الأمر مُعقد

[أبوبكر عباس]

المشاركة الأصلية كتبت بواسطة ماريل

كيف يعنى عرفى اكتر منه دينى؟؟
العرفى هو ما تعارف عليه الناس لكن الدينى هو ما يخضع لمرجعية شرعية
وده بالضبط البحصل فى التعدد ...زواج شرعى بكل اركانه الشئ الوحيد الممكن
يقع فيهو الزوج هو عدم العدل وهنا ببقى المسالة حساب وعقاب على جريمة
الظلم او عدم العدل بين نسائه لكن عرفى دى لا اعتقد فيها هو زواج شرعى

يا ماريل، أنا ما قلت كلامي ساكت!
قلت التعدد الديني مربوط بشرط في الآية، إذا لم يتحقق هذا الشرط (حسب قراءتي للآية) يصبح هذا الزواج ليس ديني وإنما زواج تعارف عليه الناس (عرفي) من توارثهم للفهم الغلط للآية

[ماريل]

المشاركة الأصلية كتبت بواسطة بابكر عباس

هذا التفسير للآية غير صحيح ومدغمس ومكلفت. شنو العلاقة ب: لو عندك يتيمة وما داير تديها مهرها كامل؛ امشي انكح غيرها؟ التفسير الصحيح هو ما قاله محمد شحرور:.

انا قلت انو حالة خاصة وهى اليتيمة التحت رعايتك وانت جيت قلت اليتيمة التحت وصايتك
ما شايفا فرق انا ،كويس معاك
ثانيا نجى لكلام محمد شحرور( لو ضميت ليك يتامى بأمهم وعندك وصاية على أموالهم وخفت من عدم العدل، تزوج بأمهم وخلي الحال واحد وأصرف عليهم كأولادك)
عدم العدل فى شنو تحديدا يا بابكر؟؟وهل الزواج بامهم مثلا بخليك تعامل الايتام ديل كانهم ابناءك فقط لانك نزوجت امهم...
شوف انت اذا معاملتك كريمة ليهم ده ابدا ما مربوط بالزواج من امهم وعدموا ده مربوط بسلوكك العام فقط...

[أبوبكر عباس]

المشاركة الأصلية كتبت بواسطة ماريل

انا قلت انو حالة خاصة وهى اليتيمة التحت رعايتك وانت جيت قلت اليتيمة التحت وصايتك
ما شايفا فرق انا ،كويس معاك
ثانيا نجى لكلام محمد شحرور( لو ضميت ليك يتامى بأمهم وعندك وصاية على أموالهم وخفت من عدم العدل، تزوج بأمهم وخلي الحال واحد وأصرف عليهم كأولادك)
عدم العدل فى شنو تحديدا يا بابكر؟؟وهل الزواج بامهم مثلا بخليك تعامل الايتام ديل كانهم ابناءك فقط لانك نزوجت امهم...
شوف انت اذا معاملتك كريمة ليهم ده ابدا ما مربوط بالزواج من امهم وعدموا ده مربوط بسلوكك العام فقط...

العدل بجيبو تغيير وضع المرأة (الام) بعد السكون إليها؛ تصبح حكومة تتمتع بكامل الحقوق الدستورية في المال وهي أحرص على نزع حقوق أولادها اليتامى

[ماريل]

المشاركة الأصلية كتبت بواسطة بابكر عباس

يا ماريل، أنا ما قلت كلامي ساكت! قلت التعدد الديني مربوط بشرط في الآية، إذا لم يتحقق هذا الشرط (حسب قراءتي للآية) يصبح هذا الزواج ليس ديني وإنما زواج تعارف عليه الناس (عرفي) من توارثهم للفهم الغلط للآية

شروط الزواج الشرعى معروفة ودى بتكون موجودة فى حالة التعدد الا اذا كنت عايز تقول
انو فى حالة التعدد هناك شرط اضافى اذا لم يتحقق تنتفى شرعية العقد كده بكون معاك

[ماريل]

المشاركة الأصلية كتبت بواسطة بابكر عباس

العدل بجيبو تغيير وضع المرأة (الام) بعد السكون إليها؛ تصبح حكومة تتمتع بكامل الحقوق الدستورية في المال وهي أحرص على نزع حقوق أولادها اليتامى

فى حالة وفاة الاب ووجود الام الوصاية بتكون عن منو اصلا؟؟

[ماريل]

الوصاية بالله اتكلم لى عنها بفرعيها كويس عشان نفهم كلام محمد شحرور

[أبوبكر عباس]

المشاركة الأصلية كتبت بواسطة أحمد طه

بابكر أنا ما بقدر ألاويك

يا احمد، في أربعة بالمنتدى دا، بحبهم وما بحب ألاويهم خالص؛ هم: انتا، تماضر، أميرة (أمهم) وفيصل سعد، لكن كمان مرات بلقاكم في نص شكلاتي مع الفريق الخصم، وأنا غلاطي دا، زي أولادي؛ أحبّ إليّ من نفسي.

