المرة التمام بتمسك الراجل الكعب

[imported_رأفت ميلاد]

ده كلام قالتو لى حجة راجلا الله يرحمو كان راجل كعب والله

السؤال وخلينا فى نسوانا السودانيات .. هل بموت فيهن الأبداع بعد الزواج .. حياتن الأجتماعية بتدبل وأنتاجهن الأدبى والعلمى بيندثر ورا الراجل وتربية العيال

ده غلط ولّ صاح


البديرى وجماعتو يمتنعون .. ما ناقصين أحباط

[النور يوسف محمد]

المشاركة الأصلية كتبت بواسطة رأفت ميلاد

ده كلام قالتو لى حجة راجلا الله يرحمو كان راجل كعب والله
السؤال وخلينا فى نسوانا السودانيات .. هل بموت فيهن الأبداع بعد الزواج .. حياتن الأجتماعية بتدبل وأنتاجهن الأدبى والعلمى بيندثر ورا الراجل وتربية العيال

ده غلط ولّ صاح

البديرى وجماعتو يمتنعون .. ما ناقصين أحباط

بسم الله الرحمن الرحيم

يا ريس
يسعد مساك ..

ياخ لو ما تغيرت يبقى مافى فايده
مش من طرف المرأة وبس ، ياخ الراجل زاتو إلزمو تغيير ..
الحياة الجديدة هى نتاج إلتقاء (لإهتمامات ) أكثر من شخص ، ودخول لعوامل لابدّ من وضعها فى الإعتبار ..

عوامل الإبداع عند كل طرف يقلل من تمددها فسحة الزمن المتاح ..
والنجاح فى إستمراره ( أى الإبداع ) سيكون خصماً على تلاقح ( الإهتمامات ) المشتركة و تبسيط للأمور الحياتية التى طرأت ..

هناك بوست جميل للأخت مواهب يناقش هذه الفرضية فى الرابط أدناه

لماذا تتغير شخصية المرأة السودانية بعد الزواج

ولنا عودة ..

[imported_رأفت ميلاد]

المشاركة الأصلية كتبت بواسطة النور يوسف محمد

بسم الله الرحمن الرحيم

يا ريس
يسعد مساك ..

ياخ لو ما تغيرت يبقى مافى فايده
مش من طرف المرأة وبس ، ياخ الراجل زاتو إلزمو تغيير ..
الحياة الجديدة هى نتاج إلتقاء (لإهتمامات ) أكثر من شخص ، ودخول لعوامل لابدّ من وضعها فى الإعتبار ..

عوامل الإبداع عند كل طرف يقلل من تمددها فسحة الزمن المتاح ..
والنجاح فى إستمراره ( أى الإبداع ) سيكون خصماً على تلاقح ( الإهتمامات ) المشتركة و تبسيط للأمور الحياتية التى طرأت ..

هناك بوست جميل للأخت مواهب يناقش هذه الفرضية فى الرابط أدناه

لماذا تتغير شخصية المرأة السودانية بعد الزواج

ولنا عودة ..

سلامات يا جنابو
ياخ أولاّ شكراً للهدية القيمة دى (بوست مواهب) ما عارف ما شفتو ولّ نسيتو ..

أرجع لكلامك قبال ما أرجع لكلام مواهب الأقرب لى كلامى
طبعاً قريت مداخلات البوست كلها قبال ما أبدأ معاك هنا .. بى ونسة حميمة أرجع ليك لذكرى الخالة البديت بيها البوست .. كانت مهندمة وذات منزل مرتب وصوت يصدح بجميل الغناء .. كل ذلك مسجون داخل جدران فى أنتظار الزوج بكل صبر الذى يطلق أندادة عليه لقب (المراهق)

حالتها لم تكن تسلط الرجل الشرقى الذكورى كما تطرقت له مواهب .. بل كانت تعتبر نفسها فى رسالة مكتوبة عليها وهى عدم أنهيار عش زواجها ومسك الراجل الكعب بتعبيرها

التغيير الذى أعنيه داخل المرأة وليس عوامل خارجية (كابتة) .. وهذا بعيداً على التغيير الطبيعى فى الأسرة الذى تطرقت إليه أنت وهو شح فى العطاء وليس دفنه كأنه لم يكن

المشاركة الأصلية كتبت بواسطة مواهب

هل تختلف شخصية الفتاة بعـد الزواج

ربما لم يخطر مثل هذا التساؤل على بال الكثيرين ؟ حتى إذا خطر على بالهم لا يعيرونه اهتماماً ويمرون عليه مرور الكرام ، بل قد يذهب تفكيرهم إلى التأمل في مظهرها الخارجي ، ويديها وأرجلها المخضبة بالحناء، وارتدائها للثوب بديلاً لملابس الفتاة قبل الزواج.

