[أشتر]

المشاركة الأصلية كتبت بواسطة سارة

كل يوم شارينا فى ناصية حروفك
او فى شوراع اختياراتك
هو البجيب الحمى ام برد شنو
ما نوعيتكم دى
تكتلو الكتيل وتقولوا لا سمعنا لا راينا
شكيتك لاب ايدن قوية
يا سجم انت ما بترد مالك

شايفك مركبّة مكنة زد واي يا سارة !!!
تشيلي وتخمي فينا بالكلام ...
عاد دا كلام دا !!!
اساسا القاعدين رواكيب كتاااار ... في منهم ماكلنها في حنانم ...
و البياكل براهو بخنق ... مع إنو الحقيقة غير كدا !!!
فقلت ألم في الناس دي خنق كدا كدا ما فارقة معاهم ...
وشايف كمان لهجتك في تصعيد مستمر على المستويين الشخصي وقدام الناس !!!
هو قالو ليك انا ناقص خصوصا والشتا على مشارف البلاد
بيني وبينك صنّة الشتا دي بتخوف والله مع أوتار زي دي توتر بالواحد ونطلع بالصفر هعهعهعه
وفي النهاية المحصلة وجع قلب يضاف إلى رصيدنا المقندل ...
فشنو !!!
تقومي تخلي الخلق للخالق عشان العملية بيك وبدونك ما ناقصة في هذه الليالي الكئيبة
بس مرورك بنحبو ... وشتيمتك على قلبي زي العسل ... يا عسل .. اقصد يا سجم
متمني يوم واحد تسمعي من سكات زي بقية الخلق ... وتدينا خيرك نشوف غيرك !!!
إنا لله ...