[imported_عباس الشريف]

المشاركة الأصلية كتبت بواسطة شليل

بإعتباري طرف أساسي في الكوماج إللي أسفر عنو البوست ده بوضح الآتي :
1/ مافي حاجه إسمها وجودي سوف يكون مزعج وأقدم أسفي وإنسحابي ، البيت ده بيسع لأي زول بشرط إنو ما يتجاوز حدود اللباقة.
2/ كان تكون أكتر شجاعة وتعتذر عن إنك وصفت عضوية سودانيات دي بإنهم حيوانات .
3/ إختلافي الجوهري معاك في حتة الإساءة دي ولسه في موقفي الواضح منها ، وما حإتنازل عنها.. الإشارة لإنك سرقت مجهود ذهني بتاع زول وما أشرت لإقتباسو ده موضوع ثانوي عالجو السيد/ الأمين العام برساله مهذبه ليك.
4/ والأكثر إيلاماً إنو غالبية العضوية ديل مروا على الإساءة وإتمترسوا في مقوله باليه :/ حمد لبد ، وبدر وأمل ، وحمد طلع الجبل! وده موقف سلبي البيتعامل معاهو بسلبيتو دي بطريقتو ، لكن أنا برفض الإسلوب ده وما بتعنيني الإشارات المغتغته لإنو أعير شخصيتي الإعتباريه ( منصب نائب الأمين العام ) شوية إهتمام ، وهنا لازم نميز بين شليل العضو وإللي ليهو كامل الحقوق في إنو يبدي رفضو إزاء موقف بعينو وبين شليل (نائب الأمين العام ) وعندكم اللائحة هي المرجع والفصل في شاكلة نزاعات دي.
5/ آثرت نقل البوستات- إللي أسهمت بوعي في إنو أبوظها- لمنتدى الإدارة بغية تنقيتها وتشذيبها ، لأنو القراء ما عندهم ذنب في الحاجه الحصلت دي. وهنا بسجًل إعتذار بوضوح لكل زول أسهمت في إنو أبعدو عن إنو يتداخل في البوستات الإحتليتها..
6/ ما بحب التبرير : لكن لمزيد من التوضيح حول إستيلائي على بوستاتو : عمدت إلى نقل إساءتو الواضحة وعمل ليها (كوت) في كل البوستات بحجة أفرمل المتداخلين القد يتداخلو بحسن نيه ، وأنبههم لخطل نواياهم السليمة تجاه الضيف البينعتم بحيوانات تراديشنال..
وده بمثابة إحتجاج واضح مني الهدف منو ما عندي إستعداد إتداخل معاهو مالم يعتذر عن الإساءة الواضحة لينا.
7/ بفهم تماماً إنو الإبتعاد عن حدود اللباقة والموضوعيه ، ده بيكون خصم على حاجاتي وما بيضيف لي حاجه غير إنو تتنامى مشاعر العداء جواي ، إللي أساساً ما محتاج ليها وعندي منها ما يكفي لتوظيفو في معارك تانيه.. لكن أنا عندي خطوط محدده ما بسمح بتجاوزا ، إذا عديتها ما بقدر أجمح تمردي.
8/ ولا عزاء لكل زميل/ه ، شافوا الإساءة دي وإنحازوا ل ( حمد ، لبد ).

بغض النظر عن شخصي وعن التجاوز وذلك في الاساءه التي بررت ان الجملة جزء لا تجزاء من البوست وليس مقصود بها الاساءه ونفترض حسب رؤياكم انها تمثل اساءه ماهو الاجراء الاداري الذي اتخذ بحكم انكم في موقع اشرافي بالمنتدي هل طريقة معالجة الامر بصورة العنتريات وتقديم الاساءات بمثلها هي من لوائح المنتدي تاخذ حقك بي ضراعك ام هنالك لائحه يجب ان تكون احرص الناس علي تنفيذها بطريقه اداريه حكيمه لوضع الامور في نصابها .. ولو افترضنا انني مخرب وهكر وشخص غير مسئول كان تسجيلي بغرض التخريب هل طريقة المعالجة من قبلكم كانت وفق احتواء الامر هذه اسئله تحتاج اجابة؟؟؟؟؟؟؟؟؟؟ لقد طرحت عليكم سؤال في البوستات الاصلية وليس المرفقات باجابتي عن مصدر النقل لماذا لم تتم اجابتي وكانت النقطه التي ارتكز عليها خلافكم المداخله المنقوله بداخل البوست اعتقد كان الافضل كتابة منقول بداخلها مع ارسال رسالة في الخاص.... وضعك الاداري هنا اشرافي وتطوعي ليس بعصا ترفعها في وجه من لا تحب او تتجاوز لمن تحب والمنتدي ثقافي لتلاقي الفكار والرؤي كما ذكرت في حدود اللباقه التي يفترض ان تأتي من قبلكم انتم بإعتبار انكم واجه للمنتدي فانا عضو جديد ليس لدي صراعات مع شخصكم وما فارقه معاي ممكن لو ليس لدي قييم اخرب وامشي وبكره اخش من جهاز تاني اخرب وامشي ولو لدي نزعات شرانيه اضرب الموقع بفهم تطوير صراع ليس في محله لم تدير المشكله بحنكه حسب موقعكم كنائب للامين العام