[علاءالدين عبدالله الاحمر]

مابنعرف غير اكيد
الشمس تطلع
والضباب الرامي فينا
من جزورو اكيد حيقلع
والمستحيل الكان ذمان
يبقي اقرب
فينا يسطع
يامجمل
يامعتق في الدواخل
ياوطنا
يامنانا الفينا برتع
نستميحك
لو تقاصرنا
وانكتفنا
او غربونا في المنافي
بس تأكد
مافي زولا فينا بقنع
يانا مصلوبين
علي رحمة وجودك
ناس تحبك
تستردك
تستمدك
تستطردك في المعاني
في الهتافات
في المنافي
في المناحات الاسافي
يامليت الجتة
في حضورك نحنا نركع
يامغتغتنا
في عراء ذمن الهزايم
يامدفينا في برودنا
تبقي ياكا المشتهنك
مابنقنع
نبقي في رحبة ظلالك
وانتظارك
ياحلمنا
الفينا بلمع ياوطنا
يامستف بالفجايع
ياموجع ويومي نايح
يامشبع
بالمراثي
ماني ناسي
بس حقيقي
الباقي في عشم
الشوارع
يوم تقالع
في المنابر
يوم تقالع
انت ارفع
ارض اروع
يلا سوا بالتواصل
حبة حبة
تبقي قبة
تبقي معلم للتواريخ
والحكايا