[فيصل سعد]

المشاركة الأصلية كتبت بواسطة فتحي مسعد حنفي

شكرا علي الترحيب لكن يافيصل عمنا وخالنا دي لزومها شنو ما قلنا نخليها بيناتنا في الخاص وانا بيني وبينك كلها عشرين سنة بسيطة ما كبيسةوبعدين ما تنسي احنا ساقطينو سوا علي وزن دافننو سوا فمافي داعي لكشف المستور لاني جبت تاريخك كلو من السودان والامارات وفيهو حاجات غير مشرفة ما حاعلن عنها الا مجبر فتعال نعلن تحالف جديد ضد الشامتين والمنتفعين والناس أبان عزبات في العمة وحلقوا الدقن لمن بقت بيضا.لذا ارجو اتخاذ قرارك في أسرع فرصة عشان أتفرغ لخصومنا اللابدين.
تخيل مشيت السودان لقيت ود مخير مبلغ عني الأمن ولولا دعاء الوالدين كنت لي هسع في بيت من بيوت الاشباح والغريبة لما عرف انو انكشف لغي سفروا ولبد. انعل ابو دي خوة مع اني سافرت حسب اتفاقي معاه فقام الأخ عملني فار تجارب عشان لو حصلت حاجة يلبد ويرجع لندن ويوفر القريشات لانو عارفني سافرت مفلس واعتمدت علي دراهم المحاضرات المشي اداها في ابو ظبي.
غايتو قول ليهو فتحي حالف يردها ليك وجاييك قريب في لندن وخليهو يهرب ويمشي لي رافت ميلاد يدسا عندو.

انت يا اخونا الكبير بعشرين سنة ذاتك دقست في انك تعتمد على دراهم محاضرات زولك الواشي؟؟؟ ديل ضيعوا نظام ديمقراطي جاء بتعب 16 سنة في غمضة عين !! كيفن ما يضيع اجازتك ال 16 يوم دي!!

تاريخي الما مشرف الجبتوا من الامارات و السودان ؛ انا حرم معتز و فخور بيه تب انت بس طلع البلور و القزاز و المزز و الكوانيين و الكبابي و الحباسات برة و الباقي كلو تعال رشوا هنا في البوست دا للذكرى و التاريخ.

التحالف يا خواجة موجود و محفوظ من اول يوم جيتنا هنا ، لكن الانتخابات انت سقطت ، بس انا يا معلم انهزمت و هناك فرق شاسع و كبير ما بين السقوط و الهزيمة زي ما انت عارف و فايت اضانك انا كنت قاب قوسين او ادنى من الفوز بس صاحبك الله يسامحه داك حرش علي الناس بعدم التصويت و دوزن السيستم ضد مصلحتنا و كدة و زاغ و عمل نايم