كان الوكت زالف عصر
والناس جمعيهم أجمعين
متيقنين
وصامدين
متحزمين
وملزمين
ده الحق مهما الليل يطول
ده الحق لابد ينتصر
والبينا بين الحق
(فضيلة)
قول
(عظيمة)
ياخ بينا بين الحق
جميلة
بنية الخال بت خميس
بينا بين الحق
جليلة
المربية
المدرسة
العظيمة
لكنو كم سنوات
مشوا
وبينا كل ما شمس
تشرق
بين ينبت كم جميلة
ياخ
عفواً
كم جليلة
وكم خميس
كم مغارب وانتظار
يات محاكم
يات درادر
يات عساكر
يات محاكم
يا جليلة
ياخ أهلاً
طلع الصبح علينا
من ثنيات الغياب
جئتي شرفتي المدينة
مرحباً يا بت رجال
أهلاً وسهلاً يا جليلة
اتفضلي جاي
نعملك شاي
دوبيت ونشيد
لكن الإيد
جواكي نشيد
إتفضلي هاك
أقري الأوطان
قالوا عميلة
وقلنا ابيت
دي أصيلة وست ستات
دي جليلة
ومن زمناً مافيش
يا بت دوغريية وحبوبة
يا بت حبوبة ودوغرية
اتفضلي هاك
هاكي الأشواق
الأحزان
هاكي الاتراح
وبكانا الحار
وفرحنا الحار
جاييك مندلي وبي نارو
اتفضلي وين ما شبيت
اتفضلي جاي
|
