[الزوول]

المشاركة الأصلية كتبت بواسطة عبدالله علي موسى

سلامات يا دكتور

بوست مريح للأعصاب و حقيقة يلمس نقاط هامة

موضوع الإيحاء دة بهمني أمره جداً، أول مرة انتبه لخطورة الشئ دة كنت تقريباً في الثامنة عشر بعد أن مارست التجربة التي تحدثت عنها في بوست "البنقو بموضوعية" عندما خدعت إثنان من أصحابي و جعلتهم يدخنون حب شاي على أساس أنه بنقو، احدهم كان قريباً جداً من فقدان عقله و ظل يشكوا من ما حدث لعقله لمدة طويلة ظناً منه أنه دخن الحشيش! أنا من ديك ركزت مع ال-"Placebo" شديد و عندما إشتد عضدي حبتين اكتشفت البرمجة العصبية و بدأت أفهم الموضوع بوضوح.

في الماضي كنت أعاني من حالات Obsessive-Compulsive Disorder خفيفة زي مشيك الفي نص البلاط دة . أحياناً كنت أحسب خطواتي، أتفه OCD أصابني "لفترة قصيرة" أني كنت اكرر أخر كلمة قلتها بصوت خفيض ظناً مني أني لم أنطقها بالشكل الصحيح...يعني مثلاً أكون بتكلم مع إنسان أقول: "أهه بتجينا البيت تتغدى معانا متين ؟؟" على طول براحة اكرر " تتغدى معانا متين" و يصحب التكرار وجه متسائل كده ، أخي الصغير أيضاً أصابه هذا الهوس ربما بسببي، الحمدلله الموضوع لم يستمر لأكثر من شهور لكن فعلاً كان موضوع سخيف.

أهمية الكلام دة يا دكتور أن من يفهمه جيداً 1- يستطيع أن يساعد نفسه كثيراً 2- يساعد الأخرين، طبعاً على المستوى السيكولوجي، يعني تجد إنسان مكتئب تخرجه من الإكتئاب، إنسان لديه هوس قد تخرجه منه، يمكنك من طرد الأفكار السالبة والإنتباه لها و هكذا،

تحياتي

سلامات يا عبدالله
ياخي الزول القال ليك انت زول مفيد ده أصلو ما كضب
كل شيء تمر به تضع عليه مسحة من الفائدة والعلمية
ساحاول (لو ربنا سهل) أذيد الجرعة العلمية في البوست
...
لكن
موضوعي بتاع نطيط البلاط ده يخيل أهون من حقك بتاع ترديد الكلام
غايتو كانت تكون مصيبة لو كنتو (أنت واخوك) بتمارسو الموضوع ده في الصلاة

تحياتي