[سجمان]

المشاركة الأصلية كتبت بواسطة رأفت ميلاد

أخونا الما سجمان ولا يحزنون يعلم الله

نادر ما تلقى زول يشبه كتابتو .. فى كلامو وفى ضحكتو وفى كفشاتو الما منظور مثيلا .. زول خفيف على القلب يدخلو بدون إستئذان حتى بى كرعينو الطويلة دى .. قاعد فى الكنبة قدر ما إتلفت أشوف حاجة تفرد كرعينو ما لقيت

الحاجة لامن رجعت قالت إنشاءالله الأكل عجبم .. قلت ليها الرجلة مرسلا قرقاش وزارعا أنا ما تعجبم كيف .. لكن قالوا ليك شاحدنك مقومانا جعانين .. قالت لي سجمى سجمى ده منو القال كدة قلت ليها الزول الطويل

ياخى شرفتونا وخجلتونا .. لا ضربت عيدت و ما أحتفينا بيك قدر إحتفاكم بينا وقطعك للفيافى دى

المرة الجاية ياخوى ما تضرب لىّ بالليل وتجينى الصباح .. قبال يومين كدة عشان نفسحكم ونعمل برنامج يليق ونحن فى زاوية فاتحة على فرنسا وألمانيا ومعطيانا تستاهل

شرفتونا والله

تعرف يا خالتو رأفت علي قول الجماعة الواحد لا زال يتمطق في طعم الزيارة والونسة الدقاق.. والله فرحان بيك حد الإنتشا وأنا متأكد جداً إنو المسألة لو كانت مبرمجة قبال أيام ما كانت طلعت بهذا البهاء .. يمكن الحاجة الوحيدة الفقدناها إنو ما مشينا شفنا المزرعة وزراعتك المستوردة من السودان..
ياخ مش كفاية شوفتكم دي وكونك تعرفنا على هذا الأسمر الجميل ميرغني..
حقيقة الصحبة تشابه فهذا الرجل يشبهك في السماحة والهدوء والنقاء.. يا لضيائكم ..يا لضيائكم ..
بعدين الحاجة قول ليها الزول الطويل قال الكسرة دي المرة الجاية دايرنها بي ملاح أخدر وانت غايتو تتصرف تشوف قرقاش يرسل ليك تيراب خدرة وللا سبروق ولا ورق..

ثم شكراً بهياً لهذا القرقاش الذي لو لا "رجلته" عمكم رأفت كان بيّتنا القوا..