يعني خلاص ؟؟؟؟؟؟؟؟؟

[imported_همس الشوق]

خلاص دا الوداع الأخير
موت خالد اصبح حقيقه
ومفروض نسلم بيها ؟؟؟

والله ما كنت مصدقه
كنت متخيله اني بحلم
كابوس وبصحى منو
رغم كلامك يا خطاب
والله ختيت الموت دا بعيييييييييييييييد
الموت حق علينا كلنا
لكن طعمه حنظل
ما بنستحمله
نحن ما إستحملنا مرضك يا خال

[imported_همس الشوق]

كيف يهون عليك يا عكود تكيل التراب على خالد
دا ما صاااااااااااااحبك و بريدك وبقول عكود دا زول مختلف

كيفن يا معتصم تسااااافر عشان تكيل التراب في جسد خالد الطاهر

كيف يهون عليكم يا احمد زين ويا ناصر ويا الرشيد ويا حافظ
بي ايدينكم تكيلوا التراب فوق خالد
كيف هان عليكم يا اخواني تفارقو
وهو القال مشتاق ليكم ولي ونستكم
والله قال مشتاق يمشي معاكم لي قندهار
ومشتاق يتونس معاكم
قال عنده فروقات ونسه
آآآآآآآآآآآآآآآآآآآآآآه يا خالد

كيفن يا مبر هان عليك خالك
ما كنت فرحان بيهو وفخور بيهو
كيفن هان عليك ترجع بدونه
يا مبر الخال استعجل
والله استعجل شديد
دا ما وعده لينا
الخال اخلف وعده ليه ؟؟؟؟
ولا كان بجاملنا
عشان شاف اثار الريده باديه علينا
ما قال بمشي وبجيكم راجع
واقعد معاكم ونتونس
ما قال بلدكم عجبتني
ادعو لي عايز اجي اشتغل
وما عايز بلد عكود
عشان مافي فرق بينها وبين هولندا
عايز اجي وسط الناس
عايز اللمه
احيي عليك



كيف بنستحمل فراقك
كيف يا اخواني
كيف بقدر تاني افتح سودانيات من الصباح
واكتب هنا ......واشاغل هنا
والقلب محروق عليك يا خال
وحاة الله بيتنك ما بندخل لي تاتي
أأأأأأأأأأأأأأي يا وجع قلبي
اااااااااااااااااي يا حزني عليك يا خال

احيييييييي عليك وعلى الدنيا الما مهلتك
يا ربي كما غرسته حبه فينا شجر اخضر ينمو كل يوم
صبرنا يا الله على فراقه
وأرحم قلوبنا المحروقه
وجفف دمعنا النازل عليهو
وأدخله جنات عرضها السموات والارض
يا الله

[imported_همس الشوق]

احييييي يا اخواني

قلته ليهو يا خال ما تنزل لي صورتي

قال ليه خايفه من شنو وهو بضحك بكل روح طيبه

ما تخافي وخالك في

انا من اليوم دا ضهرك

احيييي يا ضهري الإنكسر

احييي عليك يا خال

كنت عايزه انسند عليك

[imported_مرافي]

المشاركة الأصلية كتبت بواسطة همس الشوق

احييييي يا اخواني

قلته ليهو يا خال ما تنزل لي صورتي

قال ليه خايفه من شنو وهو بضحك بكل روح طيبه

ما تخافي وخالك في

انا من اليوم دا ضهرك

احيييي يا ضهري الإنكسر

احييي عليك يا خال

كنت عايزه انسند عليك

مضى خالد

وترك فينا الريح وزمهرير الفقد
ترك اللوعة وحرقة القلوب
ترك فينا ليلاً طويلاً لا ولن ينجلي
ترك الخواء
الالم
العلقم
آآآآه لو تعلم كم نفتقدك يا خال
كم من صور التقطتها تمني النفس بأن تكون لك زاداً للذكرى والسغر
لم تعلم ان المنية ابت الا ان تغادر قبل ان تراها حتى
يا الله يا الله
كم من حكايات كنا نترقبك تحكيها باسلوبك ومفرداتك
فما أجمل القراءة لك
ولكن مات فيك الكلام فبل أن تحكيه
آآآآآآآآآآآه آآآآآآآآآآآآآه
ليتك تمهلت ليتك تعذرت
ليتك اعفيتنا من كل هذا الوجع
نم بسلاااااااااام غشتك الرحمة
ولنا الصبر والسلوان
استغفر الله العظيم
اللهم ارحمه واغفر له يا واسع الكرم

