ود أب ضرس نفعتو النصيحة !

أحمد طه · 04-08-2013, 11:51 AM

ود أب ضرس دا صاحبي ، منصوري ظريف يسكن ضواحي كريمة ، حلو اللسان و حسن الهندام و يعمل في مجال السمسرة .
تزوج امرأتين و طلّقهما قبل إكمال عام مع كلّ واحدة منهما .
قبل شهور و نحن نشرب الشاي في قهوة أبو عرب في السوق التحت بكريمة قال لي : ناس فلان ديل عندهم بنية سمحة خلاص ، و حديسا ينقط عسل بس مشكلتا قصيرة شوية ! باقيلك شنو ؟
فقلت له مازحاً إن الحجاج بن يوسف قال (من تزوج امرأة قصيرة فوجدها على غير ما يحب فعليَّ صداقها)
فقال : كان كدي ياني المعرِّسا !
قلت له : يا زول دا راي الحجاج ، ما رايي
ما تقوم تعرس بت الناس و تجي تطلّقا و ترمي اللوم فوقي !
قال : يا زول انا أخدت بي كلام الحجاج تب !
ثم تزوجها و سافر بها إلى المكابراب حيث تقيم أسرته و مكث بها أشهراً هناك ثم عاد إلى كريمة حيث قابلته قبل يومين و أنا متوجس من أن يكون قد طلقها ...

- أها عامل كيف مع المرة الجديدة ؟
- يا زوووول ... علي الطلاق لقيتلك الحجاج دا مافي أنجض منو ! ، أتاري أنا كنت مضيع زمني ساكت !!!

المشكلة الآن هي أنني أصبحت أفكر بجدية في تطبيق كلام الحجاج ، لا سيما بعدما أفضى لي على ود أب ضرس بما لا أستطيع نشره ههنا ، كما أن زوجتي على النقيض تماماً مما ذكره الحجاج !

ملحوظة / الكلام دا أنا كتبتو في (خاص بالأعضاء) لأنو المدام مرّات بتجي تتشمّر و تشوف أنا قعد اكتب شنو ، و هنا ما عندها طريقة لأنو ما عندها باسويردgap

اشرف السر · 04-08-2013, 02:49 PM

هههههههههه...
وكما قيل: القصير يا حكمة.. ويا فتنة...

أحمد طه · 04-08-2013, 04:45 PM

اقتباس:

المشاركة الأصلية كتبت بواسطة اشرف السر

هههههههههه...
وكما قيل: القصير يا حكمة.. ويا فتنة...

شفت المثل دا كيف ؟ و مافي مثل بيجي من فراغ

دلوقت انا خياراتي انحصرت ما بين 145 إلى 150 سنتي
و جاري البحث على قدم و ساق
و اللقاها علي ود اب ضرس أكيد أخوك بيلقاها

يسعد مساك يا أشرف

الزوول · 04-08-2013, 05:55 PM

اقتباس:

المشاركة الأصلية كتبت بواسطة أحمد طه

الكلام دا أنا كتبتو في (خاص بالأعضاء) لأنو المدام مرّات بتجي تتشمّر و تشوف أنا قعد اكتب شنو ، و هنا ما عندها طريقة لأنو ما عندها باسويردgap

...

كان كدي
آن لبعلة أحمد سليمان طه أن تمد رجلها

أحمد طه · 04-08-2013, 06:34 PM

اقتباس:

المشاركة الأصلية كتبت بواسطة الزوول

...

كان كدي
آن لبعلة أحمد سليمان طه أن تمد رجلها

تمدّها ولا تعقلا ... بعرس بعرس

( هتف القلب من أعماقو التغيير واجب وطني )
و أنا بي صراحة بغران من ود أب ضرس !

قواسيب التحايا

عكــود · 04-08-2013, 07:27 PM

سلام يا أحمد،

رايك شنو أنا البوست ده أرفعو بانر، والما يشتري يتفرّج.

الحجاج وود اب ضرس، جابو خبر والله!

المعنى يعني الزول يشيل مترو ويقع السوق ...

