[مهند الخطيب]

المشاركة الأصلية كتبت بواسطة ناصر يوسف

أها ؟؟؟!!!!!!! نعرش علي كده خلاص ... ولا لسه في بقية هترشات ؟؟؟؟
آآآآآآآآآآآآآآآآي هترشات ... كل زول مستقصد ليه زول يسكو محل ما يقبل ويشيل ويديه علي راسو ... طااااااخ طرباااااااااااااخ .. تيخ بطيخ ظاتو ياخ

بإسم الديمقراطية ... أكون قاعد مركز ومستني أي هَنَّة ولو غير مقصوده وأمسك فيها وأعمل منها موضوع ...
أكون مختلف مع شخص ما ... أترقب ظهور إسمو في أي شئ ( يكتب بوست ... يكتب مداخله ) إلا وأجي أنط ليه في حلقومو ....
ياها دي الديمقراطية بالله ؟؟؟!!!!! والله دي ما درسونا ليها ...

وكأنمزوج ....

عبد الجليل / مهند الخطيب .... ضد الإدارة

عبد المنعم الطيب بشير حسن ... ضد بابكر عباس ( أو العكس ) مثلاً

ياخي الإدارة دي نعم إنتخبتها إنتَ ... شفت عليها مآخذ ... قولها ليها بالدرب العديل القالتو اللائحة الإنتَ من المفروووووووض إنك تكون قريتها صاح ووقعت علي الميثاق البيحكمنا هنا وإرتضيناه كلنا إنو يحكمنا ... شفت الإدارة دي أخفقت في أي شئ .. وشايف إنو حالها مايل ... تعال أكتب بوست نادي بيه كل الأعضاء بالدخول لإسقاط هذه الإدارة وإسقاط الثقة عنها ... وطالب بالتصويت حتي ... لكن بكامل الأسف حتي الفهم الـــ ( ديمقراطي) ده ما بتقدرو عليه ...
آي ما بتقدروا عليه ... لأنو فهمكم لممارسة الديمقراطية هو مجرد تجريح الآخر وتذنيبو وتجريمو ... ولأنو القلوب شايله من بعضها في داخلها ...
الديمقراطية عندكم يا سادة فقط ( لما أخت نِقري من نقر الإدارة أو أي زول تاني عضو هنا وإفراز العضلات .... ) ...
عاينو لي بسسسسسسسسسسسسسسستفتهم ليك كيف ...
حقيقي أنا ما ضد الحوار الحوااااااااااااااااااار ... ولست من يبقي وصياً علي أحد ... ولكن ........
هذا الحال ( حجوة أُم ضِبيبينه) دي ما راكبه لي في دقنوسي الماكن ده ....
كرهتونا الديمقراطية والحوار ظاتو ياخ
وما عندي أي مزاج أجي راجع هنا في البوست ده عشان أرد علي أي قلم قد يجي ويقول لي: ينعل أبو ...... ظاتو

أللهم أغفر لي إن أخطأت أو سهوت ونسيت
أللهم إني صاااااائم

ناصر ياصديق كيفنك .....؟

بالله أنا مستقصد الادارة ؟!!! ده الشي يعني القدرت تفهمو؟ عشان كان ده براهو الفهمتو اسمح لي اقول ليك فهمك قاصر وماعرفتني
كدي وريني الديمقراطية الدرسوها ليك عشان نعرف بتشبه بتاعتنا العرجا دي وللا لأ؟ مش درسوك برضو انو العرجا لي مراحا؟
ماشايف غايتو فيما يخص مهند الخطيب انو اترصد وللا رجا ليهو زول عشان ينط في حلقو .... انا زاتو مامحتاج لده كلو والله
بالله كمان في سكتك أقلع عباية الألفا دي واقعد معاي في الواطا عشان كلامك لايبقى علي حار لا كلامي بارد عليك ....
بعدين اسقط ياتو ادارة بجمعية عمومية ؟ انت ماعارف الأمور ماشة في سودانيات دي كيف؟ ياناصر انا حاولت أغير بالطريقة البعرفا وأهو جابت نتيجة وعكود (ممثل المالك) + كانديك (رئيس مجلس الادارة) قطعا كل قول باجرائين ناجعين.....
ماأظني بعد ده - حتى الآن- طالبت بشي أكتر!!!!!!!

سبحان الله ياخي ....... قلت لي طاخ طرااخ؟!! يعني اناهو الا أبقى ناعم في طرحي وأقول عليكم الله والنبي انظروا لينا بعين العطف ياناس وللا كمان انتقل لمرحلة أعلى من الاستكانة واخت الخمسة في الاتنين وابجل واطبل؟!!!
الطرح الحاد ماشي كعب حتى كان مابنفع معاك ياخوي .... أنا بطرح بالطريقة البشوفا أنا كان ناعمة وللا خشنة وممكن أقبل منك الراي ومااشتغل بيهو أحسن من أقبل منك الوصاية وأشتغل بيها والسلام ........