الغالي ود البك العزيز ابوريم دكتور الزوول العزيز شبارقة السامق دكتور هاشم العزيز دكتور الجيلي العزيز ود الكاشف شفاك الله الغالي مكي العزيز كيشو العزيز علي عبد الله
اهديكم هذه الطرائف
واحد مسطول سألوه عن الفرق بين الركشة والكارو قال في الكارو الحمار بره
***
مسطول عينوه مدير دار الايتام اول يوم طلب اجتماع مجلس اباء
***
مسطول وقع في حفرة، حاول يطلع ثلاث مرات، قال دي آخر مرة اذا ما طلعت بمشي ***
في مسابقة أسرع رسم، واحد مسطول رسم نقطة، سألوه ده شنو قال: فيل جاي من بعيد ***
***
مسطول سأل صاحبو قال ليهو: الشيء البقول ناووو وبطير ده شنو؟
قال: كديسة وشايتنها شلوت ***
مساطيل قالوا نظموا مظاهرة ضد امريكا
لبسو واحد صورة بوش وحرقو ه ***
***
مسطول عمل عملية تجميل جاء داخل لاهله بعد العملية قال ليهم على القسم ما عرفتكم ***
• مسطول بيشرب الدواء قبل مواعيد ه سالوه ليه قال ليهم: عشان افاجئ الجراثيم!
• مسطول ابوه مات جا واحد سالو: الحاصل شنو؟ المسطول رد: والله الوالد شوية كدة متوفي!
• واحد بسال مسطول قال ليه: عليك الله ياخي بتعرف حدائق 6 ابريل وين؟ المسطول قال: حدائق 6 ابريييل !! حدائق 6 ابريييل ما قالو ليك سنة كم؟
• مسطول اتصل بوكالة سفر سأل السكرتيرة: لوسمحتى الرحلة بين السودان ويوغندا بتاخد كم ساعة؟ قالت ليهو: لحظة بس... قال ليها: طيب شكرا!
• مسطول صدم عمود كهربا قال: الله يلعن ناس المويه ديل ما لقو يختو برج اتصالات إلا هنا؟!
• واحد مسطول عندو سبعة ا ولاد سمى نفسو سفن أب!
• مسطول سال صحبو: جرحتى دى كبيرة ولا صغيرة؟ صحبو رد: منااااااااااااااااااسبة!
• مسطول سالوه: ما اصغر شئ في الدينا؟ قال ليهم: شامة في ضهر نملة!
• شايفك قدامي وما قادر أوصلك. وكل ما أحاول أقرب منك أخاف تصدمني. ومرات كتيرة أفكر فيك بلقاك إنت جاري وكل ما أسعى أفهمك ألقاك بتلف وتدور/ مسطول بتكلم مع لستك عربية
|