توقيعٌ على مَرقدِ حِمِّيد...

عادل عسوم · 04-06-2013, 05:43 PM

اللهم ارحم محمدالحسن سالم حِمِّيد واغفر له واجعل الجنة مثواه...
انك ياربي وليُّ ذلك والقادر عليه
...
كانت قصيدته (الجابرية) مولجه الى وجدان جيل كامل من أبناء منحنى النيل...
لن اكون مغاليا ان قلت بأن هذه القصيدة قد شكلت مساحة مقدرة من وجداني الشعري تذوقاً والقاءً ونظماً:

كان ضحوية ...
وكُنَا نسنِّد في المحروت
وفجأة يهّوي مَكبر صوت
قال : الريس مار بي فوقنا
من شغلتنا قلعنا عِروقنا
فكَينالُو حبل وآسوقنا
وإنماسكنا يطمّن روقنا
قمنا جميع الحلي مَرقنا ...
البيشوفنا.. يقول وآآ شوقنا
كان ضحوية ... وكانت عين شمس الله قوية
وكان الريس في عَربية ...
واقف طولو.. تحت شمسية
هللّنّالو ... هلّجنّالو ...لوّحنّالو بالطورية
فرَّ عبايتو.. وهزَّ عصايتو ...
وهزوا بنادقن الضابطية
صفقنالن.. صفقة قوية
زغردنالن ... يويا أيويا
هدّن عندنا خمسة دقائق
قدمنالو كتاب الله ...درقة وسيف ... تبروقة هدية
.. قـُـفّة تمودة .. وفاس دهبية
وكنا قبُل بيّتنَا النية ...
بين بتين علّينا اليافطة ...
اليافطة أم زيق الدمورية
وانعبينا هتافاً واحد
الجابرية تحيّي الثورة ...
دايرين بوسطة ومدرسة وسطى
الشفخانة وسوق منضبطة
قام الريس.. روّح باسم
وقام خاطبنا بنهج الثورة الصارم وحازم
أمّن.. لازم من شفخانة ومدرسة وسطي
والتعمير بالعون الذاتي
إلا البوسطة .. دي ينظر فيها
أما السوق ... السوق منضبطة
للتُجَار الأسعار واضحة
وللمستهلك باينة وواضحة ...
جاملتوهن تبقى الغلطة
وإنكفّينا
رفعنا إيدينا ...هزيناهن بالتأييد
لا تفريط في قوت الشعب ...
سحقاً سحقاً للرجعية
الجابرية ضراع الثورة ...
بالإنتاج حنبني بلدنا
كانوا في جيهة .. وإحنا في جيهة
هن ينهبّبّوا بالكابات ...
وما همّانا الصيف وعَرقَنا
فات الريس وإنفّرقنا
إنفرتقنا على الجابرية
كنا ببنضم وما صدّقّنا
بالجابرية تجيها البوسطة
الشفخانة ومدرسة وسطى
قلنا يا ريت لو وصلوا فطور
وإنحزّمنا ضبحنا التور
كُنا أقلا ضِمّننِا النور
أو يا ريت لو زدنا الصفقة ..
وعاش ويسقط ويويا أيييويا
كُنا أقلا ضِمنا الموية
كنا بننضم بي إيدينا ...
دا أحسن ريس مَّرّْ علينا
ومن الله خَلقنا وشفنا خِلقنا ...
دا أول ريس زاتو يجينا
وكونو يجينا
يقنّب بينا...
يشوف البينا .... كفاية علينا
آ الجابرية يجوكي الحُكَما
آ الجابرية تواصلي البرة
آ الجابرية ولادِك تقرا
نمشي الليلة نصاقر الرادي
نمشي الليلة نحضر النشرة
وكنا نرجِِّع في كلماتو
إلا في ستة من الجابرية ...
قالوا .. تعبكم خارم بارم
يذهب حاكم خلف الحاكم
والجابرية تظل في حالها ...
حِلّة حياتا تسُر الظالم
صُدفة تموت وتحَيا اطفالا
لا جلكوز لا تقرا رسالة
ولا .. راح يطلع منها عالم
ما بينصفكم إلا ضراعكم
عّبّوا ضراعكم يا رجّالة
وخَلّوا بصركم دغري وسالم
حُكم العسكر ما بينشكر
كلو درادر ... كلو مظالم
وما هو قدركن تَحيو همالة
مقصودين والقاصد فاهم
وقاطعناهن ...
حاربناهن..
تميناها البينا شتائم
حالتُن أحسن ناس في الحلة
إيدا نزيهة ... عقولا نبيهة
قلنا بَعرفوا ... وقلنا فواهم
يطلعوا فالصو.. وقٌطّاع رحَمة
عينة شماتة وخارم بارم
وإحنا القُصّر واثقين فيها
وقطّعناها معاهم جملة .. وقاطعناهم
صاروا في جيهة ... ونحن في جيهة
ومر اليوم ... الشهر ... الحول
والجابرية بلد في حالا
قواسي شيوخا ... مآسي أطفالا
عذابات ناسا
من القُرّاصة ولي قَرّاصا ...
... حلة تعافر ومقطوع راسا
عشرين كيلو من الجابرية ...
صِبية تساسق بي كراسا
آ الجابرية عذابك فينا ...
لاكي القرية.. ولاكي مدينة
وفد في وفد يقوم ويجينا
... دايرة دراسة وإجراءات
عون أمريكي وقرض ألماني وحاحاءات
وحد ما نشوفلنا مسعولين ...
مسعولين أو خواجات
نجري نلم قدحاتنا عليها ....
ترطن ترجع زي ما جات
الشفخانة وعايزة دراسة ...
مدرسة وسطى وإجراءات
ولما المطوحة طالت بينا
إنذكرنا العون الذاتي
إنحزمنا وقلنا برانا ... نبني نقوًم للشفخانة
