تقييم نصوص مسابقة خالد الحاج للقصة القصيرة 2013
سلام جاكم..
قبل ما أنزل تقييم النصوص عايز أرحب بكل الأقلام إللي شاركت معانا ، وترحيب خاص بالعضوية الجديده مع أصدق الأمنيات بطيب الإقامة.. وعايز أشيد بكل من لم يشارك في المسابقة ، ولكنو شارك في صناعة التجربه ، بإبداء رأيو..
بالنسبة للفايزين إعتقد إنو الفائز الأكبر هم القراء لأنو حيستمتعوا بالقراية النقدية إللي إتقدمت من اللجنة الفنية ، بالإضافة للقراية النقدية إللي حنسمعها منكم..
والتحية والتجلة للأخوان الفي اللجنة الفنية لأقتطاعهم زمن من وكتهم على حساب الإجتماعيات/ الشغل / الأولاد إلخ في سبيل إنو يساهموا في إثراء النشاط الثقافي.
والتحية للإدارة إللي وافقت مشكوره على إنشاء 3 مكتبات للتلاتة الأوائل في المسابقة دي ، وفي مسابقة 2009 ، وفي المسابقات الجايه .. بشرط إنو يكون عندهم رصيد من مشاركات ثقافية في سودانيات
|