غايتو أجمل من أعاني وأعاني ظات نفِسا
الواحد يستمتع بالباصات البينية الجميلة والخشونة المتعمدة وغير المتعمدة
من الزوووول لاعب الوسط الحريف والعكودابي الهجودفاع
لا والبلنتيات بتاعت سمرمرية الجات أمبارح دي أخير أنا غايتك
وجيجي البتشبه العكودابي في الشق التاني
وآيات الوصافة المابية حسادة منها تفكني من مشاهدة وجع القلب دا ........ الخ وصولاً إلى قيقا الراوي ظاتو
المهم وبصراحة
أعاني وأعاني بصراحة بقى ما نافع معاي خير شر
والموضوع داير ليهو انقلاب من صاحبو
يعني يغير الكثير من الوجوه المعاهو دي ويجيب وجوه جديدة
لا والأحسن كلهم برا
يخلي الموضوع مع ناس مختلفة بشكل يومي حسب الفنان الذي ستكون الحلقة عليه
يعني إبراهيم عوض دا ما كان في أجمل من استضافة الولد بتاع نجوم الغد (الجيلي ....) بالإضافة إلى ناس تحدثنا عن تفاصيل مختلفة عنه
وهكذا مثلاً يعني
وكمان ممكن برضك
يكون هو بس في الموضوع ومعاهو فنان واحد
يحدثنا عن الفنان والمعاهو يغني
يعني يا اخوانا التغيير دا مهم
ملينا من التكرار وتغيير الفستان على نفس الوجوه
واحد جيعان وخرمان ومطشش