طوبة في طوبة وقوّمناها
ويوما التمت .. جات السلطة ...
عربي وعجمي ومرة رطانة
الشفخانة دا ماهو بكانا
وهاك يا تلتلة هاك يا ورطة
وغصباً عنك يا الجابرية ...
وغصباً عنك يا أحوالا
وحُميّاتا وموت أطفالا
وحُمرة عينكن يا رجّالة
قوة انشكت بين النقطة
وفي الجابرية تحوم الشرطة
هووا كلاب الحلة وصنوا
ومن يوم داك ما شفنا السِتًة
وفد الحلة السافر جانا ...
قال إنأكد شاف الخرطة
ونحن بدل نبني الشفخانة ...
إنسرعنا بنينا النقطة
الشفخانة دا ماهو بكانا ...
وكانت غلطة انقلبت ورطة
إنفاهمتو مع المسعول
إنفاهمنا مع المسعول
وقال حا يقوم للشفخانة
أو يدفعلنا حق اطيانا
مع إنو النقطة وكت بُنيانا ...
قوَمتوها بلا زنزانة
وفي تقديرنا كلام معقول
كونو يقوَم لي الشفخانة
حاجة تضحك
محرقة هانة
إنتو تقيفوا مع المسعول
وألا الكنتو تقيفوا معانا
قلنا...
خفنا نفقِد الجاي ...
خفنا نفشّل باقي الخطة
هو فضل جاي ...
هي فضلت خطة
وانفرتقنا على الجابرية ....
وانعلقنا
تجينا البوسطة ومدرسة وسطى
والشفخانة قصاد النقطة
تجينا ... تجينا ... وما أنيقننا
ناس إنولدو ... وواحدين ماتوا
لما الريّس ودوشتو فاتوا
وبعد خراج أرواح وعذاب
فاتوا العسكر وجو الأحزاب ...
ونفس الوجع اتجدد تاني
ونفس الحلم الراح تحتاني
حتلناهو ... جمعنا رفاتو
نفس اليافطة في نفس الحتة
الجابرية تحيي الشعب
دايرين بوسطة ومدرسة وسطى
والشفخانة بديل النقطة
فينا انكلم شيخ الحلة
صنقع ...دنقر ... صلي وسلم
وكانوا كلاب الحلة يهووا
وقال كلمتنا تكون فد واحدي ...
شان ننقوى وما ننزلا
شان مشهادنا وعدل الحلة
نحن نفوّز شيخ البلة
وزاد هوهيو ... كلوب الحلة
وبعضنا عارض ... رده وفاوض
شيخ الحلة القام حمسنا ...
بلة الحمش الزول ما دلة
أول فاهم.. وقبلو ولدنا ...
وراح يحكملنا بشرع الله
هو .. هو ... هووا كلابنا
لما أستغرب شيخ الحلة
وإنفرقنا على الجابرية
إنفرقنا ويوم الليلة انجمعنا عموم الحلة
شيخ الحلة قرأ القرآن ...
صنو كلاب الحلة وهووا
وبلة إنقدم سمَّي وصلَّى ...
صنو شوية ... وهو هو هووا
قام وإنكلم ... عن ينكلم كان ينقسم
النسوان الجاي تتهامز
الصبيان الجاي تنغامز
وكان ينبسم ...
وكانو كلاب الحلة يهووا
شكَّر وشتَّم ... هو هو هووا
حلَّل وحرَّم ... هو هو هووا
هوَّد وسابنا ...
وفات ودانا الآخرة وجابنا
قاطعناهو وصوتو إنوطَّا
أصلاً واطي وتاني إنوطَّا
دايرن بوسطة ومدرسة وسطى ...
والشفخانة بديل النقطة
التموين وزيادة الحصة ....
كهربة موية وسوق منضبطة
بلة انبرع وقال ببنيهن ...
هو هو هووا كلابنا
واستغربنا قبل بالمرة
لامن نهتف ترسى كلابنا
لامن ينضم بلة يهووا
بلة انحمس وقال بسقينا ...
وبي إذن الله يضوى الحلة
هتف الشيخ وهتفنا وراهو :
لا تبديل لشرع الله ....
هو هو هو
لا ولاء لغير الله ......
طاء طاء طاء
عاش الفارس أمل الحلة
بلة الطاهر علي حسب الله
عاش الفارس أمل الحلة
بلة الطاهر علي حسب الله
بلة الطاهر علي حسب الله
كبَّر فينا وقام إندلي ...
ولسة كلاب الحلة يهووا ...
وزاد هوهيون كبشاً ضاع
من مرحاتو وصاقع باع
بلة الطاهر علي بلاّع
بلة الطاهر علي بلاّع
كانت أول مرة نشوفو ...
يومنا الشفنا اللاندكروزر
اللونا مخطَط
والبنوت الراسا مرَبط ....
التنبوبر
لوري مكوَّش أقمشة ..سكر ...
حتى الفوفو ... وعتل تؤجر
وأمحي المنكر بي معروفو
بلة الطاهر علي بلاع ...
أكرمناهو .... أكرمن ضيوفو
يشبه مرت الشيخ في وشيهو ...
لولا الدقن الدشدش صوفو
بلة خبارك ما بتشبهنا وعامل زولنا
تاني نقول الزول برانا نغيير قولنا
إلا كبار الحلة بقولوا ...
بلة دا هولنا
بلة دا أصلا من ها الحِلة
إلا أنربى وقرأ في الخارج
رافق جدو الفتح التركي
وسيرتو انقطعت في المهدية
وررَرَة سمعنا أستوطن برة ...
وقام إنزوج من مصرية
جابت علي ... علي جاب الطاهر
حتى الطاهر خلَّف بلة
جدو انشيطن أخير ما لانا
بلة أنسركن وبقي مولانا وجاء وبرانا
أقرب واحد لي حاج بلة ....
