[الزوول]

نجي لي عمكم حسين خوجلي
الحقيقة وبالرغم من الاعتراضات والملحوظات الكثيرة على برنامجو (مع حسين خوجلي) بسبب خلفيته الكيزانية واعتقادهم أنه مدسوس من الحكومة لينفث بعض من الاحتقان الحاصل للشعب
فإن له عشاق كُثر
وأنا منهم بالطبع
لأنني اعتقد أنه يقول للحكومة وعن الفساد الحاصل في السودان (بعض) ما أريد ان اقوله
وشيء خير من لا شيء
...
قبل فترة زارتنا شقيقتي الكبرى (سيدة) من السودان
طبعاً ناس السودان ديل (مكجنين) كل قنوات السودان بعموم القول
وبسبب تضارب مواعيد البرنامج (المقدسة) مع إحدى المسلسلات التي تتابعها فقد بدأت مناقشتنا في أسباب متابعتنا للبرنامج
بعد أن سردنا كل أسبابنا
لوت شفتيها ازدراء وتأففاً
وقالت: (بالله شوفوا الراجل ده يسوي في خشيمو كيف؟؟ )
...
من اليوم داك بقيت كل ما أشوف حسين خوجلي
اخلي كل الكلام البيقول فيهو
واقعد اتأمل في خشيمو
..
وفعلاً لاحظت انو الزول ده بيسوي خشمو بى طريقة عجيبة جداً
وده ربما كان من اهم أسباب عزوفي شبه الكامل عن مشاهدة البرنامج (إضافة لأسباب أخرى بالطبع)
...