اقتباس:
المشاركة الأصلية كتبت بواسطة حكيم تولا
حافظ حسين الشراد
ازيك يا رجل
النصراني ما بيقصر وصل لي الويكة لحد البيت
ندد معاي واشجب ياخ نحن ما ناقصين
|
والله يا تولا النصراني ضحكتني لمن اخوي و مرتو جوا يتاكدوا هل ما زلت ببعض قواي العقلية... يلا أحكي ليك مناسبة النصراني دي
بت خالنا لينا جنت, جن الله و الرسول البقيدوا ليه الزول داك
المهم بعد الربطة و المحاية و البخرات بقت كويسة
بعد فترة لقت ليها حبشي دايرة تعرسه
العريس جاء اتقدم....
امها جات تشاور أبوي انو البت جاها راجل ...
من وين قالوا حبشي
ابوي ختاها حامضة قال ليها دا نصراني ما بندوا
عمك اتخارج
أها العروس الكانت مرتقبة جات ليك بيتنا بعد المغرب
قالت لابوي بصوت والله ما فيه اي تأنيب, (اسمع يا عمي حسين , الراجل الجاني دا قلت نصراني و طردته, هسي عليك النبي نصرانيته ما احسن من شيوعيتك أولادك ديل)
و مشت علي كدا