حكاياتنا أشتر...
لي يا أشتر قدر ما نلبس الشوق شبط
يفاجئنا حافي؟
العميري قال شيتا مشابه و مرق
من باب السكة المفتوح ضلفتين
و ساند كتفه علي صدر الريح الميل
و محمد شكري عري الخبز من شبطوا فأصابنا بالبول اللاإرادي
فسقينا الأرض ملحا أجاجا ولا نزال نزهر موسما تلو موسم
ولا يغض مضجعنا إلا إستحلام القيلولة
ياخ ده شي فضيحة
قف
إشتريت جزمة بيضاء من فترة قصيرة فتركت مهنتي و إشتغلت بتاع ورنيش
ياخ ما معقول كل يوم أمشي لبتاع ورنيش أغسل و ألمع
فقمتا أخدتها من قاصرها واشتريت صندوق بي كشكش و سرحتا
قف
قررتا أن أشتري فير آند لفلي المرة الجاية
يمكن أبقي فير مع روحي
و مرات مرات لفلي
هو إنتا بتلف منو بالمناسبه؟
في تلاته نقاط فوق الفا بالمناسبه
عشان ما تفتكرها ورق برنسيس كمان
الماء يا عمك قبل يومين كان به كدر و عكران فقربت أسألو إتا مزعلك منو؟
...
فتحوا لينا محل أيسكريم في الكلاكلة اسمو ماكنتوش
بالله شوف الكوميديا دي
كلاكلة و ماكنتوش
هااااك
دي ضحكة بالمناسبه فبالك ما يمشي بعيد و تقوم تمسك و تضيعنا
المهم جولة كده مسافة خطوة خاطر و نأتي لنحكيك عن الشوق و الفقد و بعض الجلكسات
فاللهم أشتر
|
