اقتباس:
المشاركة الأصلية كتبت بواسطة الجيلى أحمد
عبد الجليل سليمان
يسعد مساك
يااخى انت محور نقاشك وين ؟
هل عندك نقاط ومآخذ على اللائحة , ولا عندك حسابات شخصية مع اناس بعينهم؟
لو شغلك ونضميك بتاع لوائح وقوانين بنضيع فيك فى الايام المتعوب عليها دى ,
أما لو داير تتونس فتعال عديل بالطريق
أها المنظر شنو ؟
|
الجيلي .. لا فض فوك..
أولاَ .. ليس لدي وقت كاف لأبدده في (ونسه) .. ولو إردتها ( بعرف دربها) ولا أحتاج دليلاً.
ثم ماذا قلت (حسابات شخصيه) .. عشان إيه يعني !! ومع مين؟؟ وبالمناسبة السعيدة دي .. أنا في حياتي لم أسع لتصفية حسابات شخصية عبر طرق ملتويه وتدليس عليها - العندي معاهو (حسابات زي دي) بجيهو عديل.
ثانياً : أنا لا أريد الآن على الأقل - أن أناقش اللائحة- أنا قلت أن الإدارة تخرق اللائحة .. خرقتها مرات عديدة .. آخرها موضوع التجسس دا (قال تزكية قال)
أها يا جيلينا .. دا موضوعي .. إنو الإدارة تستجيب لعويل وصراخ البعض - ,الحقوا بيتنا حرق/ غرق .. ) لمن تجبرهم على اتباع أساليب غير لائقة للتحقق من من (خلفية) البعض. دي خرق واللا ما خرق.
الإدارة في بوست النفزاوي - خرقت اللائحة - حيث استنت مادة جديدة لمن تكن اصلاً ضمن اللائحة - بعد اشتداد الصراخ طبعا- وقررت بموجب المادة الجديدة إحالة الكتب من منبر الحوار إلى المكتبة.
وسأتيك بأمثلة كثيرة ...
لاحقاً .. بس شيل من بالك موضوع الونسة دا - انا ما بتونس مع الناس بسهولة- ولا أصفي خلافاتي الشخصية على نحو (معوج).