[حليمة]

المشاركة الأصلية كتبت بواسطة مكي محمد الحسن

السلام عليكم يا صعايده
مرحباً بعوده الأخت حليمه بيننا بعد طول غياب ..
أولاً الاخ أسامه أبوشيبة قال ماشي الشرقية وما عرفنا من الاخ ( أبوريم ) هل وصلهم هناك ولا لسع !!وعلي ما أعتقد انه في السودان الآن ..يمكن في طريق عودته يغشاكم لكن ما أظن تفضل معاه بعض النسخ من ( السي دي الجديد ) عشان ناس السودان من الصعايده أكيد ( تخاتفوها ) ..
وعليكم السلام ورحمة الله تعالى وبركاته
منتظرين على أحر من الجمر . وسماعاتنا على يمينا وشمالنا عشان تعرف بس نحن بندعم المواهب .
ثانياً يعني مستكثرة علي ( أغني ) في السن دي
ما متعودة اخد الامور بسطحية ما قصدت العمر الزمنى . نحن الحريم دائماً عندنا إستراتيجية مهما كان عمرنا . البرتبط بينا بنجهجهه ونعيّشو فى قلق لحدى ما يعمل الخطوبة ومعها تبدأ إستراتيجية جديدة من الحصار العاطفى بحيث يكون همه الوحيد تسريع الزواج . وبعد العرس بقى عاد الشغل على مية بيضا . السعى بالدعاء والتمنى أنه البت تجى سريع ولو بقن أكتر دى ما نعمة كبيرة . لانه بتبقى الإسطوانة بعد انت بقيت ابو بت يعنى همك كلو تكبّرها وتعرس ليها وبالعربى كده رجلك واحدة فى القبر والتانية فى الدنيا لتزويج البنية . مع إضافة ماتنسى طلباتها الكتيرة وده كلو كخطة تحت تحت لزوم صرف العين الطايرة ناحية الاخرى (الضرة) . اظن كده فهمت قصدى بكلمة السن دى . كنت ناوية اوضح الكلام ده من اول لكن لظروف ما قدرت . ولو بتذكر فى موقع الاسايطة بالرياض كنت بحاول اشوف عرسان لبنات الاسايطة . ولما قلت أكسر لابراهوما العود وألا اعمل ليهو حصار ، لانه ما عندو بنات ..
..ما أهو ( ابراهيم عباس ) بقي بيعزف عود وعلي قول أخونا أبوريم : ( دي زاتها ما أدونا ليها قبل كده )..
إذن انتو ما بتعرفو ابراهيم . والله من نحن فى اسيوط بعزف وبغنى لى بالعود . انتو ما ناقشين حاجة واسامة عامل فيها تفتيحة هاهاها .
عموماً مكسب كبير يعني فرقة الرياض الموسيقية جاهزة : علي العود أبراهيم عباس وعلي البيز جيتار فايز هندسه وعلي الاورج د.ايهاب قباني ..ناقصكم ( الفنان ) أوع شبارقه ينط في الخانة الفاضية دي قبل ما نجيكم
ما تخاف انت اولى لانه عندك بت واحدة وشبارقة عيييك روّح .
تحياتي لك ولابراهيم والاخوة والاخوات المعاك وان شاء دائماً مبتهجين ..

آمين .شكراً وتحياتك واصلة إن شاء الله . ولك سلام ابراهوما . وسلاماتنا للمعاك .