اقتباس:
المشاركة الأصلية كتبت بواسطة أحمد طه
سلام يا بابكر ، عجبتني مراقب له وزن كبير بالمنطقة 
ظني بصلاح قوش أسوأ من ظنك به بكثير ، صلاح قوش ساهم مع نظامه في وصول السودان للهوة السحيقة التي يقبع فيها الآن ، و صلاح مسؤول عن قتل و تعذيب الكثير من المعارضين السياسيين ،،
أنا استغربت من كلام الأخ القال إنو المحكمة أدانت صلاح قوش و حكمت عليهو لأنو الكلام دا في حد ذاتو ما صحيح مش لأني أنا ما بدين صلاح قوش ، بدينو مليون مرّه
بالغت يا بكة ، أنا طالبك اعتذار
* حميد الله يرحمو - إلى ما قبل وفاته بقليل - كان قريب من صلاح قوش ومن منظمة بنجد الخيرية باعتبار إنو قوش ابن المنطقة العايز يخدم المنطقة و إنو قوش بصفتو نائب دائرة مروي غير قوش مدير جهاز الأمن و المخابرات ، و دا طبعا فهم غريب و ما مبلوع بالنسبة لي و ناس كتار غيري
ياريتو ما كان الكان ،
رحم الله حميد و أحسن إليه |
يا أخي موش تستحق إعتذار بس عن سوء ظني؛ إتّا تستحق بوسة في الراس ووسام علي فرزك للكيمان الواضح دا.
أعتقد انو المرحوم حميد ساهم في جراءة ناس عادل عسوم ديل، علينا، وساهم في تسويق قوش إجتماعيا، وحاليا ناس داير يتهجم على الجانب الثقافي ويستغل حكاية لخبطة الكيمان النتجت من إعتقالو!!