[أبوبكر عباس]

المشاركة الأصلية كتبت بواسطة ماريل

فى حالة وفاة الاب ووجود الام الوصاية بتكون عن منو اصلا؟؟

الكلام برمتو يا ماريل، تاريخي
بالتأكيد حاليا الوصاية للأم

توضيح لنقطة ليست لها علاقة بالإقتباس:
الزواج عندي مرجعيتو ممكن تكون:
- دينية
- أو إجتماعية (العرفي والبوي فريند)
- أو قانونية (زواج مدني)
وكلو بالنسبة لي شرعي

[أبو دعد]

و الشيعة عندهم مذهب يجمع الاعداد مثنى و ثلاث و رباع يعنى 2+3+4=9 اعتبروا الواو اضافة و ليس خيار هذا بالاضافة الى زواج المتعة

[ماريل]

المشاركة الأصلية كتبت بواسطة بابكر عباس

الكلام برمتو يا ماريل، تاريخي
بالتأكيد حاليا الوصاية للأم

طيب يا بابكر اذا عرفنا انو الوصاية نوعيين:
وصاية نفس
وصاية مال
نحن هنا بعرض وصاية المال وهى عند الام كما تفضلت حضرتك بكون كلام محمد شحرور

( لو ضميت ليك يتامى بأمهم وعندك وصاية على أموالهم وخفت من عدم العدل، تزوج بأمهم وخلي الحال واحد وأصرف عليهم كأولادك)

ده ما تفسير الاية....

[ماريل]

المشاركة الأصلية كتبت بواسطة أبو دعد

و الشيعة عندهم مذهب يجمع الاعداد مثنى و ثلاث و رباع يعنى 2+3+4=9 اعتبروا الواو اضافة و ليس خيار هذا بالاضافة الى زواج المتعة

الرجال ديل عايزين يجلطونى عليه انا مارقة من هنا

[ناصر يوسف]

عزام فرح
كيفنك ياخ ومساكاقمي ياخ

أنا عن نفسي زول موحِد جداً


الله واحد والزوجة ياها وااااااااااااااحدة تكفي ياخ






والتركين حيثُ أنهُ أيضًا كذلك ،،،،،،،، وااااااااحد

شُفتَ كيف يا حَبَّوب ؟؟

[حافظ حسين]

المشاركة الأصلية كتبت بواسطة بابكر عباس

هذا التفسير للآية غير صحيح ومدغمس ومكلفت.
شنو العلاقة ب: لو عندك يتيمة وما داير تديها مهرها كامل؛ امشي انكح غيرها؟
التفسير الصحيح هو ما قاله محمد شحرور:
لو ضميت ليك يتامى بأمهم وعندك وصاية على أموالهم وخفت من عدم العدل، تزوج بأمهم وخلي الحال واحد وأصرف عليهم كأولادك.

هههههههههههههه
والله يا بابكر شرحك عجبني أكثر من شروحات ماريل و أحمد طه
لكن ما عارف حكاية عندك يتيمة ؟
حسيت زي انك قاعد في قيفة البحر, شهر 8 و الدنيا دميرة
و لافيها صاح
مع الحطب البجي من الصعيد
جات يتيمة شايلها البحر و اولادها راكبين في ضهرها
زي أولاد العقرب
هي بتكورك (يا ابو مروووووه)
و انت كزول عندك مروة زايدة طوالي وقعت البحر و طلعتها و قلت الله اداني يتيمة باولادها كمان.....
اها شويتين كدا اكتشفت انو اليتيمة دي مقندلة و الطمع لعب في عبك
قمت اتزوجتها و بقيت تصرف عليها و علي اولادها و علي اولادك من قروشها....


بكور يا صاحب و الله الواحد حاسي بحرج الجموع لكن الله غالب
غايتو بالصورة دي بنقع دين الراقي ود الراقية*
-------------------
* لو ما عرفت لا الراقي لا أمه شد السلك

[أبوبكر عباس]

كدي يا حافظ شوف التعددية عند شحرور

[Hassan Farah]

اقتباس:
المشاركة الأصلية كتبت بواسطة زول الله

السبب شنو انو المرأة دائماً مكفهرة الوجه لمن تجي السيرة دي؟ - ماريل نموذجاً
والغالب الاعم انهن انفسهن سبب كبير في التعدد او تطبيقها بأخرى
طبعا للعلم ياماريل لستُ من انصار التعدد رغم اني "سوابق"
لكن استغرب من هذا الأمر الذي ترفضنه جملاً وتفصيلاً حتى لومسبب






اقول قولي هذا واستغفر الله لي..................
-------------------------------------------------------------
انت اوعك تكون مخطط تسلك درب ابوك......انتظر لمن اكلم اختى حاجة نعيمة