[imported_د.عصام الدين عليش]

المشاركة الأصلية كتبت بواسطة muntasir hassan

ماشاء الله عليك يادكتور عينا بارده لاصلعه لاشيب انت محظوظ ماحضرت زمن ناس ود الكاشف كنت طلعته بعاهات مستديمه اصلهم كانوا بااشروا لينا شمال والفوا يمين وشكرا للعوض صاحب المستندات عارف يادكتور اخونا اسامه كان شغال لينا بساعه لحزبك وساعه لقلبك لكن طلع ساعات قلبه اكثر التحيه لاسامه والاخت حنان بالمناسبه والله حنان كانت اخت جدعه امكن ماتذكر هذه الحكايه كنا نسكن فى احد الاجازات فى سطوح احد الشقق فى الدقى انا وعمار وبيجن وكنا مفلسين ولمناكل لمدة يومين وكنت ماشى فى الشارع وقابلت الاخت حنان واعطتنى 5 جنيهات اشترينا منها اكل وسكر وشاى واذكر الاخ عمارعندما ضرب كباية الشاىقال لى تعرف السعاده شى نسبى ولم نرجع ال5 جنيه لحنان بعد بالله ياحنان اعفى لينا او حانرسله ليك مع الارباح او اطريحها من حساب التلبيسه الحانرسلها لاسامه

[align=justify]الاخ منتصر
السلام عليكم ورحمة الله وبركاته
لك الف شكر على التعليق وكما قلت الحمد لله نحن ماحضرنا زمن ناس ود الكاشف لكن ناس بيجن ماديرين يظهروا معانا الظاهر خايفين وبرضوا عمار دائما مع الناس في القروش والفلس اتذكر انه حضر الينا في القاهرة في عيد اضحي تقريباً عام 77 في الاجازة وكنا مفلسين فلس مالقين حق الكشري عشان نأكل مشينا معاه لإاحد تجار الجمال في امبابة عشان يعطيه قروش وتفاصيل كيف أخذنا القروش مع الفلس ده يضيق المكان لسردها لكن المهم القروش اخذناها واليوم كان عيد وماأحلاه عيد اشترينا ملابس جديدة واتفسحنا فسح وهذه من اجمل مايحلي اسيوط وهو ان تعطي اخوك لو ماعنده وبكره يعطيك لو ماعندك
لك الف تحية وألى لقاء [/align]