[ناصر يوسف]

المشاركة الأصلية كتبت بواسطة محمد عبد الرحمن

ناصر الجميل الماهو ضال
السعودييين ديل كلمهم كلنا ما حافظين الحمدو اليجو يرقعونا
اها دي دولة المشروع الحضاري نخم و نصر ساي بس
شابككنا تأصيل المعرفة و تأصيل الدين و تأصيل الفن وتأصيل الرياضة تأصيل تأصيل تأصيل، أها كلنا بقينا أصليين (ما شايف الشباب بقولو وين يا أصلي)
التأصل ده شكلو اصلا هو منهجة للجهل
غايتو
كيفك وانت في أصقاع شرق النيل و كيف رحيق و أخواتها و أمها
سلام

سلام يا بن عمي ،،،

وصلني ردك علي ردي علي جوابك ،،، ووجدني لا زلت ضالاً وتأشيرة العُمره وصل حدها السماء العاشر

9 مليوووووووووون من غير التظااااااااااااكر ياخ

أحيييييييييييييييييا يا وجع الروح ياخ


تعرف يا بن عمي ،،،

سنة 2004 ،، حضرت لي محاضرة قدمها وزير الثقافة في وقتها الأستاذ

عبد الباسط عبد الماجد داك ياخي لو متذكرو

عنوان المحاضرة ،،

الفنون ،،، رؤي تأصيلية

حقيقي الراجل قدم محاضرة قيمة وجميلة في قولها ،،

لكنو مُطططططلقاً ما إتطرق للجملة بتاعة التأصيل دي ،،،

يعني المحاضرة كانت شايته في طريق تاني خااااااااااالص بعيد عن التأصيل

أهاااااااااا ،،، والناس الكانوا قاعدين

ناس البناطلين الفوق للعرقوب وقررربت للركبة ديلك
وأبات دقوناً خبوب ،،

شيييييلوا ويشكروا ليك في مولانا الوزير ده

أهااااااااااااااااااا ،،، أنا ما زول شليق ياخ ،،،

لقيت لي فرقة حلقوم وقمت عرفت نفسي

ناصر يوسف

ممثل بالمعاش
مخرج بالمعاش
صحفي بالمعاش

أهااااااا قربببببببببت أقول ليهم بني آدم بالمعاش ( خفت يكفروني ويعلنوا علي الشنو كده داك ماني خابرو ياخ )

أهاااااا وبعد التعريف الذي لابد منو ؟؟

إتناولت عنوان المحاضرة ،،، وقلت للوزير ،،، محاضرتك قيمة وجيدة في قولها ،،، لكنها بكل أسف لم تتناول عنوان المحاضرة المكتوب خلفك في الخلفية

الفنون ،،،، رؤي تأصيلية ،،، وبصراحة كده الكلمة دي عامله لي حِسكِنَة ياخ

وبعد ما جلت وصلت في كلمة تأصيل ،،،

قمت فاجأت ليك الوزير بسؤال

طيب أستاذ عبد الباسط ،،، قووووووول إنك عاوز تأصل الفنون السودانوية دي ،،،

وإنتَ وزيراً إتحادياً للثقافة السودانية ،،،

كيف جاز لك أن تُأصِل ( إسلامووووووووووووياً ) لرقصة الكمبلا ( الوثنية أصلاً ) ؟؟


ومشيت قعدت في الكرسي بتاعي ،،،

العيون كللللللللللللللها بقت تعاين لي شذراً ،،،

لكن الوزير كيفني ليك في حنان أبو أهلي ظاتو ياخ

وساب المحاضرة بتاعتو وقعد يتكلم فوق كلامي ده زي ساعة وربع ولا ساعة ونص ماني متذكر ،،،

قال الوزير: يقولوا ليك قَفِّل إتحاد الكتاب ده ،،، إتملي لينا كلو شيوعيين

طيب نقفلو ليه ؟؟ إنتَ ما تخلي إتحاد الكتاب ده فااااااتح بي شيوعيينو ديل وتعال قارعهم بمنتوجك الإسلامي ،، أهزمهم بمنتوووووجك إنتَ


غايتو ،،،

المشاركة الأصلية كتبت بواسطة حافظ حسين

يا صديقي و أخوي
هامرة أخري أعود الي النخيل في زيارة رمضانية خاطفة
و طوبي للصائمين الفاطرين علي فراغ
طوبي للذين لم يخبروا أحساس الشبع يوما و لكن كباطن اياديهم يعرفون ما معني الجوع و اليوم مع سبق الاصرار و الترصد يتضامنون مع الجوع
طوبي يا صديقي للذين يربطون علي بطونهم حجر إتقاء شقشقة عصافير البطون لا إتقاء للبدانة
و الخزي و العار للذين يأذونهم بقتار قدورهم دون أن يغرفوا لهم منها
بالأمس ذهبت الي النخيل مرة أخري
مزيد من العمارات المناطحة الفضاء و مزيد من الفقراء المدنكسين رؤسهم نحو الارض
و لماذا لم تقل أن العمارات استطالت و افرغت اطفالك الجوعي
و النخيل و ما أدراك ما ابو ريال
الفقر الضارب زي سوسة يتعايش مع كامل التناغم مع الثراء الفاحش
النخيل
الذين يرمون طعام يكفي لكمين أسرة مقابل كمين اسرة لم تقد النار في بيتها لاسبوع
و سبوع و العيال ما فكوا ريك
و طبق الدهب بمد دقيق
و يا اخواتي ستات الفريق
النخيل أرض المتناقضات
أرض المجاعات
ارض الثراء و الفقراء
ارض الجوع و التخمة
ذهبت كما كل رمضان
وزعت السكر و استلمت الدعوات و لكن رميتها في اقرب بلاعة
و دعوات الفقراء لا تلزمني و هي لو نافعة كان غيروا بيها حالهم
النخيل يا ارض السوااد
النخيل يا أرض اليبااب

ود حسين ،،، منك دوماً نتعلم

كنت عاوز أدعي ليك ربنا يعرس ليك ويحفظك من شر العين والحسود وشنو شنو داك ويفتح عليك أبواب الرزق يمين وشمال

عِلا خفت تقوم تجدع لي دعواتي ديل في أقرب ملف ياخ

عموماً كده ،،، مشتاقين يا وغد