ههههههههههههه
غايتو يا امين بتبالغ .. يا اخي الاصوات كانت في البداية متقاربة جدا ... بعد فترة ظهر كمية من الناس القدام الجدد بينتموا لنفس اللون السياسي لمهند ... صاحب ذلك زيادة انفجارية في عدد اصوات مهند .. ده كلو ماكافي ؟؟
طيب اوكى ممكن تقول مافي دليل على انو مهند هو الحشد الناس .. متفق معاك .. لكن الفكرة انو حصل احتشاد ...
موضوع النوايا الحسنة انا جبت سيرتو لانو بيوضح انو ماف صراع هنا وانو الغرض السمو بالعملية الديمقراطية من النقائص .. ودللت على النوايا دي بانو جيجي صوتت لمهند وبعد ماحصل الحصل انتقدت التحشيد ... عن نفسي ما اتفقت معاها في لوم مهند وقلت انها المفروض تلوم الناس الاحتشدو ... وديل هم البيستحقوا المحاكمة الاخلاقية الانت قلت انها مطاطية دي ... رغم انك انت ذاتك متفق معنا انو تصرفهم (احتشادهم ) غير اخلاقي حسب منظورك ...
في النهاية حانقوم كلنا نساعد في اضافة مواد لللائحة تزيد نزاهة العملية ككل وان كانت (احتمال) تحرمنا من بعض الوجوه الموسمية
ــــــــــــــــــــــــــــــــــــــــــــ
شكرا ياقيقراوي على لطفك .. والاستاذية مابناباها بس بنحاول نقلل عدد الحروف البنقرنها دي قدر الامكان ... اسي انا مستقبلا حا استأذنك في اني اناديك قيقا ساي وفي حالة انك سمحت لي بعد سنة حا اناديك (قا)