يا ود مخير يا صاحبنا ..
يا زول كانت حُفر الحيكومة و الطبيعة و غَرْف ( أو نَقْفْ ) البلاعات أم صابوناً كاوية ..
هسه بقت ما حفر << بقينا الحفرة نحنا في بت أم روحنا ..
و قام ركام البنايات الطوالع .. طوفة طوفة ، و اتوكرنا في النص كخير الأمور .
قالوا الديم بقي في خطة إسكان الحيكومة : قطع سكنية درجة أولى ..
شفت كيفن بقت علينا .. !!
تقوموا يا الناس التُخان تكاوشوا البيوت وتقعوا فيها هدم ..
و يتهدم ما يتهدم من أول الأصوات اللي كانت .. و للمشاعر و الحكايا و المحازن و التفاريح ..
إلى آخر النوايا و الأحلام أمات ريش ..
ثم تقوم قيامة الأرض .. و تقوم ديك يا العمارة .
و لا عزاء .. لا عزاء
شاكر يا صاحب حضورك ..
يسعد نهارك .
|