اقتباس:
المشاركة الأصلية كتبت بواسطة الجيلى أحمد
أول التبادى
سلام عليك ياأغبش
تانى الكلام
انت توبيخ دى جبتها من وين؟
لو فى حيثيات انت بتعرفا قولا لينا لأنو حسب اللائحة
يتم تداول ذلك عبر المراسلات الداخلية!
مافى سبب يخليك تكون ملم بأى تفصيلة زى دى!
وبذات القدر النقدى البنبزلو حقو نخلى اللائحة شغالة
ولو عندك فيها رأى تعال أطرحو
-------
حديثك المقتبس من السيدة أم التيمان الغلط فيهو شنو؟
|
كتب الجيلي:الله يولي من يصلح!!
ياود الخير
انت مسترزق ساكت,
صم عليك خشمك
__________________
سلام عليك أخ الجيلي...
إتخيل لو في قانون وفي إدارة قريبة من الأعضاء (وفي إنصاف) !!! كلمتك دي ،(مسترزق) باقيلك بأخوي وأخوك كدا الزول بخليها تمر كدا !!
إنت يا جيلي ! ما واطي الجمرة! ، والجو دا (بتاع إنت سارق ، إنت مسترزق ، إنت واطي ، إنت قاتل!! ) الجو دا هل بعجب ؟؟؟
دا ياتو قانون وياتو عرف وياتو دين !!البخليك تسيء للناس طالع ونازل ،
والبزعّل إنها كلها تهم باطلة ، وخيال ،،،،(لو إنت على حق ، إشتكي يا أخ)
كلنا بنغلط ومافي إنسان معصوم من الغلط ،، بس التمادي هو المشكلة !!
تحياتي ليك والله يجعلنا وإياك من الناس البيومنو بي المثل السوداني:
عشان عين نكرم الف عين
والا كلمتك دي حارقاني بالحيل خلاص!!!
الأمين العام لما تشتكي ليهو هو بيسلخك ، وبعد داك بيقول ليك أمشي الإدارة ، وهناك وإنت في نظر الإدارة (مطبل)*اووووووووه هناك السلخ على أصولو!!!
* مطبل دي ممكن تكون لدين ، لحكومة ، لإتجاه سياسي
وهي برضو تهمة مجانية ، يفكها ليك الواحد والجمال ماشية!