خالد يا غالي، سلام يا رجل و لعلك بخير
اقتباس:
المشاركة الأصلية كتبت بواسطة خالد غالي
تعرف يابروف
عدم حل الادارة لاي اشكالية ده خلاني فعلا افكر بانو نحن السودانيين ربما لسة ماجاهزين لفكرة الديمقراطية دي!
شخصيا ماعندي اي مانع انو يحكمنا النور وكانديك بكل ديكتاتورية وللابد ..
|
نحن ما عندنا سكة غير سكة الديمقراطية، لانها الضمان الوحيد البتم بيه مبدأ المحاسبة !
شفت النور و كانديك ديل كان جو حكمونا بغير نظام ديمقراطي ما ببقى في فرق بينهم و بين أي دكتاتور بزعط في ناسو الاف السنين !!
النور و كانديك مهما كانو عميقين و عادلين، الحوالينهم ما بخلوهم و لما مافي زول يراجعهم في الصاح و الغلط و يكونو عارفين انهم في مأمن من أي محاسبة ح يفتكرو انهم هدية السماء و مبعوثي العناية الآهية لاخراجنا من الظلمات للنور في حين إنو هم ح يكونو الظلمات ذات نفسها، و بكرة ايقونات العدل و العماقة ديل يبقو مثال لظلم الانسان لاخيه الانسان ( و بالذات عمك كانديك ده
) !!
مافي سكة لعمل الوطن جنة غير الديمقراطية، لكنها طريق وعر و شائك و داير الناس تخت يدها في يد بعض عشان نساعد روحنا و بلدنا، مشكلتنا اننا ما بنعرف نخت يدنا في يد بعض لعمل في صالح روحنا ولا بلدنا !!