اقتباس:
المشاركة الأصلية كتبت بواسطة أبو جعفر
سلام يا فنان
تعرف يا حبوب حق التجاهل ده حق أصيل شديد، ويصل في بعض المنتديات درجة حرمان من تضعه في قائمة التجاهل من التداخل في مفترعاتك حتى لا يجد الفرصة لتخريبها، كما حدث معي شخصياً ... وطبعاً النقطة دي ونقطة حقوق الأعضاء في سودانيات عامة ضعيفة جداً ... وهذه خسارة كبيرة لأن سودانيات فيها تشكيلة فكرية ممتازة هرب بعضها وظل البعض الآخر ممسكاً بجمر التمييز الذي خلقه النظام الإنتخابي .. وظائف وألقاب والواحد فيهم ما مستعد يرد عليك.. وهو وضع غير طبيعي في حالة العمل الطوعي علماً بأنني خاطبت مجلس الإدارة من خلال مفترع التظلم الذي كتبته في خاص بالأعضاء ولم أتلقى أي رد حتى الآن..
المهم الآن يدك معانا في رفع درجة التجاهل إلى حرمان من تتجاهله من الكتابة في مفترعاتك حتى لا يخربها.
ختاماً لك التحية أجزلها، وصدقني يا فنان الدنيا بعيونكم جميلة ونتمنى أن تكون دوماً كذلك، ولكن ما باليد حيلة تجاه المتطرفين.
|
نعم في حق اصيل لأي عضو في لوحة التحكم بيديهو الحق في مسألة ( التجاهل ) دي يا ابو جعفر
ومن هنا بناشد الاخوة في الادارة لحزف هذه الخاصية لسبب بسيط للغاية
هو ...
مجافاتها لشعار المنبر
تواصل ومحبة
حقيقي انا ما سبق اني شفتها ولا لاقتني ولا حتي سمعتها الا منك الان
وحقيقي وفي رأيي الخاص انا شايف وجود هذه الخاصية خصما علي شعار سودانيات
فيا ناس الادارة لو تكرمتو شوفوا لينا دباره لحزف هذه الخاصية
الشئ التاني يا حبوب
قووووول انت ختيت ناصر يوسف ده في قائمة التجاهل الخاصة بيك
هل ده بيمنعه من فتل البوست مع بقية المتداخلين ؟؟
لا اعتقد ..
ثم عندي احساس كده ما كويس يا اخوي
وانت عارفني الفي قلبي بقولو علي طول وعلي الملأ
شايفك مصر علي الخصومه
ومصر علي مقاتلة الادارة واتهامها بإنها ما شايفه شغلها تجاهك انت تحديدا
وده في رأيي الخاص جدا خطأ شنيع انت قاعد ترمي روحك فيه
يا حبوب سبق وقلت ليك عندك قلم بااااااتع
اكتب ياخي وخليني افخر بإني قاعد اذداد وعي معرفي من قبل قلمك الانا بحترمو
وخت النية البيضاء قدام بقية اقلام زملاءك هنا
واتمني ..
اتمني
اتمننننننني والله ومن كل قلبي انك تعطل خاصية قائمة التجاهل دي وتتعامل مع كل الاقلام من واقع الحوااااااار ثم الحوار ثم الحوار
خلينا نختلف مع بعض في اطروحاتنا وده في حد ذاتو شئ موجب للغاية
والاختلاف في وجهات النظر بيثري النقاش وبيذيد الحوار متعة في المتابعة للقارئ العاااادي زي حالتي دي
فما بالك بالنسبة للمتحاورين
خلونا نمشي لا قدام
يا ريت والله
ولك المحبة والاحترام