ولكن هناك وجه آخر لتغير الفتاة بعد الزواج قد يكون تغيراً سلبياً أو ايجابياً ، دعونا نركز على الجانب السلبي من التغير ونحاول إدارة حوار جاد حول هذا الأمر لنشخص أسباب ومئآلات هذا التغير السلبي .
نجد ان شخصية كثير من الفتيات اللائي كن نابضات بالحركة والتميز والحضور والألق قد ذبلت أو تكاد بعد فترة وجيزة من الزواج ، وتتبدل هذه الشخصية لتحمل في مظهرها شخصية امرأة تقليدية استبدلت طموحاتها الكبيرة وتلاشت حتى انحصرت في رعاية زوجها وتربية أبنائها فقط وبالرغم من أن هذين الواجبين هما مقدسان ويعتبران عماد الاسرة السودانية ولكن هذا لا يعني أن تتخلى المرأة وتضع جانباً باقي طموحاتها التي كانت تحلم بها عندما كانت فتاة يافعة وطالبة مجتهدة لتنال أعلى الشهادات الأكاديمية وتعلقها أخيراً على جدار منزلها هذا اذا سمح لها بذلك.؟؟

من يكون السبب في هذا التحول الدراماتيكي للفتاة بعد الزوج ، هل يمكن ان نلقى اللوم على الزوج ، أم عليها هي ؟ أم كانت طموحاتها عندما كانت فتاة هي للفت انتباه الرجال تجاهها كشرك تصطاد به الشاب المقبل على الزواج وتعطيه صورة زاهية عن شخصيتها ، وبعد الفوز به ترجع لتراث وثقافة حبوباتها ( جداتها ) القنوعات، وتعلن أن طموحاتها السابقة كانت حدودها تقف عند جدار الرجل القوي .. .نعم الرجل الشرقي الذي يحب ان يعيش في بيئة ذكورية لا وجود للمرأة ذات الطموح في حياته بل يمسخ شخصيتها ويذوبها في شخصيته تتحدث وتصمت بإرادته ، وتنوم وتصحا أيضاً بأوامره .. وهذا يقودنا الى تساؤل مهم ، هل كل الرجال يتعاملون مع المرأة بهذا المنطق ، أم انسلخ بعضهم عن طباع أجدادهم الذين أورثوهم عبارة المرأة كان فأس ما بتقطع الرأس و لا يعتمد عليها ، أم هناك من الرجال ما يدعي أمام الآخرين بأنه مثقف ومتعلم وينظر للمرأة بأنها شريكة حياته ومتساوية معه ، ولكنه عندما يعود للبيت يسترجع أفكار وموروثات أجداده وبيئته الذكورية ..
أم هناك من الرجال كما أشار الأديب الكبير الطيب صالح في كتابه موسم الهجرة إلى الشمال إلى اثنين من شخوص الرواية يتحدثان عن البطلة حسنة بت محمود وكيف أن زواجها من مصطفى سعيد قد أثر على شخصيتها إيجابا ( ... كل النساء يتغيرن بعد الزواج ... ولكنها تغيرت بشكل خاص ... أصبحت .. أصبحت كنساء المدن )
فهل هذه الفرضيه صحيحة عن تأثير الرجل على شخصية المرأة فى
تفكيرها وكلامها وتفاعلها مع الناس حتى وان كانت تفوقه علما وثقافة فهل هذه الصورة واقعية وهل لشخصية الرجل السوداني هذه السطوة التي يزعمون.

راجع لى كلام مواهب عبرك بأستفاضة .. بس وراى مشوار والحجة فوق راسى .. حكم القوى على الضعيف

[imported_رأفت ميلاد]

المشاركة الأصلية كتبت بواسطة رأفت ميلاد

[B][SIZE="5"][COLOR="Navy"]
راجع لى كلام مواهب عبرك بأستفاضة .. بس وراى مشوار والحجة فوق راسى .. حكم القوى على الضعيف

المشاركة الأصلية كتبت بواسطة مواهب

عمو رأفت لك التحية وكل الوداد .....
أولاً العنوان ما قدرت اربطو بفرضية البوست , أو فى حلقة مفقودة حتى تكتمل الصورة ......

تعجبينى يا مواهب وفرتى علىّ الكثير
أفتراض البوست بتاعك بفكرة أنثوية ولكن هنا أنا بفكر ذكورى مع بعض التقارب .. زى ما تقولى أنا هنا أسقطت فكرة الجندرة والتسلط الذكورى طبعاً بعدم أنكارها .. مركز على ألقاء اللوم على المرأة نفسها

إذا رحعت لمقاك بلقى فى هناك التوافق فى مضمون تساؤلك (هل يمكن ان نلقى اللوم على الزوج ، أم عليها هي ؟) .. أنا أميل لرمى اللوم عليها .. فرضية حسنة بنت محمود لا يتركز فى زوجها فقط .. ولكن قابليتها هى للتغيير لا يمكن أهمالها .. هو كان فرصة فى مجتمع محدود الآفاق


برجع لمداخلتك كاملة ولا أريد تخطى المداخلات التى تشعبت فيها الفكرة يطريقة أحبها للوصول الى صفاء الذهن وأنتقاد الذات وتلاقح أوجه النظر


البديرى أذهلنى زيك واحد .. الله يستر بس ساكت

[imported_مرافي]

المشاركة الأصلية كتبت بواسطة رأفت ميلاد

[B][SIZE="5"][COLOR="Navy
راجع .. بس وراى مشوار والحجة فوق راسى .. حكم القوى على الضعيف

المرا التمام بتمسك الراجل الكعب..

