[أشتر]

المشاركة الأصلية كتبت بواسطة سارة

انا ولا خلتان

أربيا ولا خلتان

سواق زاتو ولا خلتان

خلتـــــــــــــــــــــــــــــــــــــــــــــــ ـــــــــــــــــــــان مسائد

كب لى اربيا أرقى سكرا

جوجلانا جوجلانا

زى ام دشيشى فى وادى كبانا

والله العظيم يا سارة قصة زي دي حصلت علينا في طريق الدمازين ..
كنا تلاتة من الادفنشريين السوسايديين المارقين للربا التلاف راكبين مازدا صالون موديل قديم ..
قررنا نمشي بيها الدمازين والوكت داك لسه ماف زلط ...
شايلين معانا جركانات بنزين في الضهرية طبعا وموية ...
اها وسط غابة كدا بنشرت بينا وفي نفس الوكت كسرت ركبة قدامية
وانا والوهم المعاي ديل بقينا نعافر وظيطنا الشغلانية وبقت تمااام ..
ياسين الشليق قام فتح اللديتر وجاب باقة بنزين من الضهرية قايلا موية ...
باقة بنزين قتا ما اكياس
وبق بق بق بق سقاها بنزين ،،،، بدال بق بق خليها جوجلانا جوجلانا الله معانا ما همانا ...
قتا ليهم ادوها حاجة تستفرغ ما في جوفها ..
فخري (الملّاح وزول الطريق) فتح ضبة اللديتر وكبينا فيها تلاتة جركانات موية كغسيل معدة ..
الكلام دا كان نص الليل .. في كلاش كدا حصل أكبر من البنشر وافظع (دا خارج موضوعنا والله لا وراك ليو)
ودوّرنا على كدا .. طوااااالي دمازين دظ ..
بس إتي فكرتي في البوست دا كيف ؟؟؟ أكيد في حاجة جوجلتك
حاجة لذيذة والله وشبال كدا فلكلوري ...
من قرايتي الاولى قتا المرا دي جنّت خلي بالك ..
غايتو لو ما الترجمة ما كنت نقشت حاجة ...