أقرب واحد شيخ الحلة
بلة الطاهر علي حسب الله
أول مرة يصلي معانا ...
قدمناهو وقم أمَّانا
صوتو مرخرخ لامن يقرأ
يقرأ ويقطع .. زي البطرا
لامن يركع جسمو متختخ
عند السجدة سجودو ممخمخ
شيخ الحلة بقول عن امرو
زول غرقان في الدين من عمرو
ستة سنين .. قابض في جمرو
وما فكاهو طريق الله ...
صوتو وِدِر من كترة ذكرو
وجسمو التختخو.. شدَة صبرو
قلنا حقيقة الزول بي عذرو
وفتنا قناعة.. ومااااانا قناعة
إلا الستة.. الصاروا جماعة
قالوا .. دا زول تربايته مياعة
ما يشبهنا ورفعو وضاعة
زول زول دنيا ودنيا صياعة
قصة دينو ودقنو بضاعة
وإحنا أصواتنا ... يا إما مباعة
يا إما جهالة وناس متباعة
وفي الحالتين آمالنا مضاعة
وخارم بارم
كونها بوسطة ... ومدرسة وسطى
والشفخانة وموية ونور
كونو يجيبا دا ما منظور
وزيادة الحصة ... الزول زول سوق
زول من جدو يلف ويدور
ويا الجابرية دا مطلب عادل ...
كونو تطيبي ... تكاتبي وتقري
ضوك يشلع ... دشك يرشع
ونحن دفعنا ضرايب بدري
ولسه بندفع ... لسع ... لسع
بس يا جماعة ... إن قضينا حياتنا تباعة
وصنيت رادي ... وقول في الفاضي
خوفنا نقوم ما نلقى أراضي
ونحن أساسنا وراسنا زراعة
والجابرية إن دايرة شفاعا
ما بيشفعلها إلا ضُراعا
عبو ضراعكن يا رجَالا ...
وخلو بصركم دغري وسالم
عبو ضراعكن آ رجالا ...
شيخ الحلة أضلَّ وضلَّ
وأسألوا بُرَّة وحاجة السُرَّة
عن التيبان وحكاية الصُّرة
شن لمه بلة وشيخ الحِلة مع شرع الله
والناس ديل العارضين برة
جربناهن كمين مرة
وتاني نجرب شان ننضرَّ
ويا الجابرية معاكي سلامة ...
كان الفوقك ما فات مرة
كان كلماتن ناشف ريقا ... كانت مرة
إلا حقيقة ... وغلبنا نطيقا ...
وين في الصُرمة ... وقِل القدرة
وسكتناهن بس ما صنو
وقاطعناهن تاني المرة
وما من واحد فيهن ترَا
وبلة
كان هو طريق الناس وخيارا
فوزناهو.. وجانا زيارة
كرمنالو التور وعرضنا ...
وخليناهم برة الدارة
دايرن بوسطة ومدرسة وسطى ...
موية وكهربا والشفخانة ...
زيادة الحصة وسوق منضبطة
وصدو كلاب الحلة يهووا ...
ينضم بلة يهووا معاهو
نهتف نحن يزيد هوهيوا
مافي شهر جاتنا الخرسانة ...
جانا السيخ ... الطوب ... الرملة ...
جا الأسمنت شكارة شكارة
عديناهن ألف شكارة
وكرمنالن خيرا جانا
وكل كلاب الحلة الهوَّن ...
طفشناهن بالجبخانة
وفي صنانا تدودي الزانة
إنغالطنا كتير في بعضنا ...
أولى المدرسة واللا البوسطة
أولى المدرسة
والشفخانة
الشفخانة محل النقطة
ونان النقطة...
.نحن أهالي ... وودنا صافي
بيننا معزَّّة جرائم مافي ...
وما بنحتاج لي شرطة ونقطة
تحصل عِلة في شيخ الحلة
ونان النقطة
نحن الإيدنا بنت للنقطة ...
والجيَرنا زبالة أطيانا
ناس السلطة إن دارو النقطة ...
يمشوا بكان أرض الشفخانة
وما طالبانا خلاف زنزانة
مدرسة بوسطة ... مدرسة بوسطة
ستين طلبة وعشرين أوسطى
شغالين ما ملَو سخانة
مدرسة بوسطة ...
وقلنا غُنانا
يا الجابرية الله أدّانا...
حاج البلة المبروك جانا
جاب المدرسة جاب البوسطة
وبكرة يرجّع للشفخانة
نصحى نصابح موية الدُّش
نمسي نلاقي الضوْ عمّانا
مدرسة بوسطة ... مدرسة بوسطة
وتاوق ... وتاوق ... وتاوق ...اخ
وفجأة تبين تتضخ الخرطة
وكب تنتصب الميضنة ...أخ
أخ من حظك يا الجابرية
سابع جامع في الجابرية
سابع جامع وبالجبرية
وصدوا كلاب الحلة يهووا
أخ يا الناس الحالن قطَا
في البلدان الحظها فاجع
بق يا الصاح الماك متراجع
وحرِّق دبش الدنيا الغلطة
بق وانفرَق في الجابرية
بق في أرحامنا في شافع نافع
ترفعو أمو في حيطة الجامع
يكتب .. يسقط دجل السلطة
ويسقط بلة وشيخنا التابع
كشّفناك وكشفنا الخطة
تحيا كلابك يا الجابرية
ويحيا ضراع الزيتن طالع
والبيصارع مُر الواقع
تحيا ترابك والطورية
الجابرية تحيي الشارع
دايرين كهرباء
دايرين موية
دايرين سلطة وسوق منضبطة
دايرن هسة زيادة الحصة ..
الشفخانة بديل النقطة
دايرين بوسطة ومدرسة وسطى
والله بنعبدوا في ايت حتة
دايرين بوسطة ومدرسة وسطى
والله بنعبدوا في ايت حتة

