[آيات]

المشاركة الأصلية كتبت بواسطة عكــود

سلام يا شباب،

العوض حرق علي مداخلتي!
من أمس ناوي مداخلتي في البوست ده تكون عن العازفين.
كانوا قمّة في كل شئ، التناغم، الإبتكار، الإبتسام و الوجه الطلِق.
حتّى الأناقة، كان عوض أحمودي أكثر الحضور أناقة (بما فيهم ود البنا و شريف - أسمحيلي يا آيات)

القطيعة الجانبيّة لفتت نظري برضو (طه و عصام) من جهة و (رماز و أفراح) لوزن الكفّة، و بعض مناتقة من شريف للفت نظر شخص مقابل له لحاجة/لتعليق.

نادر خضر، رغم نضارتو، ما كان موفّق أبداً في أغنية إبن البادية، بينما أبدع عصام و شريف.
عاصم و فرفور بشتنو نسمات الشمال، هم حاولوا و إجتهدوا. بس في البال أبو داؤود.

أجمل المبتسمين المتناغمين كانا محمّديّة و إسماعيل عبد الجبّار،
و أعتبرهما نجما الحلقة بدون منازع.

أسمح كيف ياعمدة ماأسمح
عارف بالإضافة إلى ذلك من تفاعل إحمودي ممكن تحدد آداء الفنان للأغنية

ههههه لوحلفت ليك بتصدقني .. أمس أثناء الحلقة قلت بكرة حاأعلق على العازفين .. لكن كلو طار مع التياب والبِدل .

قلت لي نادر خضر رغم نضارتو ..ياااااخ أنت جبته التايهه ..بسسسس نضارتو دي .. تاني حانسميه( نادر نضِر)