وكدي؟

جيجي · 04-08-2013, 07:37 PM

اقتباس:

المشاركة الأصلية كتبت بواسطة أحمد طه

دلوقت انا خياراتي انحصرت ما بين 145 إلى 150 سنتي

يسعد مساك يا أشرف

هههههههه
ماتوسعها شوية يا شيخنا

جيجي · 04-08-2013, 07:38 PM

اقتباس:

المشاركة الأصلية كتبت بواسطة عكــود

المعنى يعني الزول يشيل مترو ويقع السوق ...

وكدي؟

أحمد طه · 04-08-2013, 08:01 PM

اقتباس:

المشاركة الأصلية كتبت بواسطة عكــود

سلام يا أحمد،

رايك شنو أنا البوست ده أرفعو بانر، والما يشتري يتفرّج.

الحجاج وود اب ضرس، جابو خبر والله!

المعنى يعني الزول يشيل مترو ويقع السوق ...

وكدي؟

هههههههههههه
عينك سرك ، القصة ما محتاجة لي متر

القصة محتاجة قوة قلب و إرادة حرة

و حتسمع بي قريب عملتها

و البانر ماني خايف منو مادام برضو بيقروهو الأعضاء فقط

ثم لك التحايا و الأمنيات الطيبات

أحمد طه · 04-08-2013, 08:13 PM

اقتباس:

المشاركة الأصلية كتبت بواسطة جيجي

هههههههه
ماتوسعها شوية يا شيخنا

إنتي قايلة المقاس دا جبتو ساكت ؟
أكتر من مية و خمسين بتمرق من صفة القصيرة و تدخل تخوم صفة المتوسطة ، و أقل من 145 بتمرق من صفة القصيرة و تدخل تخوم صفة ( البعيوة )

رمضان كريم و كل عام و أنتم بخير

زول الله · 05-08-2013, 05:47 PM

اقتباس:

المشاركة الأصلية كتبت بواسطة أحمد طه

ملحوظة / الكلام دا أنا كتبتو في (خاص بالأعضاء) لأنو المدام مرّات بتجي تتشمّر و تشوف أنا قعد اكتب شنو ، و هنا ما عندها طريقة لأنو ما عندها باسويردgap

ههههههههههههههه
طيب كدي يوم ادقس وخلي كمبيوترك فاتح وسودانيات وش
تلقاها داخلة وبالباب الكبير كمان

غايتو للضمان اعمل تغيير للإسم من هسه

اقول قولي هذا واستغفر الله لي.........................

عبد العظيم السعيد · 05-08-2013, 07:29 PM

اقتباس:

المشاركة الأصلية كتبت بواسطة أحمد طه

- أها عامل كيف مع المرة الجديدة ؟
- يا زوووول ... علي الطلاق لقيتلك الحجاج دا مافي أنجض منو ! ، أتاري أنا كنت مضيع زمني ساكت !!!

gap

قالك كدي .. ؟
زولك ما رقد قفا ..
يا ود طه علي الطلاق شهيتنا قهوة ابو عرب دي وناسا ..
اسال الله يلمنا معاك تحت ضل نيما ..
تقبل الله صيامك وعيدك مبارك مقدما ..

أحمد طه · 05-08-2013, 11:10 PM

اقتباس:

المشاركة الأصلية كتبت بواسطة زول الله

ههههههههههههههه
طيب كدي يوم ادقس وخلي كمبيوترك فاتح وسودانيات وش
تلقاها داخلة وبالباب الكبير كمان

غايتو للضمان اعمل تغيير للإسم من هسه

اقول قولي هذا واستغفر الله لي.........................

هو أنا بدقس ليها ؟!
و هي ذاتا ربنا اليومين دي شدها بي قناة اسمها فتافيت ، وانا خليت ليها التلفزيون تب

كفاية علي الراديو و اللابتوب

عيدكم مبارك (مقدماً)

أحمد طه · 05-08-2013, 11:28 PM

اقتباس:

المشاركة الأصلية كتبت بواسطة عبد العظيم السعيد

قالك كدي .. ؟
زولك ما رقد قفا ..
يا ود طه علي الطلاق شهيتنا قهوة ابو عرب دي وناسا ..
اسال الله يلمنا معاك تحت ضل نيما ..
تقبل الله صيامك وعيدك مبارك مقدما ..