باسط المكي · 04-06-2013, 05:52 PM

كم حفظناها وكم رددناااه ياعادل
كانت التعويزة لفك القهر والاحباااط في الاماسي
رجعتني سنوات وسنوات كنت ارددها معه السمار كلما يضيق علينا
الحال وللاسف مازال
الجابرية قصيدة حياة متجددة عبر الاجيال
في وجه ماهو غلط واعوج
تحياتي لك

عادل عسوم · 04-06-2013, 06:29 PM

اقتباس:

المشاركة الأصلية كتبت بواسطة باسط المكي

كم حفظناها وكم رددناااه ياعادل
كانت التعويزة لفك القهر والاحباااط في الاماسي
رجعتني سنوات وسنوات كنت ارددها معه السمار كلما يضيق علينا
الحال وللاسف مازال
الجابرية قصيدة حياة متجددة عبر الاجيال
في وجه ماهو غلط واعوج
تحياتي لك

أستاذنا باسط المكي...
أين أنت يارجل؟!
مرحبا بك ياحبيب على (سكك) الذكريات الحميمة...
(توقيعي) ليس بقلم الرصاص ياعزيزي...انه بقلم (كوبيا)!
كن قريبا ياصاحب
وافر المودة

عادل عسوم · 04-06-2013, 06:40 PM

وازداد تعلقي بقصائد حميد عندما علمتُ بأن (طعم الدروس) التي يؤديها المبدع محمدكرم الله (رحمه الله) هي من تأليف الراحل حِمّيد عندما كان طالبا في المرحلة الثانوية!
يااااه
قصيدة بكل هذا الألق والتمام الابداعي يكتبها وهو لم يتعدّ المرحلة الثانوية بعد؟!
يالكلمات هذه القصيدة!
وياللأداء الرائع الذي خلدها به راحلنا محمد كرم الله

وريني شن طعم الدروس مادام بكانا مشى قطر
وكيف ذاتا ترتاح النفوس تقبل قرايتاً فى سفر
يايمه حان الإمتحان من وقتو بس فاضل شهر
ما اظنى من جور الزمان انجح واجيب ليكم نمر
كيف ذاتى يا نبع الحنان انجح من آلام السهر
عمرك سمعتيلك جبان خاض المعارك وانتصر
زينوبة كل ما افتح كتاب القاك فى أول سطر
القى الجداول والصحاب القى الجناين والتمر
فى الحصة عقلى أنا قام سدر يمه المدرس لو فكر
كان بلقى قاعد فوق ككر فى الدونكا لسع ما فطر
يسمع كليمة يا عشاي وأغلى الحكم عند الضجر
أنا قلبى كلو عليك جناى وقلب جناى على حجر
والله موش لو كان نهر لو كالنى بي سيطان بقر
مادام عقيل الجن سدر ما اظنو من عندك حضر
بذاتو ابوى تلقاهو قام فاتح كتابو مع الفجر
يقرأ ويرتل فى كلام ما بفهمو الناس الكُتُر
زينوبة كر من حالى كر قاعد لى فوق نيران جمر
غربة وكمان حالاً فقر عذبنى قبل أصل القبر
الشوق متل شوك الكتر طعن الجسم لمن خدر
والله لو ما منجبر ما كان بفارقك بى شبر
زينوبة دنيا الإغتراب خلتنى زي ورق الشدر
اتحت من عدم الشراب عم الأراضى وانتشر
الغربة اصلو طعيمها مر لكنى بقعد بالجبر
لمن سنين الهم تمر يا ربى الهمنى الصبر

عادل عسوم · 04-06-2013, 07:28 PM

http://www.youtube.com/watch?v=aOWDIGXLgEA

عادل عسوم · 04-06-2013, 07:56 PM

ومافتئتُ أبحث عن اشعار حمّيد...
وكم كنت سعيدا عندما وجدتُ كُراسة ملأى باشعاره مصادفة...
قلبت اوراقها فانبرت لي قصيدته البديعة (بين الموجة والخزان)...
لقد الّف حمِّيد هذه القصيدة قبل أن يصبح (سد مروي) حقيقة ماثلة أمام أهلنا في تلك الفجاج!...
بل لم يشرع أحد في ايما حراك يستشف منه الناظر بأن سدّا سيقام هنا!...
لقد وجدتُ في هذه القصيدة بُغيتي لما انداح فيها من سياقات ذُكِر اسم الله فيها كثيرا...
أخذتها واريتها لصديق لي قائلا:
ياهو دا حِمِّيد البتقول عليهو شيوعي بالله عليك شوف الكلمات دي كلمات شيوعيين؟!
...
لقد أضحت هذه القصيدة-لدى أهلنا-بمثابة نبوءة أطلقها حميد عن خزان مروي منذ الثمانينيات ليتحقق قيامه قبل سنوات قليلة مضت!
بالله عليكم اسمعوها وشاهدوها:

عادل عسوم · 04-06-2013, 06:05 PM

قرأت كلماتها فاذا بها تنسرب الى دواخلي بلا استئذان!
لعلها التلقائية التي كُتبَت بها...
ولعلها الحميمية التي اكتَنَفَت كلماتِها...
ولعلها روحُ الحبوبات التي تكاد تتلمسها بين سراباتِ أحرفها!
قرأتُها فاذا برائحة البراسيم واللوبيا تنبعث من سرابات سياقاتها...
ولكأن خرير مياه الجداول وثُغاء الشياه و(نبح) البوابير تتبعه كلابُ (بلد بي تحت) تضِجُّ في الآذان يتخللها صوتُ (صائح) فوق حماره ينادي:
الحي الله والدايم الله سيداحمد ودحسين راح في حق الله...
نقلتُ القصيدة ثم حفظتُها عن ظهر قلب...
(يتبع)

