[عبدالعزيز عبدالله]

اقتباس:
المشاركة الأصلية كتبت بواسطة رأفت ميلاد




تعرف من أهم المهن الأندثرت .. مهنة الأخلاق .. هى صحى كانت مهنة

تعرف يا عب عزيز عندنا هنا .. العجلات أهم حاجة .. ومسموح ليهم إستعمال الطريق العام قبل العربات .. للمحافظة على تلوث البيئة .. يقدوك فى الشارع
عندنا هنا ميكانيكى من برى .. عامل حازقا وأشترى ليه عرية بـ ألف فرنك وظبطا وسايقا وقدانا بيها قد .. يوم ماشين ناداهو واحد صاحبنا فى بترينة دكان .. معروض فيها لستك عجلة بـ ألف وخمسمائة .. قال ليه يا قريبى اللستك ده بعربية ونص من نوع بتاعتك ..

يوم خالد الله يديه العافية بحكى لى .. مشى يشترى عجلة لى بتو سارة .. قال لى لقيت عجلة زى الطيارة بى (مساعدات ياى) .. لكن البت أصرت على عجلة (حبوبة) زى بتاعتنا الزمان عشان (مودة) .. وحكمة الله أغلى





والله ما بعيدة تكون العجلة في زمن من الازمان تكون فقط في المتاحف وذات اسعار خرافية

المهم والله انا قبل كدة شفت لي عجلة بي 4000 ريال عماني (10.000USD)... وهو نفس سعر العربية الهيونداي اكسنت او تايوتا يارس... والعندش قروش يحنن ضنب حصانو ...

والله انا زمان لما كنت في صف السادس ابتدائي الوالد ربنا يديهو الصحة والعافية اشترى لي عجل فلبس مقاس 26 وكان كل ما اقول ليهو نا ماشي العجلاتي بيصر على انه يمشي معاي ... وانا كنت قايلو الفترة ديك كلها خايف علي العجلة ... لكنة بعداك عرفت انو الحاج اتاريهو خايف علي صاحب العجلة