اقتباس:
المشاركة الأصلية كتبت بواسطة سارة
الاخت الكريمة ماريل تحية واحترام
خصصتك بالرد لتخصيصك لى بالمداخلة السابقة
اولا يا اختى الكريمة فتحتى هذا البوست يوم 27ـ4ـ2013
وقلتى فى بدايتو(صعود ام روابة على اكتاف جنود جيش الجبهة الثورية لتحرير السودان) والاتضح بعد ذلك ان شوية صعاليك ارادوا ان يغنموا لنفسهم بعض
من فلوس وامتعتة الغلابة الذين ليس لهم ناقة ولا جمل فى الحاصل وبما ان
اهل ام روابة الجيتى فرحانه باقتحام الجيش لها هم اهلنا وناسنا واسرنا والماتوا
فى ام روابة لا ثمن دمهم عن من قتلوا فى ام دوم لكنى جيتى فرحانه بيوميات
الثورة وبعد داك انكشف الامر وظهرت عصابات النهب واغتصاب النساء
عزيزتى الفاضلة انا فى اقصى شمال الكرة الارضية ولكن اهلى من الدرجة
الاولى فى مواقع الاحداث فى الخرطوم موجود ولدى البكر وامى وشقيقتى
وفى الابيض اخوانى من ابى وهم بمثابة الاشقاء وفى ام روابة بنات اخى
يعنى مافى حاجة اهم من اسرتى دا طبعا لو جردتينى من الوطنية واهتمامى
بالوطن مثلى مثل غيرى.
لن افرح ولن اهلل لو قتل شاة بنيران الحرب خليك من بشر والتغيير البجينا
بدماء وحروب وتقاتل اعرفى يا استاذة ماريل انا ما من انصاره
ودا الفرق بينى وبينك مش عشان اهلى فى وش المدفع عشان السودانيين كلهم
بحس نفسى انهم قطعة منى
فهمتى ولا اعيدو تانى؟؟؟؟؟؟؟؟
|
سلام ياسارة
ربنا يحفظ البلد من ام روابة لاخر بقعة فيها
بأكد ليك مافي زول بفرح بي الحرب ولا بهلل للقتل و الدمار
النيران المولعة دي شعللتا الانقاذ والشعب هو البحصد الهشيم
قبل كم يوم واحد منهم صرح سنقاتل حتي لو انتهي الشعب السوداني كله
تاني رجعت صيحات الجهاد!!!
واعراس الشهيد بكتلو وليدات الناس واولادم متجدعين في شواطي العالم
عدونا هو حكومة الانقاذ ولن تخمد هذه النيران ما لم تذهب هذه السلطة
البلد الان علي فوهة بركان وبرميل بارود
ووزير دفاع اهطل ورئيس سيحكم حتي اخر فرد في شعبه