04-06-2013, 05:43 PM	#[1]
عادل عسوم :: كــاتب نشــط::	توقيعٌ على مَرقدِ حِمِّيد... اللهم ارحم محمدالحسن سالم حِمِّيد واغفر له واجعل الجنة مثواه... انك ياربي وليُّ ذلك والقادر عليه ... كانت قصيدته (الجابرية) مولجه الى وجدان جيل كامل من أبناء منحنى النيل... لن اكون مغاليا ان قلت بأن هذه القصيدة قد شكلت مساحة مقدرة من وجداني الشعري تذوقاً والقاءً ونظماً: كان ضحوية ... وكُنَا نسنِّد في المحروت وفجأة يهّوي مَكبر صوت قال : الريس مار بي فوقنا من شغلتنا قلعنا عِروقنا فكَينالُو حبل وآسوقنا وإنماسكنا يطمّن روقنا قمنا جميع الحلي مَرقنا ... البيشوفنا.. يقول وآآ شوقنا كان ضحوية ... وكانت عين شمس الله قوية وكان الريس في عَربية ... واقف طولو.. تحت شمسية هللّنّالو ... هلّجنّالو ...لوّحنّالو بالطورية فرَّ عبايتو.. وهزَّ عصايتو ... وهزوا بنادقن الضابطية صفقنالن.. صفقة قوية زغردنالن ... يويا أيويا هدّن عندنا خمسة دقائق قدمنالو كتاب الله ...درقة وسيف ... تبروقة هدية .. قـُـفّة تمودة .. وفاس دهبية وكنا قبُل بيّتنَا النية ... بين بتين علّينا اليافطة ... اليافطة أم زيق الدمورية وانعبينا هتافاً واحد الجابرية تحيّي الثورة ... دايرين بوسطة ومدرسة وسطى الشفخانة وسوق منضبطة قام الريس.. روّح باسم وقام خاطبنا بنهج الثورة الصارم وحازم أمّن.. لازم من شفخانة ومدرسة وسطي والتعمير بالعون الذاتي إلا البوسطة .. دي ينظر فيها أما السوق ... السوق منضبطة للتُجَار الأسعار واضحة وللمستهلك باينة وواضحة ... جاملتوهن تبقى الغلطة وإنكفّينا رفعنا إيدينا ...هزيناهن بالتأييد لا تفريط في قوت الشعب ... سحقاً سحقاً للرجعية الجابرية ضراع الثورة ... بالإنتاج حنبني بلدنا كانوا في جيهة .. وإحنا في جيهة هن ينهبّبّوا بالكابات ... وما همّانا الصيف وعَرقَنا فات الريس وإنفّرقنا إنفرتقنا على الجابرية كنا ببنضم وما صدّقّنا بالجابرية تجيها البوسطة الشفخانة ومدرسة وسطى قلنا يا ريت لو وصلوا فطور وإنحزّمنا ضبحنا التور كُنا أقلا ضِمّننِا النور أو يا ريت لو زدنا الصفقة .. وعاش ويسقط ويويا أيييويا كُنا أقلا ضِمنا الموية كنا بننضم بي إيدينا ... دا أحسن ريس مَّرّْ علينا ومن الله خَلقنا وشفنا خِلقنا ... دا أول ريس زاتو يجينا وكونو يجينا يقنّب بينا... يشوف البينا .... كفاية علينا آ الجابرية يجوكي الحُكَما آ الجابرية تواصلي البرة آ الجابرية ولادِك تقرا نمشي الليلة نصاقر الرادي نمشي الليلة نحضر النشرة وكنا نرجِِّع في كلماتو إلا في ستة من الجابرية ... قالوا .. تعبكم خارم بارم يذهب حاكم خلف الحاكم والجابرية تظل في حالها ... حِلّة حياتا تسُر الظالم صُدفة تموت وتحَيا اطفالا لا جلكوز لا تقرا رسالة ولا .. راح يطلع منها عالم ما بينصفكم إلا ضراعكم عّبّوا ضراعكم يا رجّالة وخَلّوا بصركم دغري وسالم حُكم العسكر ما بينشكر كلو درادر ... كلو مظالم وما هو قدركن تَحيو همالة مقصودين والقاصد فاهم وقاطعناهن ... حاربناهن.. تميناها البينا شتائم حالتُن أحسن ناس في الحلة إيدا نزيهة ... عقولا نبيهة قلنا بَعرفوا ... وقلنا فواهم يطلعوا فالصو.. وقٌطّاع رحَمة عينة شماتة وخارم بارم وإحنا القُصّر واثقين فيها وقطّعناها معاهم جملة .. وقاطعناهم صاروا في جيهة ... ونحن في جيهة ومر اليوم ... الشهر ... الحول والجابرية بلد في حالا قواسي شيوخا ... مآسي أطفالا عذابات ناسا من القُرّاصة ولي قَرّاصا ... ... حلة تعافر ومقطوع راسا عشرين كيلو من الجابرية ... صِبية تساسق بي كراسا آ الجابرية عذابك فينا ... لاكي القرية.. ولاكي مدينة وفد في وفد يقوم ويجينا ... دايرة دراسة وإجراءات عون أمريكي وقرض ألماني وحاحاءات وحد ما نشوفلنا مسعولين ... مسعولين أو خواجات نجري نلم قدحاتنا عليها .... ترطن ترجع زي ما جات الشفخانة وعايزة دراسة ... مدرسة وسطى وإجراءات ولما المطوحة طالت بينا إنذكرنا العون الذاتي إنحزمنا وقلنا برانا ... نبني نقوًم للشفخانة طوبة في طوبة وقوّمناها ويوما التمت .. جات السلطة ... عربي وعجمي ومرة رطانة الشفخانة دا ماهو بكانا وهاك يا تلتلة هاك يا ورطة وغصباً عنك يا الجابرية ... وغصباً عنك يا أحوالا وحُميّاتا وموت أطفالا وحُمرة عينكن يا رجّالة قوة انشكت بين النقطة وفي الجابرية تحوم الشرطة هووا كلاب الحلة وصنوا ومن يوم داك ما شفنا السِتًة وفد الحلة السافر جانا ... قال إنأكد شاف الخرطة ونحن بدل نبني الشفخانة ... إنسرعنا بنينا النقطة الشفخانة دا ماهو بكانا ... وكانت غلطة انقلبت ورطة إنفاهمتو مع المسعول إنفاهمنا مع المسعول وقال حا يقوم للشفخانة أو يدفعلنا حق اطيانا مع إنو النقطة وكت بُنيانا ... قوَمتوها بلا زنزانة وفي تقديرنا كلام معقول كونو يقوَم لي الشفخانة حاجة تضحك محرقة هانة إنتو تقيفوا مع المسعول وألا الكنتو تقيفوا معانا قلنا... خفنا نفقِد الجاي ... خفنا نفشّل باقي الخطة هو فضل جاي ... هي فضلت خطة وانفرتقنا على الجابرية .... وانعلقنا تجينا البوسطة ومدرسة وسطى والشفخانة قصاد النقطة تجينا ... تجينا ... وما أنيقننا ناس إنولدو ... وواحدين ماتوا لما الريّس ودوشتو فاتوا وبعد خراج أرواح وعذاب فاتوا العسكر وجو الأحزاب ... ونفس الوجع اتجدد تاني ونفس الحلم الراح تحتاني حتلناهو ... جمعنا رفاتو نفس اليافطة في نفس الحتة الجابرية تحيي الشعب دايرين بوسطة ومدرسة وسطى والشفخانة بديل النقطة فينا انكلم شيخ الحلة صنقع ...