إليكِ هنا في العام أمام الرب والناس

[imported_زول الله]

هكذا انا ..
دائماً اتأخر..
المرة الوحيدة التي تأخرتُ فيها ولم اندم هي لقائك
كان فريداً وغريباً في آن
قبلك عرفتُ ثُلث نساء الأرض ومهدتُ الطريق للثلث الثاني
وفجأة تلون أفقي بألف لون وشمس
وعجائب الصدف جعلت لقاءك في يوم يسمونه عيد المحبين
فأعلنتُ توبتي وأكملتُ لنفسي نعمتها ورضيتُ لها الإخلاص درباً
فإعتنقتُكِ وأعتزلتُ كل النساء
ولأني أعلم انك ستطوفين بما أذرفه هنا خلسة أو من وراء حجاب
أكتب لك هنا في العام امام الرب وأُشهد خلقه
انك لي آخر الموانيء والضفاف وستظلين الى أن يسترد الله أمانته
عيد هو لقاءك و عيد الاعياد يوم توجتُك ملكة على عرشي
فأطمئني وطيبي نفساً فأنا تائب بك عن نفسي
اربعة سنين تجربة وذات
وهاهو خامس أعوامها يأتي كالأنسام
كل عام وانتِ الحب شريكة حياتي الرائعة






اقول قولي هذا واستغفر الله لي..............

[النور يوسف محمد]

بسم الله الرحمن الرحيم


تماماً ..
نحن من ..
نختار قارورة العطر ..
ونرسم لوحتنا الجميلة ..
نحدد الأوان والإطار وزاوية الميل ..
نشترى الليل والنعناع والستائر ..
وعلى بهجة الصباح نطالع أخبار الورد والقرنفل والليمون ..
ثم هنيئاً مريئاً لذةً للشاربين ..


يا سيدى ربنا يديم السعادة ..
لك ولملكتك المتوجة عظيم الإمتنان ..

[imported_محمد مصطفي]

جميلة مشاعرك يا زول الله ...........
أن نعطي الزوجة حقها في الوفاء والاخلاص
أن تكون هي ابتداء السعادة ونهاية المواني
فلا ضفاف تستريح عنده ويرضاك الا تلك التي ارتضيتها مليكة لعرشك والفؤاد
دامت سعادتكم ودام الود بينكم ابدا

كل التحيايا يا زول الله
اها
منكم نتعلم
ليطمئن فؤاد أم الحسن

[imported_أسعد]

اصبئت يا عمك؟
مالك بتعتنق مرة واحدة
احسن ليك تعتنق اثنين وثلاث ورباع

ما تعول كثير علي محبتك دي
باكر بعد باكر الولية دي تتملي شفع علي الدين تبيع ابو حلتك
النسوان ديل اصلن ما عندهن دين




^ــ^

[imported_جيجي]

زول الله هنئا لك محبتها
دوما ان شاء الله ملئية دياركم بالمحبة

[imported_جيجي]

المشاركة الأصلية كتبت بواسطة وجدي الأسعد الأسعد

اصبئت يا عمك؟
مالك بتعتنق مرة واحدة
احسن ليك تعتنق اثنين وثلاث ورباع

ما تعول كثير علي محبتك دي
باكر بعد باكر الولية دي تتملي شفع علي الدين تبيع ابو حلتك
النسوان ديل اصلن ما عندهن دين




^ــ^

يعني انت بعدين حتكون كدا


اريته حال السرور

[imported_سارة]

ابو فجر يا جميل فى كل شىء
فى حبه وحتى فى توبته
كل عام وهى اجمل النساء فى نظرك
كل عام وانت اجمل الرجال عندها
كل عام وانتم بالف الف خير

انت كريم وجميل وهى تستاهل والله
لا تسمع كلام وجدى المطوفش دا تلقاهو يقول فى نفسه يارب ان اقع
واتدشدش دشديشة زول الله صاحبى وتلقاهو يبكى ويتمخت ساااااكت

[imported_البديري]

ياخ بوستيك دا " ريحتو حلوة "
ربنا يديم السعادة ..
لك ولملكتك المتوجة عظيم الإمتنان ..

