[مكي محمد الحسن]

المشاركة الأصلية كتبت بواسطة الزوول

[size=5][color=#FF0000]السلام عليكم
يبدو انني وبدلاً من ون تو مع ميكي
سالعب بالمهارات الفردية
لأبقاء البوست عالياً

الاخوة والاخوات الاسايطة السلام عليكم
الاخ الدكتور الزوول
كورتنا ما فكت ..ولكن مشغوليات الدراسة ( بعد ما شاب ودوهوا الكتاب ) والعمل غيبتنا
وليس عن قصد عنكم فالمعزرة ..
هاك الون تو ده .. بس عاوزين صورة !؟
الاخ محمد الطيب عبد الله ( تربية احياء _ الدويوم ) كان يسكن مع الاخوة د.رفعت ود.أمير كمبال
كان يحب تنمية علاقاته بالاخوة الزملاء المصريين وقد كانت لدينا صدقات عديدة مع بعض الاخوة من مديني الداخلة والخارجة بمحافظة الوادي الجديد .. كان يزاحمني في معرفة الاخوات الزميلات المصريات ( كنا نزايد علي بعضنا فيقول لي تعرفت ليك علي فلانه وقالت لي انها معجبة بالسودانيون في الكلية ..اقوم ارد ليك عليهوا يا اخي دي انا عزمتها ليك في نادي الحقوقيين هي وصاحباتها زمان خاصة وان بعضهن زميلات لي في الدفعة السابقة وكنت علي ارتباط عاطفي مع زميله لهن من مدينة الغردقة بمحافظة البحر الاحمر كانت في قسم اللغة العربية بكلية التربية ... اه يا زمان ؟؟ وعلي فكرة كان نادي الحقوقيين احسن مكان للخلط في ظل الجماعات الاسلامية وحركة السودانيين الدؤبة في اسيوط .. تمشي هناك وتنتظر وتكب الميرندا - علي وزن الريده ولا من شاف ولا من دري ! ومن قدام الباب تاكسي طوالي علي بيت الطالبات ) ... ذهبت في عام 1989 في زيارة مع ابن خالتي لمدينة الدويم وسألت عنه فلم أجد اجابة من من سالت ذكرت لهم ان لدية اخ ( نسيت اسمه الان ) كان يعمل بالشرطة ضابطا برتبة رائد آنذاك ..فلا دليل يجمعني به حتي غادرت الدويم بعد 3 ايام قضيتها بصحبة ابن خالتي وصديقة في معهد الكليات التكنلوجية آنذاك ( جامعة السودان حاليا ) هل منكم من يعرف أخباره؟؟
أحدي الزميلات السودانيات من مغتربي الخليج سألتني ان كنت فاضيا ونحن بالكلية ( تربية ) فاجبتها خير ..قالت لي بانها تريد ان تطبع مفتاح شقتها بالسوق ..قلت لها جدا ما فيش مشكلة ..تركت دراجتي الفارهة بجوار حوش كلية التربية علي شارع الجمهورية آنذاك وامتطينا تاكسيا الي السوق وبعد ان طبعنا المفتاح ..سألتني اتغديت فقلت لها لا لسع ( وكان ميز الغداء علي طبخة وتحضيره حيث كان يسكن معي أو اسكن مع وقتها الاخوة عادل الكديوة وطارق عوض الكريم ومزمل فزع ) ..فأجايتني رأيك شنو أعزمك غداء ..فقلت جدا وين ؟؟ طوالي مشينا علي فندق بدر السياحي ..المهم بعد ذلك الغداء الدسم رجعت الشقة وطوالي علي غرفتي وديك النومه ... صحوت علي صوت الاخوة طارق وعادل ينادون علي من باب الغرفة .. يازول الغداء وين ؟؟ قلت لهما : في فندق بدر السياحي ! يا تمشوا تفتشوا ليكم جكس عاوز يطبع مفاتيح .. أو الشرق ما بعيد من هنا انا يدي بعد الشوكة والسكين ما بيقطعوا بصل وكمان ريحة الحلة ما عاوزها تقلب لي بطني .... انقروا الحصل شنو؟؟؟