صباح الخيرات يا بروف ليك ولى كل العابرين من هنا
طبعا ماريل دى ظريفة ظرافة لمان تقوم على ظرافتا
ممكن تخليك تزح بالواطة من الضحك ما تشوف قرونى
دى...راح احكى ليك بعض ظرافاتى ان شاالله تضحكك
حتى لو ما لدرجة الزحيح بالواطة:
اختى الضغيرة زوجها ما بحب البنات قامت المرة الاولى
جابت بت سمتا (منه)صاحبنا حرقتو البت لكن اكلا وسكت
المرة التانية جابت بت قال الا تسميها(منن)ومصرة على
الاسم زوجها متغايظ بس بعاين بعيونو وما افتى فى قصة
الاسم دى لكن الحرقة فى عيونو تنشاف الناس ما قدرو يقنعوها
تشوف ليها اسم تانى بدل العوارة البتعمل فيها دى قامت على
حالات التجلى والظرافة حقتى مشيت قلت ليها:-
(انتى عارفة وقت عاجباك منن ربنا عليك فى البنات دى
تالت راح تجيبى بت والله راجلك ده بسميها (منكن لله)
ويمرق يخلى ليكن البيت)
قامت غيرت رايا وسمتا (ملك)
عليك الله يا بروف كان عجبتك القصة دى كلمنى بحكى
ليك وحدة تانية تخليك تزح من الضحك
