البحصل دا ماعندو أى علاقة بالديمقراطية أو حتى علاقة بالحس البخلى الانسان يحترم شعب.. غش وكذب وتسويف عينك عينك..
زول شايل عصايتو ويتراقص بيها من أقليم لى اقليم وبقروش الشعب المسكين..
عارف يامنعم دعاية انتخابية زى دى بتكلف كم؟
قروش كتييييرة انت ذاتك حايغلبك عدها.. وكلها ماشا وين, وليه؟ دى قروشى انا دافع الضرائب وقروش اى زول مواطن بيدفع فى الاتاوات عشان يجو ناس الجبهة الاسلامية يطوطحو بيها فى البلد أو فى الحقيقة ماتبقى من البلد..
إن مهزلة الانتخابات هذه ستظل إحدى العارات التى ستلاحقنا حتى القبر,
فالجبهة الاسلامية لم تنتج من فراغ, وكل هذه المهزلة نحن مشاركون فيها بشكل من الأشكال..
لن ينسى لنا التاريخ أن قوم إغتصبوا حقنا فى الحياة والعيش الكريم, أصبحوا يلوحون لنا بعصيهم ويتراقصون وينعتوننا بالشحادين, ثم ينتخبون انفسهم لإضفاء شرعية شكلية على كل عبثهم بحياتنا مهما كلف ذلك!
|