[imported_أبو جعفر]

المشاركة الأصلية كتبت بواسطة رأفت ميلاد
ده كلام قالتو لى حجة راجلا الله يرحمو كان راجل كعب والله

السؤال وخلينا فى نسوانا السودانيات .. هل بموت فيهن الأبداع بعد الزواج .. حياتن الأجتماعية بتدبل وأنتاجهن الأدبى والعلمى بيندثر ورا الراجل وتربية العيال

ده غلط ولّ صاح

السلام عليكم رأفت

تعرف يا مدير المرأة السودانية دي اتعرضت بسبب الثراء الذي تسبب فيه ارتفاع أثمان القطن عالمياً - في الخمسينات - لأكبر مهدد لوجودها .. فقد بدأ توافد كثيف من أثيوبيا وغرب إفريقيا .. وهنا كان على المرأة السودانية - كما السعودية اليوم - أن تكون سوبر استار بالنسبة للرجل السوداني .. فلا تظهر نفسها لغيره .. وتتقبل صعوبته وتخلص له وإن خانها... وإلا فالبديل جاهز.. والإنجليز ما قصروا في فتح البلد.

[imported_حافظ حسين]

المشاركة الأصلية كتبت بواسطة أبو جعفر

السلام عليكم رأفت

تعرف يا مدير المرأة السودانية دي اتعرضت بسبب الثراء الذي تسبب فيه ارتفاع أثمان القطن عالمياً - في الخمسينات - لأكبر مهدد لوجودها .. فقد بدأ توافد كثيف من أثيوبيا وغرب إفريقيا .. وهنا كان على المرأة السودانية - كما السعودية اليوم - أن تكون سوبر استار بالنسبة للرجل السوداني .. فلا تظهر نفسها لغيره .. وتتقبل صعوبته وتخلص له وإن خانها... وإلا فالبديل جاهز.. والإنجليز ما قصروا في فتح البلد.

ابو جعفر سلام
و الله ما تقول مستقصدك لكن صدقني النقاش معاك مثمر و ممتع بالرغم من انك بتكيل لي ... و المتعة في الكيل يا عمك
اولاً: ما في حاجة اسمها مرأة سودانية انما في نساء سودانيات ...
يعني مرة امدرمان المقعدة البتطلق اسماء علي التياب بالتأكيد مختلفة خلقة, اخلاق, تفكير, نمط حياة عن مرة الطفيلية الجابوها من البلد البتقول (يا عفاف شغلي لي الدقاقة), الدقاقة دي علي وزن الغسالة و تعني السحانة, امراة الوسط مختلفة عن الدارفورية البتلبس التوب باليمين,
الاختلاف ما في يمنية او يسارية لبس التوب و إنما اختلاف في ركايز الحياة .... و الاختلافات جوهرية و لا تسمح بالذوبان اقلها في القريب العاجل....
ثانياً: في خطأ قاتل واقعين فيه معظم المثقفين ما عارف عن قصد أو جهل و انت هنا وقعت فيه ,انو ارتفاع اسعار القطن جابت لقاط من غرب افريقيا ... و المثقفين بضيفوا للقصة دي شوية توابل انو ناس غرب افريقيا السكنوا الكنابي و لقطوا القطن كانوا ماشين الحج و اها لقوا السودان جميل و قالوا مالوا ما نقعد و قعدوا ... متناسيين ان الغرب أفريقي الماشي الحج قطع شك بيكون زول ثري جداً في بلده بدليل انه ماشي الحج من استطاع اليه سبيلا داك, و ما اظن يبدل وضعه الهناك بالقطن فقع و المسكين اترقع.....
عشان كدا أحب اقول ليك سكان الكنابي ديل غالبيتهم ناس دارفور و كردفان بس ممكن تكون في قبايل عندها امتدادات في غرب افريقيا...... انت عارف المثقفين بيقولوا الكلام دا ليه؟
بيقولوها عشان يخلقوا توازن لأنفسهم عندما يحاصروا ذاتياً بالحياة الغير آدمية التي يعيشها سكان الكنابو (لا كهرباء لا موية لا اي حاجة).... بمنتهي الانانية و عدم الانسانية بنفوا عنهم الجنسية السودانية و بيقولوا عنهم من غرب افريقيا....
ثالثاً: المهدد لمرة الجزيرة أصلاً ما لقاط القطن و لا قلاب الكبكبي ,
المهدد ليها يا أبو جعفر ثراء الفقير المفاجئ و دا كلامه برا ....
بعدين هو ذاته الفقير الثرئ او الفقير الذي يملك مال دا, أصلاً ما بتزوج من نسوان الكنابو لكن ممكن يقيم معاهم علاقة جنسية غير مكلفة إقتصادية
و يجوا أهله يقولوا ليك (و الله فلان محترم عنده ولد في الكنبو و الله قاعد يصرف عليه و في كل عيد بودي ليه كسويته.... شفت الاحترام دا كيف؟)... يعني الثري المخلوع دا ما بتزوج من الكنابو و حتي لو حصل ذلك زوجته ما اظن تتواضع لدرجة الغيرة من خادم و خاصة في وعيها مفهوم الآمة و السرية .... المهدد لمرة الجزيرة ثراء زوجها البكرة بتزوج بت ود اللمام العمرها 14 سنة, أو مرة المرحوم الزين العندها بطنة واحدة و كرعينها سمحات ......

