احلام اسماعيل حسن تمر بأزمة صحية

[الوسيلة محمد النعيم]

الاخوه الكرام تمر اختكم وزميلتكم احلام اسماعيل حسن (الريلة) هذه الايام بأزمة صحية الزمتها السرير الابيض وتتمنى منكم الدعوات الصادقة بالشفاء .

(الريلة تبرى من الالم)

الريلة تبرى من الالم

الريلة ماتشوف السهاد

يا غالية ليك رب العباد

يحفظ عميرك وتسلمي

ويرجع قليمك والمداد

ترجع ضحكتك تاني في

اذني ترن نتكاوى لا خوف

لا حزن ويجيك عمور

يحلف يكلم خاله يحلف

ويبتسم تديهو سماعة

السرور يضحك معاي

ويقول كلام اجمل

من الورد الزهور

ونقول حباب عموري

يا اجمل طفل

وكمان حمادة يعود

يرد الريلة جاياك انتظر

وتجيني يا ست الحسان

بي ضحكة بتعافي المكان

بي رقة مابتشبه بشر

ريانة في كل العصور

وجميلة يا قمر الزمان

الريلة انتي بحار فرح

الريلة انتي غنا ومرح

اسمع كلامك واتبسط

والقاهو جدقلبي انشرح

بتغسّلي الحزن الجواي

بلقاكي في لحني وغناي

دائما تكوني قريب معاي

وتكفكفي دمعات بكاي

بالجد اخت بيك بفتخر

ومعزتك داخل قليبي

وحات عمر شايلك

ضياء وحب مزدهر

ماتشوفي شر

ويكون اجر يا الريلة

يا ست الحسان

[خالد الصائغ]

أجر و عافية إن شاء الله

أصدق دعواتنا للأخت العزيزة أحلام بالشفاء العاجل

أللهم أنت الشافي لا شفاء إلا شفاؤك فاشفها و عافها يا كريم شفاءا لا يغادر سقما



شكرا لك أخي العزيز الوسيلة

[جانيت]

الف سلامه ليك اختي احلام ما تشوفي شر انشاء الله
ليك العافيه

[أميرى]

أجر وعافية ان شاء الله
كفارة ليها وماتشوف شر

ــــــ
ومرحب بيك الوسيلة

[سمراء]

احلام الجميلة ماتشووفى شر ياغالية
وربنا يرفعك ويقويك باذن الله

الف كفارة وسلامتك
وشرك مقسم على الدقشم

[جيجي]

سلامتها

وماتشوف شر
بلغها تحياتنا وسؤالنا عنها اخي الكريم

[النور يوسف محمد]

بسم الله الرحمن الرحيم

لا بأس عليك .. وسلامتك
مع الأمانى الطيبة بتمام الشفاء ...

[رأفت ميلاد]

ألف سلامة ليك يا أحلام ما تشوفى شر يا الريلة

[نبراس السيد الدمرداش]

سلامتك و الالم يزول

الف لابأس عليك
ربنا يشفيك و يعافيك
ترجعي تنوري من تاني

[فتحي مسعد حنفي]

ألف سلامة عليكي يا أحلام وربنا يكتب الشفاء العاجل.شدي حيلك وتلقيها في ميزان حسناتك انشاءالله..

[Dr. Mohammed Hassan]

نسال الله ان يواليها برحمته وخفف الامها ويسبغ عليها نعمة العافية

نرحب بقدوم الاخ الوسيلى قلم شاب وجميل
ولي قدام

[نزار حسن علي]

الاخت الكريمة
احلام

( إن شاء الله العافية ليك نعلات)
شكرا الوسيله

[زول الله]

الف سلامة عليك استاذة احلام وماتشوفي شر
اللهم ياشافي اشفها لاشفاء الا شفاءك شفاء لايغادر سقما
اجر وكفارة ان شاءالله
شكرا اخ الوسيلة

[الفاتح]

ألف لا بأس عليها..
وعاجل الشفاء إن شاء الله

[احمد زين]

[align=center]
لا إله الا الله الحليم الكريم .. لا اله الا الله العلي العظيم
لا إله الا الله رب السماوات السبع و رب العرش العظيم

لا إله إلا الله وحده لا شريك له
له الملك و له الحمد و هو على كل شيء قدير ..
إلهــــــــــــــــــي

رب الناس أذهب البأس
اشف و أنت الشافي
لا شفاء إلا شفاؤك
شفاءً لا يغادر سقماً ..
بيدك الشفاء
لا كاشف له إلا أنت ..
يارب العالمين آمين
اللهم ..
إني أسألك من عظيم لطفك وكرمك و سترك الجميل أن تشفيها و تمدها بالصحة و العافية ..
اللهم
لا ملجأ و لا منجا منك إلا إليك .. إنك على كل شيء قدير ..
اللهم خذ بيدها اللهم احرسها بعينيك التى لا تنام . و اكفها بركنك الذى لا يرام و احفظها بعزك الذى لا يُضام .و اكلأها فى الليل و فى النهار .
و ارحمها بقدرتك عليها أنت ثقتها و رجائها يا كاشف الهم . يا مُفرج الكرب يا مُجيب دعوة
المُضطرين .اللهم البسها ثوب الصحة والعافية عاجلا غير اجلا ياأرحم الراحمين..[/align]