اقتباس:
المشاركة الأصلية كتبت بواسطة رأفت ميلاد
ده كلام قالتو لى حجة راجلا الله يرحمو كان راجل كعب والله
السؤال وخلينا فى نسوانا السودانيات .. هل بموت فيهن الأبداع بعد الزواج .. حياتن الأجتماعية بتدبل وأنتاجهن الأدبى والعلمى بيندثر ورا الراجل وتربية العيال
ده غلط ولّ صاح
البديرى وجماعتو يمتنعون .. ما ناقصين أحباط
|
عمو رأفت لك التحية وكل الوداد .....
أولاً العنوان ما قدرت اربطو بفرضية البوست , أو فى حلقة مفقودة حتى تكتمل الصورة ......
ثانياً شاء الزواجان أو رفضوا بيتم فى النهاية نوع من الترويض وتقريب وجهات النظر وطبعاً بنسب متفاوتة , بتفرضا الحياة والمكان المشترك ..... ولا بد أن يوصلوا الى منتصف وموازنة , مثلاً مثالك أعلاه قد لا يعنى بالضرورة إنكسار المرأة له ورضوخها للمرارة القائمة باعتباره قدر لا مفر منه وليس لها الا الصبر والاحتساب , ولكن (المرة التمام على حد تعبيرك ) يمكن أن تتفهم تركيبة زوجها وتتفهم الظروف الموضوعية لطباعة التى على غير ما تهوى , ومن ثم يبدا مسلسل التغيير , وهذه الأشياء لا تتم بين عشية وضحاها ولكن مرور الأيام كفيل بذلك والنماذج كتيييرة يضج بها المجتمع , وبالمناسبة ما بالضرورة الأشياء دى تكون ظاهرة للعيان حتى للزوج نفسو بس بعدد مرور السنين بيظهر أثر الشريك على الشخصية إيجاباً أو سلبا