رافت قلت لي النسوان السودانيات مالهن
و ثم ازيك يا خي و مشتاقين و كدا

[imported_زول الله]

المشاركة الأصلية كتبت بواسطة رأفت ميلاد

ده كلام قالتو لى حجة راجلا الله يرحمو كان راجل كعب والله
السؤال وخلينا فى نسوانا السودانيات .. هل بموت فيهن الأبداع بعد الزواج .. حياتن الأجتماعية بتدبل وأنتاجهن الأدبى والعلمى بيندثر ورا الراجل وتربية العيال
ده غلط ولّ صاح
البديرى وجماعتو يمتنعون .. ما ناقصين أحباط

صباحك اخدر يامقدس
اول هام ماتفرز لي الكيمان
العرس ب يلم الراجل مع المرا في كوم وااحد سواسية ك اسنان المشط وكدا
يلمهم في شنو؟
في حتة تراجع الانتاج الادبي او تزبزبه مابين خطين
الاول خط الحياة الجديدة البتختلف عن كل التوقعات او الحيوات قبلها
الثاني خط الرجعة الـ كلما تحاول تمسك فيهو تلقاك بتحتل شوية شوية
بين دا وداك يبقى ليك الميزان الذاتي زي خط هيثرو الماعارفين ليهو بايع ولا شاري
يعني ياعمك الاثنين شبكاتهم ب تطش ويفقدو شيء من القديم وهذا ليس تعميماً
ان شاءالله مانكون طلعنا من "جماعتو" وكدا

المشاركة الأصلية كتبت بواسطة حافظ حسين

ابو جعفر سلام
و الله ما تقول مستقصدك لكن صدقني النقاش معاك مثمر و ممتع بالرغم من انك بتكيل لي ... و المتعة في الكيل يا عمك
اولاً: ما في حاجة اسمها مرأة سودانية انما في نساء سودانيات ...
يعني مرة امدرمان المقعدة البتطلق اسماء علي التياب بالتأكيد مختلفة خلقة, اخلاق, تفكير, نمط حياة عن مرة الطفيلية الجابوها من البلد البتقول (يا عفاف شغلي لي الدقاقة), الدقاقة دي علي وزن الغسالة و تعني السحانة, امراة الوسط مختلفة عن الدارفورية البتلبس التوب باليمين,
الاختلاف ما في يمنية او يسارية لبس التوب و إنما اختلاف في ركايز الحياة .... و الاختلافات جوهرية و لا تسمح بالذوبان اقلها في القريب العاجل....
ثانياً: في خطأ قاتل واقعين فيه معظم المثقفين ما عارف عن قصد أو جهل و انت هنا وقعت فيه ,انو ارتفاع اسعار القطن جابت لقاط من غرب افريقيا ... و المثقفين بضيفوا للقصة دي شوية توابل انو ناس غرب افريقيا السكنوا الكنابي و لقطوا القطن كانوا ماشين الحج و اها لقوا السودان جميل و قالوا مالوا ما نقعد و قعدوا ... متناسيين ان الغرب أفريقي الماشي الحج قطع شك بيكون زول ثري جداً في بلده بدليل انه ماشي الحج من استطاع اليه سبيلا داك, و ما اظن يبدل وضعه الهناك بالقطن فقع و المسكين اترقع.....
عشان كدا أحب اقول ليك سكان الكنابي ديل غالبيتهم ناس دارفور و كردفان بس ممكن تكون في قبايل عندها امتدادات في غرب افريقيا...... انت عارف المثقفين بيقولوا الكلام دا ليه؟
بيقولوها عشان يخلقوا توازن لأنفسهم عندما يحاصروا ذاتياً بالحياة الغير آدمية التي يعيشها سكان الكنابو (لا كهرباء لا موية لا اي حاجة).... بمنتهي الانانية و عدم الانسانية بنفوا عنهم الجنسية السودانية و بيقولوا عنهم من غرب افريقيا....
ثالثاً: المهدد لمرة الجزيرة أصلاً ما لقاط القطن و لا قلاب الكبكبي ,
المهدد ليها يا أبو جعفر ثراء الفقير المفاجئ و دا كلامه برا ....
بعدين هو ذاته الفقير الثرئ او الفقير الذي يملك مال دا, أصلاً ما بتزوج من نسوان الكنابو لكن ممكن يقيم معاهم علاقة جنسية غير مكلفة إقتصادية
و يجوا أهله يقولوا ليك (و الله فلان محترم عنده ولد في الكنبو و الله قاعد يصرف عليه و في كل عيد بودي ليه كسويته.... شفت الاحترام دا كيف؟)... يعني الثري المخلوع دا ما بتزوج من الكنابو و حتي لو حصل ذلك زوجته ما اظن تتواضع لدرجة الغيرة من خادم و خاصة في وعيها مفهوم الآمة و السرية .... المهدد لمرة الجزيرة ثراء زوجها البكرة بتزوج بت ود اللمام العمرها 14 سنة, أو مرة المرحوم الزين العندها بطنة واحدة و كرعينها سمحات ......