وشلاقة المشهور بى وجدى دبل اسعد زول حاقد وساكن فى التعوسية بنين ، وعاوز يحطمك ، ماتشتغل بية الشغلة ، وانا من دربى دا شلتا مداخلتو الحاقدة دى وماشى على الاشراف ،

لك التحية فى كل لحظة وكل فلنتاين ٠
احب الناس البتحب وبكرة شلاقة

[imported_زول الله]

المشاركة الأصلية كتبت بواسطة النور يوسف محمد

بسم الله الرحمن الرحيم
تماماً ..
نحن من ..
نختار قارورة العطر ..
ونرسم لوحتنا الجميلة ..
نحدد الأوان والإطار وزاوية الميل ..
نشترى الليل والنعناع والستائر ..
وعلى بهجة الصباح نطالع أخبار الورد والقرنفل والليمون ..
ثم هنيئاً مريئاً لذةً للشاربين ..
يا سيدى ربنا يديم السعادة ..
لك ولملكتك المتوجة عظيم الإمتنان ..

ياعطرها يالونها يا كلها
جميل هو إختيارنا للون سعادتنا بيدينا
والاجمل مرورك هنا ياكمندان
تحيات ملؤها بين الخزان والعليا





اقول قولي هذا واستغفر الله لي.........

[imported_زول الله]

المشاركة الأصلية كتبت بواسطة محمد مصطفي

جميلة مشاعرك يا زول الله ...........
أن نعطي الزوجة حقها في الوفاء والاخلاص
أن تكون هي ابتداء السعادة ونهاية المواني
فلا ضفاف تستريح عنده ويرضاك الا تلك التي ارتضيتها مليكة لعرشك والفؤاد
دامت سعادتكم ودام الود بينكم ابدا

كل التحيايا يا زول الله
اها
منكم نتعلم
ليطمئن فؤاد أم الحسن

أم الحسن ياولدنا كان بطلت "الشفقة" مابتجيها عوجة تب
دمت مترقباً بدراً سيأتيك يوماً ويحلق بك شرقاً
تحيات كاملة الدسم






اقول قولي هذا واستغفر الله لي............

[ناصر يوسف]

أجملُ الرجالِ هو من يحتفي بأنثاه ،،، شركية حياته بحلوها ومرها
حريٌ بي أن أحتفي بإحتفاءك بها
أدام الله بينكم المودةَ والرحمة يا صديقي
شكراً لبهائك الذي فيك

[imported_حافظ حسين]

يا سلام عليك يا زول الله... و إنشاء الله حب للابد

[imported_زول الله]

المشاركة الأصلية كتبت بواسطة وجدي الأسعد الأسعد

اصبئت يا عمك؟
مالك بتعتنق مرة واحدة
احسن ليك تعتنق اثنين وثلاث ورباع

ما تعول كثير علي محبتك دي
باكر بعد باكر الولية دي تتملي شفع علي الدين تبيع ابو حلتك
النسوان ديل اصلن ما عندهن دين
^ــ^

اكتبني إذاً مع الصابئين والمتربسة قلوبهم
ومين قال ليك هي واحدة؟
ورب الناس هي خماس وسداس وسبعطاشر كمان
كمَلت السُنة وقفًلت العراميص* وماخلت فجة لي واحدة تانية

بل اعول على محبتها التي علمتني اني جميل تصدق؟؟

اقول ليك خمسة سنين وعيال تقول لي تتملي؟؟ ما اهي مليانة ياخ!!
اما العيال يا اخا العرب فمازادوني إلا إيماناً بأن هؤلاء النسوة سرهن باتع شديد
وبعدين لما تكون إنت دينها .. طبيعي يكون ماعندها دين ولا شنو؟؟

وجدي بطل الفرفرة وخش بي كراعك اليمين
بس لازم تخش صاح وماحتندم




* مفردها عرموص - المسافات بين الطوبة والطوبة في البناء
الشرح دا طبعاً خاص بي ناس الشهادة العربية وكدا


اقول قولي هذا واستغفر الله لي...........

[imported_زول الله]

المشاركة الأصلية كتبت بواسطة جيجي

زول الله هنئا لك محبتها
دوما ان شاء الله ملئية دياركم بالمحبة

وهنيئاً لي تهنئتي منك ياجيجي
محبة ان شاءالله تعشعش وتعيش معاك وماتفارقك شبر قولي آمين
تحيات كتارات






اقول قولي هذا واستغفر الله لي...........

[imported_يحي عثمان عيسي]

حبيبنا زول الله

سودانيات تستاهل منك ومنا كل هذا الحب
فلنتعلق باستارها