[شبارقة]

المشاركة الأصلية كتبت بواسطة طارق صديق كانديك

وكتير بيستخدم للزول البذاكر في وش الامتحان

تعرف يا طارق أنا أول مرة أسمع بالمثل ده كنت داخل إمتحان الكيمياء في إمتحان الشهادة الثانوية (إبريل 1982م) ... وبعدما تهيأت للخروج من المنزل للمدرسة فجأة إتذكرت إني مفروض أراجع (إختبار الحلقة السمراء) وقمت بفتح كتاب الكيمياء فأنتبهت لي الوالدة (أطال الله عمرها) وقالت لي : يا ولدي خلاص ... كفاك القريتو ... علوق الشـَدَة ما بنفع.

فلذلك الحمار (بلا مؤاخذة) بعدما تشد السرج عليهو وتظبط الكـرّاب والضـنّاب واللجام بتكون خلاص همـّمتو لرحلة لا تخلو من المشقة ... وبعدما يشيل الهم بتتقفل شهيتو للعلوق (ولو جبت ليهو كنتاكي زاتو ).