رافت قلت لي النسوان السودانيات مالهن
و ثم ازيك يا خي و مشتاقين و كدا

حافظ حسين هاو ااريوك وعساك فاين ياخ
نسوان امدرمان "المقعدات" ديل اصولهن من خارجها رغم كرعينهن السمحات
-
ثم ليه اختزلت النساء السودانيات في "امرأة الجزيرة" تحديداً؟







اقول قولي هذا واستغفر الله لي...............

[ناصر يوسف]

رأفت كيفنك والعيال وأهم ،،، ليكم شوق وتحايا


أم رحيق مثلاً زولة فنانة تشكيلية ( نحاته وبرضو بترسم وتلون وكده )

من قبل ما ـزوجها توقفت عن ممارسة فنها ،،، وبقت زولة أفندية مدرسة فنون ولا زالت تعلم النشئ الجديد ،،،

قبال زواجنا كان في حديث بيناتنا بإني ما عاوز قدومي عند حضرتها ومشاركتها حياتها يكون خصماً عليها كفنانة ،،، يعني عاوزه تواصل في مسيرتها ،،،

الأزاميل والفرش والألوان وووو ... إلخ ،،، كلو جبتو ليها ،،، والمحصلة في ممسارتها لفنها ،،، صِفر %

أنا كنت ممثل ومخرج (إذاعة / تلفزيون / مسرح ) ،،، الآن منتجي الفني في ذات مجالي ،، يساوي ،،، صفر %


طيب نجي ببساطه نناقش المسألة دي ،،، الحصل شنو ؟؟؟

بالنسبة لي أنا يمكن في ظروف موضوعية خلتني أتوقف عن التمثيل نهائياً ،، وعن الإخراج جزئياً بدرجة كبيرة للغاية ،،،
منها بعدي عن وسط العاصمة وعملي وسكنتي في الأكراف الشمالية للريف الشمالي لمدينة بحري ،،،
ومنها برضو إقتناعي الكامل بإنو مافي تمثيل في السودان لإنعدام الإنتاج الحقيقي وبالتالي ما عاوز أكذِب علي ربنا وعلي الشعب السودان ولا علي نفسي في مجال مماسرة التمثيل ،،،
وبالنسبة للإخراج ،،، كانت في معوقات كتيرة ،،، أخرج شنو وعشان شنو ؟؟؟ يعني أصرف علي عمل ما ،،، عشان أبيعو لمنو لأجل التواصل ،،، لكن أهو الزول بحاول مرة مرة كده يصرف ليه قريشات لأجل إنو يقدم للناس ما يفيد عبر اليوتيوب ،،

بالنسبة للزولة الفنانة الراقية السيدة الفُضلي أم رحيق ،،،،

زي ما ذكرت فوق بإنو إهتمامها بالتدريس أخدها جزئياً من مماسرة فنها إنتاجاً ،،، والشئ التاني علي حسب قولها هي بالطبع ــ التلاتة بنيات ديل نشفَن ريقها وشالن بقية الوكِت الفاضل والكان ممكن تستغلو في تنفيذ أو ممارسة فنها الجميل ،،، والشئ التالت يكمن في الجو العام البقي أمسخ من مسيخ ده يا رأفت ،،،

وبرضو ربما يكون عندي بعض التأثير السلبي علي عدم ممارستها لفنها ،،، بقول ــ رُبما ـــ والله أعلم

آسف علي الإطالة لكني قصدتَ أجيب ليك نموزج من داخل بيتي ،،، وربنا يقدرنا لو هي أم رحيق ولا أنا بإننا نقدر نقدم للناس ما يفيدهم من فن راقي يرقي لمستوي أن يُشاهد

[Osman Hamad]

المشاركة الأصلية كتبت بواسطة ناصر يوسف

رأفت كيفنك والعيال وأهم ،،، ليكم شوق وتحايا


أم رحيق مثلاً زولة فنانة تشكيلية ( نحاته وبرضو بترسم وتلون وكده )

من قبل ما ـزوجها توقفت عن ممارسة فنها ،،، وبقت زولة أفندية مدرسة فنون ولا زالت تعلم النشئ الجديد ،،،

قبال زواجنا كان في حديث بيناتنا بإني ما عاوز قدومي عند حضرتها ومشاركتها حياتها يكون خصماً عليها كفنانة ،،، يعني عاوزه تواصل في مسيرتها ،،،

الأزاميل والفرش والألوان وووو ... إلخ ،،، كلو جبتو ليها ،،، والمحصلة في ممسارتها لفنها ،،، صِفر %

أنا كنت ممثل ومخرج (إذاعة / تلفزيون / مسرح ) ،،، الآن منتجي الفني في ذات مجالي ،، يساوي ،،، صفر %


