حاجة مؤلمة بجد انه دا يكون استشعارك للمسؤلية حتى لو كانت طوعية يا اشتر
ومحبطة بجد انك تحسسننا انك بتلوي يدنا
اولا خلينا نكون واقعيين
احد الاعضاء كتب بين فيه موقف فعلا كان غير جميل وللناس ان تتسأل عن شيء بيعتبر خظأ في نظرها
الكان متوقع انه زي مافتحي جاء حاول يدافع عن نفسه انت كان تقوم بتوضيح الحاصل ونواياك الكثيرين هنا يعرفونها مافي ذلك شك ولم تساورنا يوما
وانا بفتكر انه الكتابة كانت في صالحك عشان الموضوع يتفسر صاح وانه عم فتحي يجي يوري انه هو اتصرف من عنده
اانت يااشتر حتى لو الناس غلطت في حقك
انت استخفيت بالناس في مداخلتك بتاعت بجيكم بعد رمضان وماتبعها
المفروض كان تجي ترد لانك انت زول في موضع مسؤلية ومسؤلية حساسة
بعد كدا عكود حاول يصلح الموقف والناس اتفهمتوا مضبوط
وزي مافي ناس قالت في حقك كلام انت اعتبرته اجحاف في ناس اشادت بيك برضو
وفي ناس قدرت الحاصل براها حسب معرفتها بالشخوص واكتفت بي كدا
بجد لو جاملتك وكتبت انت ماغلطان في موقفك بتاع الاستقالة بكون فقدت احساسي بي زول بمثل لي قمة الحق والاحقاق والرأي الذي لايخشي فيه لومة لائم
فيا اخوي راجع نفسك واتخيل لي بتكون ساهلة في رمضان
وماعايزين منك اعتذار
وخذ من النار ضوءها ولاتاخذ غليانها
ولك منا كل المودة التي تعرف
|