اخي الاغبش ... كيفنك وعسى تكون طيب..
ياسلاااام ياخ والله كلمة الكدر دي لي زمن طوييييل ما سمعتها ... وكمان اتذكرت كلمة الجركس...
بالمناسبة عالم العجلات عالم جمييييل لانو بيرتبط بي فترة زمنية عاشها الانسان تحت هموم ومتطلبات بسيييطة..
زي ما اسلفت سابقا بأن اول عجلة اقتنيها كانت فونكس مقاس 26 زرقاء ناصع لونها ... وحاتك الواحد كان بيقوم بيجيب شريطين كهرباء بلونين مختلفين .. لزوم قشرة العجلة وكدة مواسير الكدر ... وتمشي تشوف ليه هبابات للستك الخلفي ... وحاجات كتييييرة الواحد ما الكبر نساها ... والله فترة كانت لها إيقاع...
من اشهر العجلاتية في امدرمان ... عبدالعظيم العجلاتي هسه الزول بقي في حلقة حمد النيل هايم بالذكر...
ايضا بالاضافة للساعاتي والعجلاتي ... هناك مهنة تصليح السراير والعناقريب ايضا تكاد تكون اختفت مع كمية محلات الاثاث البقت في البلد
لك شوق خاص
|