طيب نجي ببساطه نناقش المسألة دي ،،، الحصل شنو ؟؟؟

بالنسبة لي أنا يمكن في ظروف موضوعية خلتني أتوقف عن التمثيل نهائياً ،، وعن الإخراج جزئياً بدرجة كبيرة للغاية ،،،
منها بعدي عن وسط العاصمة وعملي وسكنتي في الأكراف الشمالية للريف الشمالي لمدينة بحري ،،،
ومنها برضو إقتناعي الكامل بإنو مافي تمثيل في السودان لإنعدام الإنتاج الحقيقي وبالتالي ما عاوز أكذِب علي ربنا وعلي الشعب السودان ولا علي نفسي في مجال مماسرة التمثيل ،،،
وبالنسبة للإخراج ،،، كانت في معوقات كتيرة ،،، أخرج شنو وعشان شنو ؟؟؟ يعني أصرف علي عمل ما ،،، عشان أبيعو لمنو لأجل التواصل ،،، لكن أهو الزول بحاول مرة مرة كده يصرف ليه قريشات لأجل إنو يقدم للناس ما يفيد عبر اليوتيوب ،،

بالنسبة للزولة الفنانة الراقية السيدة الفُضلي أم رحيق ،،،،

زي ما ذكرت فوق بإنو إهتمامها بالتدريس أخدها جزئياً من مماسرة فنها إنتاجاً ،،، والشئ التاني علي حسب قولها هي بالطبع ــ التلاتة بنيات ديل نشفَن ريقها وشالن بقية الوكِت الفاضل والكان ممكن تستغلو في تنفيذ أو ممارسة فنها الجميل ،،، والشئ التالت يكمن في الجو العام البقي أمسخ من مسيخ ده يا رأفت ،،،

وبرضو ربما يكون عندي بعض التأثير السلبي علي عدم ممارستها لفنها ،،، بقول ــ رُبما ـــ والله أعلم

آسف علي الإطالة لكني قصدتَ أجيب ليك نموزج من داخل بيتي ،،، وربنا يقدرنا لو هي أم رحيق ولا أنا بإننا نقدر نقدم للناس ما يفيدهم من فن راقي يرقي لمستوي أن يُشاهد

ناصر ياخى إنتَ مرات مرات كويس

[imported_ام التيمان]

يا رافت الابداع يعنى الحرية
وعندما تتزوج المرأة تموت الحرية
و يدفن معها الابداع

تحياتى

[imported_يحي عثمان عيسي]

خميسكم شطه
ويسعد ايامكم

اسماعيل حسن عليه رحمة الله قال
معذورة امها كان دستا
دي ترباية حبوبتا
القمر بوبا عليك تقيل

هذه الحبوبة لعبت دورا خطيرا جدا في التربية بشكل عام كان في غالبه سالبا بصورة مريعة بخاصة على النساء امهات وحبوبات المستقبل واستمر هذا الدور السالب يلقي بظلاله والتي ربما بدات تخف قليلا .
رسلوا لي امي ...وتاتي الام وتباشر الابنه حتي الولادة وتباشر المولود بعد ذلك وتستمر دورة التخلف ...كما قلنا ربما الان بدأ هذا الدور المباشر يخف قليلا أعني دور الحبوبة لكن مازالت مخيلة المرأة تختزن الكثير من الامور السالبة التي اودعتها الحبوبة .
رافت لك الود والتحايا

[imported_رأفت ميلاد]

المشاركة الأصلية كتبت بواسطة زول الله

صباحك اخدر يامقدس
اول هام ماتفرز لي الكيمان
العرس ب يلم الراجل مع المرا في كوم وااحد سواسية ك اسنان المشط وكدا
يلمهم في شنو؟
في حتة تراجع الانتاج الادبي او تزبزبه مابين خطين
الاول خط الحياة الجديدة البتختلف عن كل التوقعات او الحيوات قبلها
الثاني خط الرجعة الـ كلما تحاول تمسك فيهو تلقاك بتحتل شوية شوية
بين دا وداك يبقى ليك الميزان الذاتي زي خط هيثرو الماعارفين ليهو بايع ولا شاري
يعني ياعمك الاثنين شبكاتهم ب تطش ويفقدو شيء من القديم وهذا ليس تعميماً
ان شاءالله مانكون طلعنا من "جماعتو" وكدا



حافظ حسين هاو ااريوك وعساك فاين ياخ
نسوان امدرمان "المقعدات" ديل اصولهن من خارجها رغم كرعينهن السمحات
-
ثم ليه اختزلت النساء السودانيات في "امرأة الجزيرة" تحديداً؟







اقول قولي هذا واستغفر الله لي...............

سلامات يا زول الله
كلامك ما بعيد من كلام جنابو النور .. دى حقيقة ما أختلفنا .. لكن رغم المشاغل وغربة الغربة فضلت أنت فنان وهو فنان ربما قل العطاء

أتكلم عن تلك التى تصير باهتة وينعدم العطاء .. والتى تترك الشعر وتجرى وراء خطوط الموضة وفشخرة الدهب .. وتلك حسب معطياتها ..

