قلت شوف هنا يا ابو علي : انا حكاية العدل بتاعتك دي ما دخلت لي في مخي وانا تلاجتك دي غير الموية ما عندي ليها حاجة عجبك عاجبك ما عجبك اخدها اليوم قبل بكره .. فكرت انه الرجل راح يزعل مني ويخارجنا من خازوق تلاجته دي ..
قال ابو علي : خلاص طيب ما عندك مشكلة انا خضار تلاجتي ولحمتي بتولاهم براي ..
قلت : دا كلام شنو كمان يا ابو علي عاوز تصرف علي في بيتي كمان ؟؟
قال : اصرف شنو انت فهمتني غلط ... انا قصدي انه كل يومين بجي بخت لحمة او خضار في تلاجتي بعد يومين اجي اشيلهم واجيب غيرهم وهكذا ..
قلت : تقصد يعني مسمار جحا ؟؟
قال : كيف يعني مسمار حجا ما فهمت قصدك ؟؟؟ (يبدو انه ماسمع بحكاية مسمار جحا دي كمان)
بصراحة انا شعرت بان راسي كاد ينفجر وضغطي ارتفع وحبيت اختصر الموضوع ووافقت على مضض بحكاية مسمار جحا لو اتفك من ابو علي هذه الساعة على الاقل .
وفعلا خرج ابو علي مودعا لتاتي ام احمد متوعدة
ام احمد : الكلام الانا سمعته دا صحيح ؟؟
قلت : كلام شنو كمان ؟؟
|