[لنا جعفر]

شِلو ياغالي سلام ومحبة.......
أسمعني يافاتح ...
بعض الشباب في احصنه ابدو رغبة في المشاركة في المسابقة
وسالوني سؤال...بيهبش وتر حافظ...
هل يرسلوا في الايميل وممكن يكونو بكده مستوفيين شروط المنافسة؟
ولا لازم يكونو من عضوية سودانيات؟؟؟
في مسألة مؤرقاني غايتو وجاية من ملاحظة...
مسألة الاخطاء الأملائية والنحوية يبدو لي داخلة في تقييم اللجنة طبعاً
لكن سؤالي هل بيجوز تعديل النصوص بعد تسليمها ياشِلو ؟؟؟
ولا خاصية التعديل ينبغي تقفل في البوست بعد تسليم الأعمال؟؟
يعني انا كزول متسابق متاح لي اعدل لغاية واحد وتلاتين مارس؟؟
ولا الصح بعد تسليمي انقطعت علاقتي بالعمل ؟؟
برضو في زول صاحبي جدا وعندو شغل بي لغة تانية وما شارك بيهو
في اي مكان لكن اطلع عليهو بعض الصحب..واتقدمت فيهو دراسة نقدية
فهل ممكن يشارك بيهو ولا لازمن من اللازم يترجموا للعربية؟؟
لانه ما شايفة شرط لي لُغة الكتابة ....!
معليش ياشِلو ع النقة والسؤالات الكتيرة
مقدرة جهدك يا اجملنا ومثمناهو وانت أهل لي اي تميز وتجويد
وكمييييية من الاشواق ...
محبتي
--------
انت ليه ما أفدتني عن استلامك لي نزيف الحجر ؟؟؟
واقفة لي في حلقي يابنج...