ولا أقتنع بنظرية الرجل المتسلط خلف ذلك

[imported_رأفت ميلاد]

المشاركة الأصلية كتبت بواسطة حافظ حسين

ابو جعفر سلام
و الله ما تقول مستقصدك لكن صدقني النقاش معاك مثمر و ممتع بالرغم من انك بتكيل لي ... و المتعة في الكيل يا عمك
اولاً: ما في حاجة اسمها مرأة سودانية انما في نساء سودانيات ...
يعني مرة امدرمان المقعدة البتطلق اسماء علي التياب بالتأكيد مختلفة خلقة, اخلاق, تفكير, نمط حياة عن مرة الطفيلية الجابوها من البلد البتقول (يا عفاف شغلي لي الدقاقة), الدقاقة دي علي وزن الغسالة و تعني السحانة, امراة الوسط مختلفة عن الدارفورية البتلبس التوب باليمين,
الاختلاف ما في يمنية او يسارية لبس التوب و إنما اختلاف في ركايز الحياة .... و الاختلافات جوهرية و لا تسمح بالذوبان اقلها في القريب العاجل....
ثانياً: في خطأ قاتل واقعين فيه معظم المثقفين ما عارف عن قصد أو جهل و انت هنا وقعت فيه ,انو ارتفاع اسعار القطن جابت لقاط من غرب افريقيا ... و المثقفين بضيفوا للقصة دي شوية توابل انو ناس غرب افريقيا السكنوا الكنابي و لقطوا القطن كانوا ماشين الحج و اها لقوا السودان جميل و قالوا مالوا ما نقعد و قعدوا ... متناسيين ان الغرب أفريقي الماشي الحج قطع شك بيكون زول ثري جداً في بلده بدليل انه ماشي الحج من استطاع اليه سبيلا داك, و ما اظن يبدل وضعه الهناك بالقطن فقع و المسكين اترقع.....
عشان كدا أحب اقول ليك سكان الكنابي ديل غالبيتهم ناس دارفور و كردفان بس ممكن تكون في قبايل عندها امتدادات في غرب افريقيا...... انت عارف المثقفين بيقولوا الكلام دا ليه؟
بيقولوها عشان يخلقوا توازن لأنفسهم عندما يحاصروا ذاتياً بالحياة الغير آدمية التي يعيشها سكان الكنابو (لا كهرباء لا موية لا اي حاجة).... بمنتهي الانانية و عدم الانسانية بنفوا عنهم الجنسية السودانية و بيقولوا عنهم من غرب افريقيا....
ثالثاً: المهدد لمرة الجزيرة أصلاً ما لقاط القطن و لا قلاب الكبكبي ,
المهدد ليها يا أبو جعفر ثراء الفقير المفاجئ و دا كلامه برا ....
بعدين هو ذاته الفقير الثرئ او الفقير الذي يملك مال دا, أصلاً ما بتزوج من نسوان الكنابو لكن ممكن يقيم معاهم علاقة جنسية غير مكلفة إقتصادية
و يجوا أهله يقولوا ليك (و الله فلان محترم عنده ولد في الكنبو و الله قاعد يصرف عليه و في كل عيد بودي ليه كسويته.... شفت الاحترام دا كيف؟)... يعني الثري المخلوع دا ما بتزوج من الكنابو و حتي لو حصل ذلك زوجته ما اظن تتواضع لدرجة الغيرة من خادم و خاصة في وعيها مفهوم الآمة و السرية .... المهدد لمرة الجزيرة ثراء زوجها البكرة بتزوج بت ود اللمام العمرها 14 سنة, أو مرة المرحوم الزين العندها بطنة واحدة و كرعينها سمحات ......

رافت قلت لي النسوان السودانيات مالهن
و ثم ازيك يا خي و مشتاقين و كدا

سلامات يا حفوظى

كلامك ده ماهو فرضيات بل فى قلب الصميم .. بس ما بلغى نظرية أبو جعفر فى تاريخ تكوين (المرأة) السودانية وليس (النساء) السودانيات

فرضية المرأة السودانية هنا للمرأة التى تكونت ثقافياً يعكس صورة متكاملة عن المرأة عامة يعنى ما مصود (النوع) ..(ما تقيف هنا ومخك يودى ويجيب وتتحمرش واصل معاى باقى الكلام)

هذه المرأة ممكن تكون حلفاوية أو دارفورية أو من الكمبو .. حظيت على تعليمها وخرجت للحياة .. كادحة أو مترفهة أو زوجة متفرغة .. ممكن تكون فى نيالا أو أمدرمان .. تكون عرفت طريق تسميح رجلينا .. وزى ما قال ليك زول الله نسوان أمدرمان كتيرات منهن جن من كوستى وأم روابة والكلاكلات

كلهن بتوارثن ويتبادلن النظرية من البيئة المستقرين فيها .. فيصبحن شريحة واحدة .. هذا التكوين بالطبع لا يخضع للنوع فهو تكوين مجتمع .. كل التناقضات التى ذكرتها تساهم فى تكوين هذا المجتمع

