى..