[سر الختم إبراهيم نقد]

المشاركة الأصلية كتبت بواسطة يوسف عبدالله محمد عثمان

الاخ السر لك التحايا ..
شنو يعني سريع كدة طلعتنا مخرفين .ز كان تخلي الرد بعد كم يوم كدة .. طبعا 1983 انا غير موجود بأسيوط نحن دفعة 84 وجمدنا السنة و رجعنا يعني دفعة 85 مع الانتفاضة ..

أخي الباشمهندس يوسف
سلام وتحية
كيف البرد عندك؟
وخلاص ياخي أديناك جيد لتذكر الأسماء، عبد المنعم النافع سكن معنا آخر سنة لي في أسيوط، كانت الشقة تقع إلى الجنوب الشرقي من جامع ناصر والأزهر، وكان معنا محمد لطيف كهرباء(كابتن لطيف) ومحمد قسم السيد المجذوب كهرباء ، وأحمد حاج موسى مدني، وأذكر أن أحمد حاج موسى كان يكسر المنبهات ما خلى لينا منبه في الشقة، و كان صاحب الشقة يسكن فوقنا ويربي خروف الضحية في المنور المجاور لشقتنا، وفي تلك السنة ذبح الخروف ، ولم يتكرم على الشقة بربع كيلو رغم كان يخزن اللحمة في ثلاجتنا ، وكان أكل اللحمة لدينا بالأسبوع يوم الجمعة فقط، وباقي الأيام إسكيتو ساي ، يا لها من أيام.