قبال يومين قابلت أرترية حليوة كدة تتكلم معاى بلكنة سورية أو لبنانية لذيذة كده .. سألتها أن كانت عايشة فى بلاد الشام .. قالت لى (أنا جاية من السودان وأتعلمت العربى هناك .. هنا مقفولة مع التلفزيون والمسلسلات التركية المدبلجة)

طبعاً ما أقنعتك .. لكن عرفت أنا شايت وين

[imported_حافظ حسين]

المشاركة الأصلية كتبت بواسطة رأفت ميلاد

سلامات يا حفوظى

كلامك ده ماهو فرضيات بل فى قلب الصميم .. بس ما بلغى نظرية أبو جعفر فى تاريخ تكوين (المرأة) السودانية وليس (النساء) السودانيات

فرضية المرأة السودانية هنا للمرأة التى تكونت ثقافياً يعكس صورة متكاملة عن المرأة عامة يعنى ما مصود (النوع) ..(ما تقيف هنا ومخك يودى ويجيب وتتحمرش واصل معاى باقى الكلام)

هذه المرأة ممكن تكون حلفاوية أو دارفورية أو من الكمبو .. حظيت على تعليمها وخرجت للحياة .. كادحة أو مترفهة أو زوجة متفرغة .. ممكن تكون فى نيالا أو أمدرمان .. تكون عرفت طريق تسميح رجلينا .. وزى ما قال ليك زول الله نسوان أمدرمان كتيرات منهن جن من كوستى وأم روابة والكلاكلات

كلهن بتوارثن ويتبادلن النظرية من البيئة المستقرين فيها .. فيصبحن شريحة واحدة .. هذا التكوين بالطبع لا يخضع للنوع فهو تكوين مجتمع .. كل التناقضات التى ذكرتها تساهم فى تكوين هذا المجتمع

قبال يومين قابلت أرترية حليوة كدة تتكلم معاى بلكنة سورية أو لبنانية لذيذة كده .. سألتها أن كانت عايشة فى بلاد الشام .. قالت لى (أنا جاية من السودان وأتعلمت العربى هناك .. هنا مقفولة مع التلفزيون والمسلسلات التركية المدبلجة)

طبعاً ما أقنعتك .. لكن عرفت أنا شايت وين

نظرية ابو جعفر يا رأفت في مصطلح المرأة السودانية
المصطلح النجرنهن يساريات و يساريو الستينات و سار عليه
دون ان يرف لهم جفن التساؤل يمينيات و يمنيو التسعينات
انا بقول ما في حاجة إسمها مرأة سودانية لانو ما في حاجة اسمها
شعب سوداني بل شعوب السودان ... عليه لكل شعب من شعوب السودان إمرأته
و رحم الله جون قرنق كان واعي جداً لمثل هذه الأمور
أما بالنسبة لتكون المرأة الثقافي صدقني متفق معاك و بالخصوص دا
رديت رد مطول علي زول الله حول امراة الجزيرة ال أنا خاتيها نموزج
لكن لعن الله النت الكعب و المداخلة سربعت
عشان كدا يا رافت فيما يختص بالشطارة بقول ليك الشطارة بتختلف من مرأة سودانية ذات مكون ثقافي محددة من إمرأة أخري .... أديك مثال
عندي صحبي من ناس القيقر بحكي ان احد أعيان المدينة زول فاضل بالقوانين المحلية
مسلم زي الليل و ما بفوت صلاة التجار
كريم حد ما الكرم يقيف
متزوج اربعة نسوان و الحمد لله
مجتهد في تلييف كبده زي حلاتي كدا
بمشي بيوت الدعارة
و في الفترة ديك جات زولة قنبلة زي المهرة الطشمت معاكم و شالت شرف ابوها دم احمر و شرف زوجها مرمقت بيه التراب .... أها القنبلة اي زول داير يتفجر بيها.....
اها عمك شكله اتفجر مرات عددا
مرة راقد مع زوجته و جاه ابو كباس بدأ يقول:
أديلة فكي التكا .... أديلة فكي التكا اول
مرته صحته ليك قالت ليه ( يا فلان أوعي تجيب اسم شراميتك دي في بيتي)
و انقلبت بالاتجاه التاني و نامت
يلا قارن الحاجة دي بالنساء المدرجات في نسخة الحداثة و رد فعلهن كيف؟
أكثرهن قهراً ممكن تبك و تمشي تشتكي لأمها (بخوني يا ماما)
و لو الام حريفة تقول ليها (الخانك تخونيه)
و أكثرهن تمكناً اجارك الله
نمشي أكتر لنساء السودان ال أبو جعفر ختاهن نسخة واحدة و سماها المرأة السودانية... في كثير من مناطق دارفور الزولة لو بكت في انو زوجها اتزوج عليها او طلقها دا عيب ما بعده عيب .... قارن دي يا رأفت بمناطق تانية
كل الكلام دا يا كافر ما لانو نساء البقعة اكس كويسات و البقعة واي كعبات , لكن بوريك ان نساء البقعة اكس مختلفات عن نساء البقعة واي عشان ما بستحمل نسميهم المرأة السودانية