[تحفة حوا]

اقتباس:
المشاركة الأصلية كتبت بواسطة آيات
سلام عليكم قيقا و أهل المغنى

حقيقة بعد الفطور شعرته إنو زي الرايحه لي حاجة .. بقيت أدور في البيت زي الماعندي موضوع فكرته أغير زمن القهوة .. لكن توصلت إلى أني أشربها مرتين ..
وهاك ياقعدة
الحلقة كانت ضعيفة من ناحية السرد .. والمعلومات ..
ريماز وأفراح وطه شكلا ثنائي جميل في أغنية ست الشريط .. وأعطت الحلقة حيوية عاليه ..
عاينو انتو طه لابس عفريتة ولاشنو ؟؟ وبالجنبة زي الشايل ليه شنطة يد
ونادر خدر ... سبغة زي السبغة ..لما بقى أًصغر من الفحيل .. ولونو أفتح من أفراح
..توب أفراح كان جميل جداً .. بالإضافة ..لي بدلة عاصم البنا ..والأبيض جا مع اللبني حاجة جميلة جداً ..لالا دي حاجة خطيرة ياسماح البدلة دي 10/10(ماتسمعي كلام قيقا ده)
فرفور .. لابس أسود لامع (زكرني اللبنانين).. ومعاه راستات سود .. وكالعادة بخفف في دمو... لكن غنى كويس
منار صديق ( البراءة والوداعة سابقاً) وهسي زادت 20 عاماً باللوك الجديد.. لكن صوتها كما هو ..
ريماز ..لسه بالعة العصاية .. وقاعدة
السر قدور الضحكة الوحيدة .. واضح أنها ..مصطنعة ..ياخي معقولة
بجيكم تاني... وكل يوم.. كان الله مدّ في العمر

رمضان كريم

المداخلة دي تستحق الاوسكار
والله وصف دقيق وملاحظة قوية
عيني باردة

اي تعالي كل يوم والبوست دا انا دفعتو ليك