دنقر ... صلي وسلم وكانوا كلاب الحلة يهووا وقال كلمتنا تكون فد واحدي ... شان ننقوى وما ننزلا شان مشهادنا وعدل الحلة نحن نفوّز شيخ البلة وزاد هوهيو ... كلوب الحلة وبعضنا عارض ... رده وفاوض شيخ الحلة القام حمسنا ... بلة الحمش الزول ما دلة أول فاهم.. وقبلو ولدنا ... وراح يحكملنا بشرع الله هو .. هو ... هووا كلابنا لما أستغرب شيخ الحلة وإنفرقنا على الجابرية إنفرقنا ويوم الليلة انجمعنا عموم الحلة شيخ الحلة قرأ القرآن ... صنو كلاب الحلة وهووا وبلة إنقدم سمَّي وصلَّى ... صنو شوية ... وهو هو هووا قام وإنكلم ... عن ينكلم كان ينقسم النسوان الجاي تتهامز الصبيان الجاي تنغامز وكان ينبسم ... وكانو كلاب الحلة يهووا شكَّر وشتَّم ... هو هو هووا حلَّل وحرَّم ... هو هو هووا هوَّد وسابنا ... وفات ودانا الآخرة وجابنا قاطعناهو وصوتو إنوطَّا أصلاً واطي وتاني إنوطَّا دايرن بوسطة ومدرسة وسطى ... والشفخانة بديل النقطة التموين وزيادة الحصة .... كهربة موية وسوق منضبطة بلة انبرع وقال ببنيهن ... هو هو هووا كلابنا واستغربنا قبل بالمرة لامن نهتف ترسى كلابنا لامن ينضم بلة يهووا بلة انحمس وقال بسقينا ... وبي إذن الله يضوى الحلة هتف الشيخ وهتفنا وراهو : لا تبديل لشرع الله .... هو هو هو لا ولاء لغير الله ...... طاء طاء طاء عاش الفارس أمل الحلة بلة الطاهر علي حسب الله عاش الفارس أمل الحلة بلة الطاهر علي حسب الله بلة الطاهر علي حسب الله كبَّر فينا وقام إندلي ... ولسة كلاب الحلة يهووا ... وزاد هوهيون كبشاً ضاع من مرحاتو وصاقع باع بلة الطاهر علي بلاّع بلة الطاهر علي بلاّع كانت أول مرة نشوفو ... يومنا الشفنا اللاندكروزر اللونا مخطَط والبنوت الراسا مرَبط .... التنبوبر لوري مكوَّش أقمشة ..سكر ... حتى الفوفو ... وعتل تؤجر وأمحي المنكر بي معروفو بلة الطاهر علي بلاع ... أكرمناهو .... أكرمن ضيوفو يشبه مرت الشيخ في وشيهو ... لولا الدقن الدشدش صوفو بلة خبارك ما بتشبهنا وعامل زولنا تاني نقول الزول برانا نغيير قولنا إلا كبار الحلة بقولوا ... بلة دا هولنا بلة دا أصلا من ها الحِلة إلا أنربى وقرأ في الخارج رافق جدو الفتح التركي وسيرتو انقطعت في المهدية وررَرَة سمعنا أستوطن برة ... وقام إنزوج من مصرية جابت علي ... علي جاب الطاهر حتى الطاهر خلَّف بلة جدو انشيطن أخير ما لانا بلة أنسركن وبقي مولانا وجاء وبرانا أقرب واحد لي حاج بلة .... أقرب واحد شيخ الحلة بلة الطاهر علي حسب الله أول مرة يصلي معانا ... قدمناهو وقم أمَّانا صوتو مرخرخ لامن يقرأ يقرأ ويقطع .. زي البطرا لامن يركع جسمو متختخ عند السجدة سجودو ممخمخ شيخ الحلة بقول عن امرو زول غرقان في الدين من عمرو ستة سنين .. قابض في جمرو وما فكاهو طريق الله ... صوتو وِدِر من كترة ذكرو وجسمو التختخو.. شدَة صبرو قلنا حقيقة الزول بي عذرو وفتنا قناعة.. ومااااانا قناعة إلا الستة.. الصاروا جماعة قالوا .. دا زول تربايته مياعة ما يشبهنا ورفعو وضاعة زول زول دنيا ودنيا صياعة قصة دينو ودقنو بضاعة وإحنا أصواتنا ... يا إما مباعة يا إما جهالة وناس متباعة وفي الحالتين آمالنا مضاعة وخارم بارم كونها بوسطة ... ومدرسة وسطى والشفخانة وموية ونور كونو يجيبا دا ما منظور وزيادة الحصة ... الزول زول سوق زول من جدو يلف ويدور ويا الجابرية دا مطلب عادل ... كونو تطيبي ... تكاتبي وتقري ضوك يشلع ... دشك يرشع ونحن دفعنا ضرايب بدري ولسه بندفع ... لسع ... لسع بس يا جماعة ... إن قضينا حياتنا تباعة وصنيت رادي ... وقول في الفاضي خوفنا نقوم ما نلقى أراضي ونحن أساسنا وراسنا زراعة والجابرية إن دايرة شفاعا ما بيشفعلها إلا ضُراعا عبو ضراعكن يا رجَالا ... وخلو بصركم دغري وسالم عبو ضراعكن آ رجالا ... شيخ الحلة أضلَّ وضلَّ وأسألوا بُرَّة وحاجة السُرَّة عن التيبان وحكاية الصُّرة شن لمه بلة وشيخ الحِلة مع شرع الله والناس ديل العارضين برة جربناهن كمين مرة وتاني نجرب شان ننضرَّ ويا الجابرية معاكي سلامة ... كان الفوقك ما فات مرة كان كلماتن ناشف ريقا ... كانت مرة إلا حقيقة ... وغلبنا نطيقا ... وين في الصُرمة ... وقِل القدرة وسكتناهن بس ما صنو وقاطعناهن تاني المرة وما من واحد فيهن ترَا وبلة كان هو طريق الناس وخيارا فوزناهو.. وجانا زيارة كرمنالو التور وعرضنا ... وخليناهم برة الدارة دايرن بوسطة ومدرسة وسطى ... موية وكهربا والشفخانة ... زيادة الحصة وسوق منضبطة وصدو كلاب الحلة يهووا ... ينضم بلة يهووا معاهو نهتف نحن يزيد هوهيوا مافي شهر جاتنا الخرسانة ... جانا السيخ ... الطوب ... الرملة ... جا الأسمنت شكارة شكارة عديناهن ألف شكارة وكرمنالن خيرا جانا وكل كلاب الحلة الهوَّن ... طفشناهن بالجبخانة وفي صنانا تدودي الزانة إنغالطنا كتير في بعضنا ... أولى المدرسة واللا البوسطة أولى المدرسة والشفخانة الشفخانة محل النقطة ونان النقطة... .نحن أهالي ... وودنا صافي بيننا معزَّّة جرائم مافي ... وما بنحتاج لي شرطة ونقطة تحصل عِلة في شيخ الحلة ونان النقطة نحن الإيدنا بنت للنقطة ... والجيَرنا زبالة أطيانا ناس السلطة إن دارو النقطة ... يمشوا بكان أرض الشفخانة وما طالبانا خلاف زنزانة مدرسة بوسطة ... مدرسة بوسطة ستين طلبة وعشرين أوسطى شغالين ما ملَو سخانة مدرسة بوسطة ... وقلنا غُنانا يا الجابرية الله أدّانا... حاج البلة المبروك جانا جاب المدرسة جاب البوسطة وبكرة يرجّع للشفخانة نصحى نصابح موية الدُّش نمسي نلاقي الضوْ عمّانا مدرسة بوسطة ... مدرسة بوسطة وتاوق ... وتاوق ... وتاوق ...اخ وفجأة تبين تتضخ الخرطة وكب تنتصب الميضنة ...أخ أخ من حظك يا الجابرية سابع جامع في الجابرية سابع جامع وبالجبرية وصدوا كلاب الحلة يهووا أخ يا الناس الحالن قطَا في البلدان الحظها فاجع بق يا الصاح الماك متراجع وحرِّق دبش الدنيا الغلطة بق وانفرَق في الجابرية بق في أرحامنا في شافع نافع ترفعو أمو في حيطة الجامع يكتب .. يسقط دجل السلطة ويسقط بلة وشيخنا التابع كشّفناك وكشفنا الخطة تحيا كلابك يا الجابرية ويحيا ضراع الزيتن طالع والبيصارع مُر الواقع تحيا ترابك والطورية الجابرية تحيي الشارع دايرين كهرباء دايرين موية دايرين سلطة وسوق منضبطة دايرن هسة زيادة الحصة .. الشفخانة بديل النقطة دايرين بوسطة ومدرسة وسطى والله بنعبدوا في ايت حتة دايرين بوسطة ومدرسة وسطى والله بنعبدوا في ايت حتة التعديل الأخير تم بواسطة عادل عسوم ; 15-01-2015 الساعة 05:12 AM.
عادل عسوم :: كــاتب نشــط::	التوقيع: المرء أن كان مخبوءا في لسانه فإنه - في عوالم هذه الأسافير - لمخبوء في (كيبورده)

04-06-2013, 05:52 PM	#[2]
باسط المكي :: كــاتب نشــط::	كم حفظناها وكم رددناااه ياعادل كانت التعويزة لفك القهر والاحباااط في الاماسي رجعتني سنوات وسنوات كنت ارددها معه السمار كلما يضيق علينا الحال وللاسف مازال الجابرية قصيدة حياة متجددة عبر الاجيال في وجه ماهو غلط واعوج تحياتي لك
باسط المكي :: كــاتب نشــط::

04-06-2013, 06:40 PM	#[4]
عادل عسوم :: كــاتب نشــط::	وازداد تعلقي بقصائد حميد عندما علمتُ بأن (طعم الدروس) التي يؤديها المبدع محمدكرم الله (رحمه الله) هي من تأليف الراحل حِمّيد عندما كان طالبا في المرحلة الثانوية! يااااه قصيدة بكل هذا الألق والتمام الابداعي يكتبها وهو لم يتعدّ المرحلة الثانوية بعد؟! يالكلمات هذه القصيدة! وياللأداء الرائع الذي خلدها به راحلنا محمد كرم الله وريني شن طعم الدروس مادام بكانا مشى قطر وكيف ذاتا ترتاح النفوس تقبل قرايتاً فى سفر يايمه حان الإمتحان من وقتو بس فاضل شهر ما اظنى من جور الزمان انجح واجيب ليكم نمر كيف ذاتى يا نبع الحنان انجح من آلام السهر عمرك سمعتيلك جبان خاض المعارك وانتصر زينوبة كل ما افتح كتاب القاك فى أول سطر القى الجداول والصحاب القى الجناين والتمر فى الحصة عقلى أنا قام سدر يمه المدرس لو فكر كان بلقى قاعد فوق ككر فى الدونكا لسع ما فطر يسمع كليمة يا عشاي وأغلى الحكم عند الضجر أنا قلبى كلو عليك جناى وقلب جناى على حجر والله موش لو كان نهر لو كالنى بي سيطان بقر مادام عقيل الجن سدر ما اظنو من عندك حضر بذاتو ابوى تلقاهو قام فاتح كتابو مع الفجر يقرأ ويرتل فى كلام ما بفهمو الناس الكُتُر زينوبة كر من حالى كر قاعد لى فوق نيران جمر غربة وكمان حالاً فقر عذبنى قبل أصل القبر الشوق متل شوك الكتر طعن الجسم لمن خدر والله لو ما منجبر ما كان بفارقك بى شبر زينوبة دنيا الإغتراب خلتنى زي ورق الشدر اتحت من عدم الشراب عم الأراضى وانتشر الغربة اصلو طعيمها مر لكنى بقعد بالجبر لمن سنين الهم تمر يا ربى الهمنى الصبر
عادل عسوم :: كــاتب نشــط::	التوقيع: المرء أن كان مخبوءا في لسانه فإنه - في عوالم هذه الأسافير - لمخبوء في (كيبورده)