[الرشيد اسماعيل محمود]

المشاركة الأصلية كتبت بواسطة همس الشوق
خلاص دا الوداع الأخير
موت خالد اصبح حقيقه
ومفروض نسلم بيها ؟؟؟

هو كذلك ياهمس..
هو كذلك..
رحل خالد الي الديار الأخري..
ترك الدنيا بما فيها..
الموت مصيرنا جميعا..
ولا يدري أحدنا كيف ومتي وأين يموت..
لا أحد يختار زمان موته..
ولا مكان موته..
ولا وسيلة موته..
كلنا مجرّد كائنات لا حول ولا قوة لها..
الموت لا يفرّق بين طيّب وشرير..
ولا بين صالح وطالح..
أو صغير وكبير..
الموت يعمل مثل الآلة..
يحصد الجميع دون فرز..
يحصدنا بديناميكيّة ذات تواقيت محدّدة..
لا مجال فيها للصُّدفة..
ولا النسيان..
الموت مهمته محدّدة..
مهمته الموت.
فقط.
وتلك مشيئة الله..
ولا اعتراض علي مشيئته سبحانه..
اللهم لا اعتراض في حكمك.
فانظري ياهمس لموت خالد من زاوية اخري..
زاوية الإيمان بحكم الله.
رحمة الله عليك ياصديقي.

[imported_قوت القلوب]

وافجعتييييييييييي
وواوجعتييييييييي

هو كذلك..
رحل خالد الي الديار الأخري..
ترك الدنيا بما فيها

[الرشيد اسماعيل محمود]

هم السّابقون ونحن اللاحقون..
ولا تدري الأنفس ماذا تكسب غدا..
ولا تدري نفسٌ بأيِّ أرضٍ تموت..
قوت القلوب:
إنّها لا تدوم..
لاتدوم أبداً..
فاحمديه سبحانه في كل الأحوال.
رحمة الله عليك ياخالد..
وعلينا.

[imported_نبراس السيد الدمرداش]

يا حبيبه
خلاص كيف؟؟
لو على الاجساد بقول ليك خلاص
بس لحسن الحظ انو خالد ما جسد فقط
خالد روح تسعى بيننا
خالد كلمة
خالد فكره
خالد مواقف
خالد نحن
خالد هنا و اشاروا الى قلوبهم

[imported_محمد مصطفي]

من ترك اثاره بين الناس لا يموت يا همس
خالد ,,, أسم بمعني الخلود
ما زلت اتنسم طيب كلماته وحروفه
ما زلت اتحسس روحه هنا ,,,
اذن فهو باقي فينا الي الأبد
خالد دخلنا زي الروح ,,, جوانا وما مرق
وحا اظل نحمله حباً خالصاً بين الحنايا وفي القلوب
يا همس الله اصبرك ,,,
يا قوتنا الله اصبرك
يا مرافئ ,, الله اصبرك
ويا الرشيد يا السايج حروفك بي حبل السواد ,,, يا اخوي الصبر الجميل
ويا نبراس ,, يا اختنا واخت خالد ,,, محروق حشاك والله حاسي ,, بس الصبر
وبشر الصابرين الذين اذا اصابتهم مُصيبة قالو انا لله وانا اليه راجعون
الله ارحمك يا خالد الله ارحمك يا خالنا ,,, الله ارحمك يا روح المحنة

[imported_رأفت ميلاد]

أيوة خلاص ياهمسة .. خالد مضى فى طريق مرسوم وقرار محتوم .. له الرحمة والمغفرة .. وستظل قلوبنا مشتاقة إليه حتى نلتقيه ..

أطلبى له الرحمة ولا تنسينا فى صلواتك

محبتى التى تعرفين

[imported_ابوريم]

كم من حبيبا لي كان مالي بيننا دروب
ما ودع الحبان ما وسدوهو الطوب
حي قولي ما حي ووب
حي قولي ما حي ووب