يا ريت والله يا عظمة تاخدلك خفسة علي البلد نتلاقى فيها ، الونسة المباشرة ما زي ونسة الكيبوردات دي ، و شاي قهوة أبو عرب المنعنع يرد الروح

تعال قص البلد و ارجع -- تعال ادي الغبش طله
بقالا الليل غتي و مقنع -- سترتك يا صباح الله

مودتي التي تعلم

عبد العظيم السعيد · 06-08-2013, 02:51 AM

اقتباس:

المشاركة الأصلية كتبت بواسطة أحمد طه

تعال قص البلد و ارجع -- تعال ادي الغبش طله
بقالا الليل غتي و مقنع -- سترتك يا صباح الله

اقتباس:

المشاركة الأصلية كتبت بواسطة عبد العظيم السعيد

يا ود طه علي الطلاق شهيتنا قهوة ابو عرب دي وناسا ..
اسال الله يلمنا معاك تحت ضل نيما ..

عارف يا ابو حميد ..
بعد رديت لك رقدت وسرحت .. لقيت نفسي ملخبت بين قهوة ابو عرب وابزيد ..
لما قريت حكايتك بالي راح لي قهوة ابزيد ام نيم الفي السوق الفوق ..
شفت الحال العلينا ..
عشان الطوفيش دا كان تقولي ..
"اجيكن ماني زاير .. اريت رزقا يغرب سيدو طاير.. يسوقني الشوق "
نان هو داب شوق .. !!

04-08-2013, 11:51 AM	#[1]
أحمد طه :: كــاتب نشــط::	ود أب ضرس نفعتو النصيحة ! ود أب ضرس دا صاحبي ، منصوري ظريف يسكن ضواحي كريمة ، حلو اللسان و حسن الهندام و يعمل في مجال السمسرة . تزوج امرأتين و طلّقهما قبل إكمال عام مع كلّ واحدة منهما . قبل شهور و نحن نشرب الشاي في قهوة أبو عرب في السوق التحت بكريمة قال لي : ناس فلان ديل عندهم بنية سمحة خلاص ، و حديسا ينقط عسل بس مشكلتا قصيرة شوية ! باقيلك شنو ؟ فقلت له مازحاً إن الحجاج بن يوسف قال (من تزوج امرأة قصيرة فوجدها على غير ما يحب فعليَّ صداقها) فقال : كان كدي ياني المعرِّسا ! قلت له : يا زول دا راي الحجاج ، ما رايي ما تقوم تعرس بت الناس و تجي تطلّقا و ترمي اللوم فوقي ! قال : يا زول انا أخدت بي كلام الحجاج تب ! ثم تزوجها و سافر بها إلى المكابراب حيث تقيم أسرته و مكث بها أشهراً هناك ثم عاد إلى كريمة حيث قابلته قبل يومين و أنا متوجس من أن يكون قد طلقها ... - أها عامل كيف مع المرة الجديدة ؟ - يا زوووول ... علي الطلاق لقيتلك الحجاج دا مافي أنجض منو ! ، أتاري أنا كنت مضيع زمني ساكت !!! المشكلة الآن هي أنني أصبحت أفكر بجدية في تطبيق كلام الحجاج ، لا سيما بعدما أفضى لي على ود أب ضرس بما لا أستطيع نشره ههنا ، كما أن زوجتي على النقيض تماماً مما ذكره الحجاج ! ملحوظة / الكلام دا أنا كتبتو في (خاص بالأعضاء) لأنو المدام مرّات بتجي تتشمّر و تشوف أنا قعد اكتب شنو ، و هنا ما عندها طريقة لأنو ما عندها باسويردgap
أحمد طه :: كــاتب نشــط::

04-08-2013, 02:49 PM	#[2]
اشرف السر :: كــاتب نشــط::	هههههههههه... وكما قيل: القصير يا حكمة.. ويا فتنة...
اشرف السر :: كــاتب نشــط::	التوقيع:

04-08-2013, 07:27 PM	#[6]
عكــود Administrator	سلام يا أحمد، رايك شنو أنا البوست ده أرفعو بانر، والما يشتري يتفرّج. الحجاج وود اب ضرس، جابو خبر والله! المعنى يعني الزول يشيل مترو ويقع السوق ... وكدي؟
عكــود Administrator	التوقيع: ما زاد النزل من دمع عن سرسار .. وما زال سقف الحُزُن محقون؛ لا كبّت سباليقو .. ولا اتقدّت ضلاّلة الوجع من جوّه، واتفشّت سماواتو.