04-06-2013, 07:28 PM	#[5]
عادل عسوم :: كــاتب نشــط::	http://www.youtube.com/watch?v=aOWDIGXLgEA
عادل عسوم :: كــاتب نشــط::	التوقيع: المرء أن كان مخبوءا في لسانه فإنه - في عوالم هذه الأسافير - لمخبوء في (كيبورده)

04-06-2013, 07:56 PM	#[6]
عادل عسوم :: كــاتب نشــط::	ومافتئتُ أبحث عن اشعار حمّيد... وكم كنت سعيدا عندما وجدتُ كُراسة ملأى باشعاره مصادفة... قلبت اوراقها فانبرت لي قصيدته البديعة (بين الموجة والخزان)... لقد الّف حمِّيد هذه القصيدة قبل أن يصبح (سد مروي) حقيقة ماثلة أمام أهلنا في تلك الفجاج!... بل لم يشرع أحد في ايما حراك يستشف منه الناظر بأن سدّا سيقام هنا!... لقد وجدتُ في هذه القصيدة بُغيتي لما انداح فيها من سياقات ذُكِر اسم الله فيها كثيرا... أخذتها واريتها لصديق لي قائلا: ياهو دا حِمِّيد البتقول عليهو شيوعي بالله عليك شوف الكلمات دي كلمات شيوعيين؟! ... لقد أضحت هذه القصيدة-لدى أهلنا-بمثابة نبوءة أطلقها حميد عن خزان مروي منذ الثمانينيات ليتحقق قيامه قبل سنوات قليلة مضت! بالله عليكم اسمعوها وشاهدوها: YouTube التعديل الأخير تم بواسطة عادل عسوم ; 15-01-2015 الساعة 05:18 AM.
عادل عسوم :: كــاتب نشــط::	التوقيع: المرء أن كان مخبوءا في لسانه فإنه - في عوالم هذه الأسافير - لمخبوء في (كيبورده)

04-06-2013, 06:05 PM	#[7]
عادل عسوم :: كــاتب نشــط::	قرأت كلماتها فاذا بها تنسرب الى دواخلي بلا استئذان! لعلها التلقائية التي كُتبَت بها... ولعلها الحميمية التي اكتَنَفَت كلماتِها... ولعلها روحُ الحبوبات التي تكاد تتلمسها بين سراباتِ أحرفها! قرأتُها فاذا برائحة البراسيم واللوبيا تنبعث من سرابات سياقاتها... ولكأن خرير مياه الجداول وثُغاء الشياه و(نبح) البوابير تتبعه كلابُ (بلد بي تحت) تضِجُّ في الآذان يتخللها صوتُ (صائح) فوق حماره ينادي: الحي الله والدايم الله سيداحمد ودحسين راح في حق الله... نقلتُ القصيدة ثم حفظتُها عن ظهر قلب... (يتبع) التعديل الأخير تم بواسطة عادل عسوم ; 15-01-2015 الساعة 05:15 AM.
عادل عسوم :: كــاتب نشــط::	التوقيع: المرء أن كان مخبوءا في لسانه فإنه - في عوالم هذه الأسافير - لمخبوء في (كيبورده)