رد اعتبار

[علاءالدين عبدالله الاحمر]

عهودك مابقت غير ركام
واتبدل الوعد البيفتح سكة جوات الزحام
عزرا اذا صادك وسط زهوك كلام
واسودت عليك الفرحة توا وصابك قتام
‎ ‎وبقيت تفتش عن معاني راحت عليك في الانهزام
لو القدر نتلاقي تاني ويكون تلاقي بلا سلام
اصلا تموت العشرة حسرة لوما بقت بالاحترام
قضيت زمن وفته غادي تلاقح الزيف في الظلام
ماتفتكرني مشيت وراك اصلا قليبي عليك حرام
بعد غيابك ماغلبته عشته فقدك بابتسام
وسحبت مفردة التمني وعشت واقعي بلا غرام
حاشاني من دمع الغلب بقيت مجرد حلم غام
واتبدد الالق القديم لحظة طلع بدر التمام
وعشقته قلمي بلا وجل اخلاصو احساس ماضرام
عايز تعود للمرفأ فاتح من تاني اسف يامدام
بعد وطاك سابك جريحة خلاك فكرة انتقام
سابك علي شفير نزيف جواك غارقة علي الدوام
يمهل ولا يهمل جنايتك ماتستاهلي المر والسقام
جيتي لانسان تحجر قلبو من غدر السهام
وبقي علي نفحة قصايد مافيها ليك ظليل غمام
والعبير الماري منو يجتاز وجودك بلا انقسام
تتنازعك ندمة ضميرك وتشوفي طبعك واللئام
تجتاحك العبرة وتقاومي امامي يستلبك هيام
وترق عيونك بنظرة حانية وقلبي قسي من الف عام
وصبح لونو قاتم مافيه ليك لون احترام
عودي اذا ما النيل تراجع الي مصبو بلا كلام
او اذا قابلت الشمس قمرا في نهاراتنا الحطام
مابرد لي اعتباري كل مافي الدنيا ابدا يامدام
‎ ‎